ಇಂಡಿಯನ್ ಸೋಶಿಯಲ್ ಪೋರಂ ಸಹಕಾರದಿಂದ ಭಾರತ ತಲುಪಿದ ವ್ಯಕ್ತಿಯ ಮೃತದೇಹ

ದರ್ಬ್, ಜ.15: ಸೌದಿ ಅರೇಬಿಯಾದಲ್ಲಿ ಮೃತಪಟ್ಟ ಅನಿವಾಸಿ ಭಾರತೀಯನ ಮೃತದೇಹ ಇಂಡಿಯನ್ ಸೋಶಿಯಲ್ ಪೋರಂ ಸಹಕಾರದಿಂದ ಭಾರತಕ್ಕೆ ತಲುಪಿದೆ.

ವಿಶಾಲ್ ಕಪಿಲ್ ಎಂಬ ವ್ಯಕ್ತಿ ಸೌದಿ ಅರೇಬಿಯಾದ ಅಸೀರ್ ಪ್ರಾಂತ್ಯದ  ದರ್ಬ್ ನ ದರ್ಬ್  ಜೆನರಲ್ ಹಾಸ್ಪಿಟಲ್ ನಲ್ಲಿ ಕಾಮಾಗಾರಿಯ ಪ್ರಾಜೆಕ್ಟ್ ಮ್ಯಾನೇಜರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಇವರು ಡಿ.28ರಂದು  ತನ್ನ ಕೊಠಡಿಯಲ್ಲಿ ಒಬ್ಬಂಟಿಯಾಗಿದ್ದಾಗ ಹೃದಯಾಘಾತವಾಗಿ ಮೃತಪಟ್ಟಿದ್ದ ಬಗ್ಗೆ ತಡವಾಗಿ ಅರಿತ ಆತನ ಸಹದ್ಯೋಗಿ ಸಾರಂಗ್ ಪಾಣಿ ವಿಶಾಲ್ ಕಪಿಲ್ ಪತ್ನಿಗೆ ಕರೆ ಮಾಡಿ ವಿಷಯ  ತಿಳಿಸಿದರು. ವಿಶಾಲ್ ಕಪಿಲ್ ಪತ್ನಿಯ ಮೂಲಕ ಇಂಡಿಯನ್ ಎಂಬೆಸಿಗೆ ವಿಷಯ ತಿಳಿಸಿದರು. ಇಂಡಿಯನ್ ಎಂಬೆಸಿ ಅಧಿಕಾರಿಗಳು ತುರ್ತು ಸಂದರ್ಭಗಳ ಆಪತ್ಪಾಂಧವರಾದ ಇಂಡಿಯನ್ ಸೊಶಿಯಲ್ ಫಾರಂ  ಕಾರ್ಯಕರ್ತರಾದ ಹನೀಫ್ ಮಂಜೇಶ್ವರರನ್ನು ಸಂಪರ್ಕಿಸಿ ನೆರವಿಗಾಗಿ ಮನವಿ ಮಾಡಿದ್ದರು.

ಇಂಡಿಯನ್ ಸೋಶಿಯಲ್ ಫೋರಂ ಕಮೀಸ್ ಮುಶೈತ್ ಘಟಕದ ಹನೀಫ್ ಮಂಜೇಶ್ವರ, ಮುಹಮ್ಮದ್ ಬಾವ ಕೆ.ಸಿ ರೋಡ್ ನಝೀರ್ ಚಿಕ್ಕಮಗಳೂರು, ಸಾದಿಕ್ ಉಳ್ಳಾಲ, ಇಬ್ರಾಹಿಂ ದೇರಳಕಟ್ಟೆ, ತನ್ವೀರ್ ಮೈಂದಾಳ ತಂಡವು ತಕ್ಷಣ ಸ್ಪಂದಿಸಿ ಸೌದಿ ಅರೇಬಿಯಾದ ಕಾನೂನಿನಂತೆ ಪೋಲಿಸ್ ಠಾಣೆ ಮತ್ತು ಅವರ ಕಫೀಲ್ (ವೀಸಾ ಪ್ರಾಯೋಜಕ) ನ್ನು  ಭೇಟಿ ನೀಡಿ ದಾಖಲೆಗಳನ್ನು ಸರಿಪಡಿಸಿ ವ್ಯವಸ್ಥಿತಗೊಳಿಸಿದರು.

ಇಂಡಿಯನ್ ಸೋಶಿಯಲ್ ಫೋರಂ ಕಮೀಸ್ ಮುಷ್ಯತ್ ಘಟಕ ವಿಶಾಲ್ ಕಪಿಲ್  ರವರ ಮೃತದೇಹವನ್ನು ಅಂತಿಮವಾಗಿ ಜ.12ರಂದು  ಜೀಝಾನ್  ವಿಮಾನ ನಿಲ್ದಾಣದಿಂದ ದಿಲ್ಲಿ ವಿಮಾನ ನಿಲ್ದಾಣದ  ಮೂಲಕ  ಸ್ವಗ್ರಾಮಕ್ಕೆ ಕಳುಹಿಸಿಕೊಡಲಾಯಿತು. 

ಇಂಡಿಯನ್ ಸೋಶಿಯಲ್ ಪೋರಂ ಕಮೀಷ್ ಮುಷೈತ್ ಘಟಕದ ನೆರವಿನಿಂದ ವಿಶಾಲ್ ಕಪಿಲ್ ಮೃತದೇಹವು ಸ್ವಗೃಹವನ್ನು ತಲುಪುವುದರೊಂದಿಗೆ ಇಂಡಿಯನ್ ಸೋಶಿಯಲ್ ಫೋರಂನ ನೆರವಿಗೆ ಮೃತರ ಪತ್ನಿ  ಹಾಗೂ  ಸಂಬಂಧಿಕರು  ಕೃತಜ್ಞತೆಗಳನ್ನು ಸಲ್ಲಿಸಿದ್ದಾರೆ ಎಂದು ತಿಳಿದು ಬಂದಿದೆ.