ಕಟ್ಟಡದಿಂದ ಬಿದ್ದು ಸಾವು

ಕುಂದಾಪುರ, ಡಿ.23: ನಿರ್ಮಾಣ ಹಂತದಲ್ಲಿದ್ದ ವಸತಿ ಸಮುಚ್ಛಯದ ಲಿಫ್ಟ್‌ನ ಪುಲ್ಲಿಯನ್ನು ಬಿಚ್ಚಲು ಹೋದ ಕಾರ್ಮಿಕರೊಬ್ಬರು ಅಕಸ್ಮಿಕವಾಗಿ ಕಾಲು ಜಾರಿ 80 ಅಡಿ ಎತ್ತರದಿಂದ ನೆಲಕ್ಕೆ ಬಿದ್ದು ಮೃತಪಟ್ಟ ಘಟನೆ ಗುರುವಾರ ಕೋಟೇಶ್ವರದಲ್ಲಿ ನಡೆದಿದೆ.

 ಮೃತರನ್ನು ಪಶ್ಚಿಮ ಬಂಗಾಳದ ನಾಗಬಾರಿ ನಿವಾಸಿ ತೋಪಾಜಲ್ ಶೇಖ್ ಎಂದು ಗುರುತಿಸಲಾಗಿದೆ.

ಇವರು ಕೋಟೇಶ್ವರದಲ್ಲಿ ನಿರ್ಮಾಣ ಗೊಳ್ಳುತ್ತಿರುವ ಅಪಾರ್ಟ್‌ಮೆಂಟ್ ಮತ್ತು ಕಮರ್ಷಿಯಲ್ ಕಟ್ಟಡದಲ್ಲಿ ಕೆಲಸ ಮಾಡುತಿದ್ದರು.  ಅಪರಾಹ್ನ 2:30ರ ಸುಮಾರಿಗೆ ಕಟ್ಟಡದ ಮೇಲ್ಭಾಗಕ್ಕೆ ಹೋಗಿ ಲಿಫ್ಟಿನ ಪುಲ್ಲಿಯನ್ನು ಬಿಚ್ಚುತಿದ್ದಾಗ ಈ ಘಟನೆ ನಡೆದಿದೆ.

ಘಟನೆಗೆ ಕಟ್ಟಡ ಮಾಲಕರು ಹಾಗೂ ಗುತ್ತಿಗೆದಾರರ ನಿರ್ಲಕ್ಷವೇ ಕಾರಣವೆಂದು ದೂರಿನಲ್ಲಿ ತಿಳಿಸಲಾಗಿದೆ.

ಈ ಬಗ್ಗೆ ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.