ಸ್ಟೇಡಿಯಮ್ ಹೊರಗಿನ ಹೊಟೇಲ್ ತಟ್ಟೆಗೆ ಬಾಲ್ ತಲುಪಿಸಿದ ಸಿಕ್ಸರ್!
ಬೇ ಓವಲ್(ನ್ಯೂಝಿಲೆಂಡ್), ಜ.8: ನ್ಯೂಝಿಲೆಂಡ್ ಆಲ್ರೌಂಡರ್ ಕೋರಿ ಆ್ಯಂಡರ್ಸನ್ ಬಾಂಗ್ಲಾದೇಶದ ಬೌಲರ್ವೊಬ್ಬ ಎಸೆದ ಚೆಂಡನ್ನು ಸಿಕ್ಸರ್ಗೆ ಅಟ್ಟಿದರು. ಆದರೆ, ಆ ಚೆಂಡು ಸ್ಟೇಡಿಯಂ ಹೊರಗೆ ನಿಂತಿದ್ದ ಹೊಟೇಲ್ನ ತಟ್ಟೆಯ ಮೇಲೆ ಬಿತ್ತು. ಆಗ ಹೊಟೇಲ್ನ ಮಾಲಕ, ಗ್ರಾಹಕ ಒಂದುಕ್ಷಣ ಬೆಚ್ಚು ಬಿದ್ದಿದ್ದರು.
ಈ ಘಟನೆ ನಡೆದಿದ್ದು ನ್ಯೂಝಿಲೆಂಡ್ ಹಾಗೂ ಬಾಂಗ್ಲಾದೇಶದ ನಡುವೆ ರವಿವಾರ ಇಲ್ಲಿ ನಡೆದ ಮೂರನೆ ಹಾಗೂ ಅಂತಿಮ ಟ್ವೆಂಟಿ-20 ಕ್ರಿಕೆಟ್ನಲ್ಲಿ.
ಆ್ಯಂಡರ್ಸನ್ ಮಿಡ್ವಿಕೆಟ್ನತ್ತ ಬಾರಿಸಿದ ಶಾರ್ಟ್ ಎಸೆತವೊಂದು ಮೇಲಕ್ಕೆ ಚಿಮ್ಮಿ ಸ್ಟೇಡಿಯಂ ಸಮೀಪವೇ ಸ್ಥಳೀಯ ಥಾಯ್ ಫುಡ್ ಮಾರುತ್ತಿದ್ದ ವ್ಯಾನ್ ಬಳಿ ಆಹಾರ ಸೇವಿಸುತ್ತಿದ್ದ ವ್ಯಕ್ತಿಯೊಬ್ಬರ ತಟ್ಟೆಯ ಮೇಲೆ ಬಿದ್ದಿದೆ.
ಸ್ಫೋಟಕ ಬ್ಯಾಟ್ಸ್ಮನ್ ಆ್ಯಂಡರ್ಸನ್ ಬಾರಿಸಿದ ಈ ಆಕರ್ಷಕ ಸಿಕ್ಸರ್ನಿಂದ ನೆರೆದಿದ್ದ ಪ್ರೇಕ್ಷಕರು ಸಂಭ್ರಮಪಟ್ಟರು. ಆದರೆ, ತಿನ್ನುವ ತಟ್ಟೆಯ ಮೇಲೆ ಚೆಂಡು ಬಿದ್ದ ಕಾರಣ ಆ ವ್ಯಕ್ತಿಯ ಮುಖದಲ್ಲಿ ಮಾತ್ರ ಸಂಭ್ರಮಕಂಡುಬರಲಿಲ್ಲ.
ಬಾಂಗ್ಲಾದೇಶದ ವಿರುದ್ದ ಅಜೇಯ 94 ರನ್ ಬಾರಿಸಿರುವ ಆ್ಯಂಡರ್ಸನ್ 10 ಸಿಕ್ಸರ್ಗಳನ್ನು ಬಾರಿಸಿದ್ದು ಆ ಪೈಕಿ ಈ ಸಿಕ್ಸರ್ ಕೂಡ ಒಂದಾಗಿತ್ತು.
