ಸೇನಾ ಹೆಲಿಕಾಪ್ಟರ್‌ ಪತನ; ನಾಲ್ವರ ಸಾವು

ಕೋಲ್ಕತಾ, ನ.30: ಪಶ್ಚಿಮ ಬಂಗಾಳದ ಸುಖಾನದ ಬಳಿ ಸೇನಾ ಹೆಲಿಕಾಪ್ಟರ್‌  'ಚೀತಾ’ ಪತನಗೊಂಡ ಪರಿಣಾಮವಾಗಿ ಮೂವರು ಸೇನಾಧಿಕಾರಿಗಳು ಮತ್ತು ಪೈಲೆಟ್‌ ಮೃತಪಟ್ಟಿದ್ದಾರೆ. ಓರ್ವನ ಸ್ಥಿತಿ ಗಂಭೀರವಾಗಿದೆ.
ಬುಧವಾರ ಬೆಳಗ್ಗೆ 10:30ಕ್ಕೆ ಹೊರಟಿದ್ದ ಹೆಲಿಕಾಪ್ಟರ‍್ ಪತನಗೊಂಡಿದ್ದು, ಹೆಲಿಕಾಪ್ಟರ್‌ನಲ್ಲಿ ಒಟ್ಟು ಐವರು ಪ್ರಯಾಣಿಸುತ್ತಿದ್ದರು. ಈ ಪೈಕಿ ಪೈಲೆಟ್‌ ಸೇರಿದಂತೆ ನಾಲ್ವರು ಮೃತಪಟ್ಟಿದ್ದಾರೆ. ಓರ್ವ ಅಧಿಕಾರಿ ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ. ದುರಂತಕ್ಕೆ ಕಾರಣ ತಿಳಿದು ಬಂದಿಲ್ಲ.