ವಿಟ್ಲ : ಆಹ್ವಾನಿತ ತಂಡಗಳ ಪ್ರೋ ಮಾದರಿಯ ಮ್ಯಾಟ್ ಕಬಡ್ಡಿ ಪಂದ್ಯಾಟ
ವಿಟ್ಲ , ಡಿ. 28 : ಕಂಬಳಬೆಟ್ಟು ಸೌಹಾರ್ದ ಫ್ರೆಂಡ್ಸ್ ಇದರ ದಶಮಾನೋತ್ಸವ ಪ್ರಯುಕ್ತ ದಕ್ಷಿಣ ಕನ್ನಡ ಜಿಲ್ಲಾ ಅಮೆಚೂರು ಕಬಡ್ಡಿ ಅಸೋಸಿಯೇಶನ್ ಸಹಭಾಗಿತ್ವದಲ್ಲಿ ನಡೆದ ಆಹ್ವಾನಿತ ತಂಡಗಳ ಪ್ರೋ ಮಾದರಿಯ ಮ್ಯಾಟ್ ಕಬಡ್ಡಿ ಪಂದ್ಯಾಟದಲ್ಲಿ ಮೂಡಬಿದಿರೆ ಆಳ್ವಾಸ್ ತಂಡ ಪ್ರಥಮ ಸ್ಥಾನ ಪಡೆದರೆ, ವಿಟ್ಲ-ಮೇಗಿನಪೇಟೆಯ ರೆಡ್ ಟ್ಯಾಗ್ ತಂಡ ದ್ವಿತೀಯ ಸ್ಥಾನ ಪಡೆದುಕೊಂಡಿತು.
ಎಸ್.ಇ.ಎಸ್. ಫ್ರೆಂಡ್ಸ್ ಕಡಬ ತಂಡ ತೃತೀಯ ಹಾಗೂ ಚಿಕ್ಕಮಗಳೂರಿನ ಕೊಪ್ಪ ಫ್ರೆಂಡ್ಸ್ ತಂಡ ಚತುರ್ಥ ಸ್ಥಾನ ಪಡೆದುಕೊಂಡಿತು. ಆಳ್ವಾಸ್ ತಂಡದ ಭರತ್ ಆಲ್ರೌಂಡರ್ ಹಾಗೂ ಜಸ್ವಾಂತ್ ಉತ್ತಮ ಹಿಡಿತಗಾರ, ರೆಡ್ ಟ್ಯಾಗ್ ತಂಡದ ಸುಶಾಂತ್ ಶೆಟ್ಟಿ ಉತ್ತಮ ದಾಳಿಗಾರ ಪ್ರಶಸ್ತಿ ಪಡೆದುಕೊಂಡರು.
ಮಲಯಾಳಂ ಚಲನಚಿತ್ರ ನಟಿ ದಿಶಾ ದಿನಕರ್ ಪಂದ್ಯಾಟ ಉದ್ಘಾಟಿಸಿದರು.
ಪುತ್ತೂರು ಶಾಸಕಿ ಶಕುಂತಳಾ ಟಿ. ಶೆಟ್ಟಿ ಅಧ್ಯಕ್ಷತೆ ವಹಿಸಿದ್ದರು.
ಜಿ.ಪಂ. ಸದಸ್ಯ ಎಂ.ಎಸ್. ಮಹಮ್ಮದ್, ಜಿಲ್ಲಾ ಯುವ ಕಾಂಗ್ರೆಸ್ ಉಪಾಧ್ಯಕ್ಷ ಲುಕ್ಮಾನ್ ಬಿ.ಸಿ.ರೋಡು, ಬಂಟ್ವಾಳ ಪುರಸಭಾ ಸದಸ್ಯ ಇಕ್ಬಾಲ್ ಗೂಡಿನಬಳಿ, ವಿಟ್ಲಮುಡ್ನೂರು ಗ್ರಾ.ಪಂ. ಉಪಾಧ್ಯಕ್ಷ ದಯಾನಂದ ಅಬೀರಿ, ವಿಟ್ಲ ಪಟ್ಟಣ ಪಂಚಾಯತ್ ಸದಸ್ಯರಾದ ಅಬೂಬಕ್ಕರ್ ಒಕ್ಕೆತ್ತೂರು, ಹಸೈನಾರ್ ನೆಲ್ಲಿಗುಡ್ಡೆ, ಬಂಟ್ವಾಳ ತಾ.ಪಂ. ಮಾಜಿ ಸದಸ್ಯ ಹರೀಶ್ ದೇವಸ್ಯ, ಇಡ್ಕಿದು ಗ್ರಾ.ಪಂ. ಸದಸ್ಯ ಜಯರಾಂ ಕಾರ್ಯಾಡಿ, ಉದ್ಯಮಿಗಳಾದ ಜಗದೀಶ ಮಾಣಿ, ಅಬ್ದುಲ್ ರಹಿಮಾನ್ ಪೊನ್ನೋಟು, ಪ್ರಮುಖರಾದ ಪ್ರಕಾಶ್ ಕಾರಂತ, ಇಸ್ಮಾಯಿಲ್ ಪೊಳ್ಯ, ರಾಜಾರಾಮ್ ಶೆಟ್ಟಿ ಕೋಲ್ಪೆಗುತ್ತು, ಸೋಮಶೇಖರ್ ಶೆಟ್ಟಿ ಅಳಕೆಮಜಲು, ಹಾಜಿ ಮೊಹಿದ್ದೀನ್ ಶಾಫಿ, ರಶೀದ್ ವಿಟ್ಲ, ಅಬ್ದುಲ್ ರಹಿಮಾನ್ ಅದ್ರು, ಶುಶಾಂತ್ ಶೆಟ್ಟಿ ಮೂಡೈಮಾರ್, ನಾಸೀರ್ ಕೋಲ್ಪೆ, ಜಯಶೀಲ ಶೆಟ್ಟಿ ಮೂಡೈಮಾರ್, ಹಮೀದ್ ಮೌಲ ಕಬಕ, ಅಬ್ದುಲ್ ರಹಿಮಾನ್ ಕುರುಂಬಳ, ಹನೀಫ್ ಹಾಜಿ ಗೋಳ್ತಮಜಲು, ರಮಾನಾಥ ವಿಟ್ಲ, ಶಾಹುಲ್ ಹಮೀದ್ ನೆಕ್ಕರೆ, ಈಶ್ವರ ಭಟ್ ಪಡ್ನೂರು, ಪತ್ರಕರ್ತ ಲತೀಫ್ ನೇರಳಕಟ್ಟೆ, ಐ.ಸಿ ಕೈಲಾಸ್, ಶಮ್ಮೂನ್ ಪರ್ಲಡ್ಕ, ದಯಾನಂದ ಉಜಿರೆಮಾರ್, ಜಾಬೀರ್ ಅರಿಯಡ್ಕ, ಶರೀಫ್ ಬೀಟಿಗೆ, ತ್ಯಾಗರಾಜ್ ವಿಟ್ಲ, ಉಬೈದ್ ಮಂಗಳಪದವು, ಕಲಂದರ್ ಪರ್ತಿಪಾಡಿ, ಉಬೈದುಲ್ಲಾ ವಿಟ್ಲ ಬಝಾರ್, ನಝೀರ್ ಕಂಬಳಬೆಟ್ಟು, ಅಬ್ದುಲ್ ರಝಾಕ್ ಮೋನು, ರಘು ಕೆಲಿಂಜ, ಶಂಶುದ್ದೀನ್ ಕಂಬಳಬೆಟ್ಟು, ಶರೀಫ್ ಇಂಡಿಯನ್ ಆಟೋ ಲಿಂಕ್ಸ್, ಯೂಸುಫ್ ನೆಕ್ಕರೆ, ಡಿ.ಕೆ. ಮುಸ್ತಫಾ ಕಾಂತಡ್ಕ ಮೊದಲಾದವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ್ದರು.
ಇದೇ ವೇಳೆ ಹಿರಿಯ ಕಬಡ್ಡಿ ಆಟಗಾರರಾದ ಜಬ್ಬಾರ್ ಹಾಗೂ ರಾಷ್ಟ್ರಮಟ್ಟದ ಕಬಡ್ಡಿ ಪಟುಗಳಾದ ಗಾಯತ್ರಿ, ಭರತ್, ರಶೀದ್ ಬನಾರಿ, ಅಬ್ದುಲ್ ರಹಿಮಾನ್ ಅವರನ್ನು ಸನ್ಮಾನಿಸಲಾಯಿತು.
ಶಾಕಿರ್ ಅಳಕೆಮಜಲು ಸ್ವಾಗತಿಸಿದರು, ಹಮೀದ್ ಕಂಬಳಬೆಟ್ಟು ವಂದಿಸಿದರು. ನೌಫಲ್ ಕುಡ್ತಮುಗೇರು ಹಾಗೂ ಹಮೀದ್ ಗೋಳ್ತಮಜಲು ಕಾರ್ಯಕ್ರಮ ನಿರೂಪಿಸಿದರು.
