ಮೆಲ್ಕಾರ್ ಮಹಿಲಾ ಕಾಲೇಜಿನ ಕ್ರೀಡೋತ್ಸವ

ಬಂಟ್ವಾಳ, ಜ.7 :  ಮೆಲ್ಕಾರ್ ಪದವಿ ಮತ್ತು ಪದವಿ ಪೂರ್ವ ಕಾಲೇಜಿನ ಕ್ರೀಡೋತ್ಸವವು ಕಾಲೇಜು ಕ್ರೀಡಾಂಗಣದಲ್ಲಿ  ನಡೆಯಿತು. ಪ್ರತಿ ವರ್ಷದಂತೆ ಈ ಬಾರಿಯೂ ವಿದ್ಯಾರ್ಥಿನಿಯರಿಗೆ ಸರ್ವ ಕ್ರೀಡೆಯನ್ನು ನಡೆಸಲಾಯಿತು.

ಅಂತರಾಷ್ಟ್ರೀಯ ಜೆಒಪಾಲಿಟಿಕ್ಸ್ ಪದವೀಧರರಾದ ಝೋಯ ಅಖ್ತರ್  ಕ್ರೀಡಾ ದಿನವನ್ನು ಶಾಂತಿ ಸಂಕೇತವಾದ ಪಾರಿವಾಳವನ್ನು ಹಾರಿಸುವುದರೊಂದಿಗೆ  ಉದ್ಘಾಟಿಸಿದರು.

 ಮುಖ್ಯ  ಅತಿಥಿಯಾಗಿ ಆಗಮಿಸಿದ ಮನ:ಶಾಸ್ತ್ರ  ಪದವೀಧರೆ ಶ್ರೀಮತಿ ಸಬೀನ ಅಬೂಬಕರ್   ಮನೋ ಶಾಂತಿ ಮತ್ತು ಕ್ರೀಡೆಗೆ ಇರುವ ಸಂಬಂಧ ಹಾಗೂ ಅದರ ಅಗತ್ಯತೆಯನ್ನು ವಿವರಿಸಿದರು.

ಅಧ್ಯಕ್ಷತೆಯನ್ನು ಪ್ರಾಂಶುಪಾಲ ಅಬ್ದುಲ್ ಲತೀಫ್ ವಹಿಸಿದ್ದರು.

 ಕ್ರೀಡಾ  ನಾಯಕಿ ಪ್ರಥಮ ಬಿ. ಎ . ವಿದ್ಯಾರ್ಥಿನಿ ಫಾತಿಮಾ ಕ್ರೀಡಾ ದಿನದ ಪ್ರಮಾಣ ವಚನ ವನ್ನು ನೆರವೇರಿಸಿದರು.

ಅಂತಿಮ ಬಿ. ಕಾಮ್ ನಾಶತ್ ನೀಝ  ಕಾರ್ಯಕ್ರಮ ನಿರೂಪಿಸಿದರು.

ದ್ವಿತೀಯ ವಿಜ್ಞಾನ ವಿಭಾಗದ  ಸನುಫ  ಸ್ವಾಗತಿಸಿದರು.

ಕಾಲೇಜು ನಾಯಕಿ ಅಂತಿಮ ಬಿ.ಎ  ಅಜ್ಮಿಯ  ವಂದಿಸಿದರು.

ಕ್ರೀಡಾ ವಿಜೇತರಿಗೆ ಬಹುಮಾನ ವಿತರಿಸಲಾಯಿತು.