ಮೊದಲ ಏಕದಿನ : ಭಾರತಕ್ಕೆ 3 ವಿಕೆಟ್ ಗಳ ಜಯ

ಪುಣೆ, ಜ.15: ಇಲ್ಲಿ ನಡೆದ  ಮೊದಲ ಏಕದಿನ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಇಂಗ್ಲೆಂಡ್ ವಿರುದ್ಧ ಭಾರತ 3 ವಿಕೆಟ್‌ಗಳ ಭರ್ಜರಿ ಜಯ ಗಳಿಸಿದೆ.

ಮಹಾರಾಷ್ಟ್ರ ಅಸೋಸಿಯೇಶನ್ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಗೆಲುವಿಗೆ 351 ರನ್‌ಗಳ ಸವಾಲನ್ನು ಪಡೆದ ಭಾರತ ಇನ್ನೂ 11 ಎಸೆತಗಳು ಬಾಕಿ ಇರುವಾಗಲೇ 7 ವಿಕೆಟ್ ನಷ್ಟದಲ್ಲಿ 356 ರನ್ ಗಳಿಸಿ ಗೆಲುವಿನ ನಗೆ ಬೀರಿತು.
 48.1 ಓವರ್‌ನಲ್ಲಿ ಎಂಎಂ ಅಲಿ ಎಸೆತದಲ್ಲಿ ರವಿಚಂದ್ರನ್ ಅಶ್ವಿನ್ ಸಿಕ್ಸರ್ ಎತ್ತುವ ಮೂಲಕ ವಿಜಯದ ರನ್ ಪೂರೈಸಿದರು.

 ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ ಭಾರತ ಆಡಿದ ಮೊದಲ ಏಕದಿನ ಪಂದ್ಯದಲ್ಲಿ ರೋಚಕ ಹಾಗೂ ದಾಖಲೆಯ ಗೆಲುವು ದಾಖಲಿಸಿದೆ. ನಾಯಕ ವಿರಾಟ್ ಕೊಹ್ಲಿ 105 ಎಸೆತಗಳಲ್ಲಿ 8 ಬೌಂಡರಿ ಮತ್ತು 5 ಸಿಕ್ಸರ್ ನೆರವಿನಿಂದ 122 ರನ್, ಆಲ್‌ರೌಂಡರ್ ಕೇದಾರ್ ಜಾಧವ್ 76 ಎಸೆತಗಳಲ್ಲಿ 12 ಬೌಂಡರಿ ಮತ್ತು 4 ಸಿಕ್ಸರ್ ನೆರವಿನಲ್ಲಿ 120 ರನ್ ಗಳಿಸಿ ತಂಡದ ಗೆಲುವಿನಲ್ಲಿ ಪ್ರಮುಖ ಕೊಡುಗೆ ನೀಡಿದರು. ಅವರು ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾಗಿದ್ಧಾರೆ.

ನಾಯಕತ್ವ ವಹಿಸಿಕೊಂಡ ಮೊದಲ ಪಂದ್ಯದಲ್ಲೇ ಶತಕ ಬಾರಿಸಿ ತನ್ನ ಸಾಮರ್ಥ್ಯವನ್ನು ತೋರಿಸಿಕೊಟ್ಟಿದ್ದಾರೆ. ತಾನೊಬ್ಬ ಚೇಸಿಂಗ್ ಮಾಸ್ಟರ್ ಎನ್ನುವುದನ್ನು ತೋರಿಸಿಕೊಟ್ಟಿದ್ದಾರೆ. ಸಚಿನ್ ತೆಂಡುಲ್ಕರ್ ದಾಖಲೆಯನ್ನು ಹಿಂದಿಕ್ಕಿದ್ದಾರೆ. ಕೊಹ್ಲಿ 15ನೆ ಬಾರಿ ಚೇಸಿಂಗ್‌ನಲ್ಲಿ ಶತಕ ದಾಖಲಿಸಿ ತಂಡವನ್ನು ಗೆಲುವಿನ ದಡ ಸೇರಿಸಲು ನೆರವಾಗಿದ್ದಾರೆ. ವಿರಾಟ್ ಕೊಹ್ಲಿ 177ನೆ ಏಕದಿನ ಪಂದ್ಯದಲ್ಲಿ 93 ಎಸೆತಗಳಲ್ಲಿ 7 ಬೌಂಡರಿ ಮತ್ತು 4 ಸಿಕ್ಸರ್ ಸಹಾಯದಿಂದ 27ನೆ ಶತಕ ಪೂರೈಸಿದರು. ಜಾಧವ್ 13ನೆ ಪಂದ್ಯದಲ್ಲಿ 65 ಎಸೆತಗಳಲ್ಲಿ 11 ಬೌಂಡರಿ ಮತ್ತು 2 ಸಿಕ್ಸರ್ ನೆರವಿನಲ್ಲಿ ಶತಕ ಗಳಿಸಿದರು.
 ವಿಲ್ಲಿ , ಸ್ಟೋಕ್ಸ್ ಮತ್ತು ಬಾಲ್ ದಾಳಿಗೆ ಸಿಲುಕಿದ ಭಾರತ 11.5 ಓವರ್‌ಗಳಲ್ಲಿ 63 ರನ್‌ಗಳಿಗೆ 4 ವಿಕೆಟ್ ಕಳೆದುಕೊಂಡಿತ್ತು. ಆರಂಭಿಕ ದಾಂಡಿಗರಾದ ಲೊಕೇಶ್ ರಾಹುಲ್ 8ರನ್, ಶಿಖರ್ ಧವನ್ 1ರನ್ , ಯುವರಾಜ್ ಸಿಂಗ್ 15 ರನ್ ಮತ್ತು ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ 6 ರನ್ ಗಳಿಸಿ ಔಟಾಗುವುದರೊಂದಿಗೆ ಭಾರತ ಸಂಕಷ್ಟಕ್ಕೆ ಸಿಲುಕಿತ್ತು.

ಐದನೆ ವಿಕೆಟ್‌ಗೆ ನಾಯಕ ಕೊಹ್ಲಿಗೆ ಕೆದಾರ್ ಜಾಧವ್ ಜೊತೆಯಾದರು. ಇವರು ಭರ್ಜರಿ ಬ್ಯಾಟಿಂಗ್ ಮೂಲಕ ಇಂಗ್ಲೆಂಡ್‌ನ ದಾಳಿಯನ್ನು ಪುಡಿ ಪುಡಿ ಮಾಡಿದರು.24.3 ಓವರ್‌ಗಳಲ್ಲಿ 200 ರನ್‌ಗಳ ಜೊತೆಯಾಟ ನೀಡಿ ತಂಡವನ್ನು ಒತ್ತಡದಿಂದ ಪಾರು ಮಾಡಿದರು. ಹಾರ್ದಿಕ್ ಪಾಂಡ್ಯ ಔಟಾಗದೆ 40 ರನ್, ರವೀಂದ್ರ ಜಡೇಜ 13 ರನ್, ಆರ್.ಅಶ್ವಿನ್ ಔಟಾಗದೆ 15ರನ್ ಗಳಿಸಿದರು.
ಇಂಗ್ಲೆಂಡ್ ತಂಡದ ಬಾಲ್ 67ಕ್ಕೆ 3, ಸ್ಟೋಕ್ಸ್ 73ಕ್ಕೆ 2 ಮತ್ತು ವಿಲ್ಲಿ 47ಕ್ಕೆ 2 ವಿಕೆಟ್ ಹಂಚಿಕೊಂಡರು.
 350/7:ಟಾಸ್ ಸೋತು ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಇಂಗ್ಲೆಂಡ್ ತಂಡ ರಾಯ್, ರೂಟ್ ಮತ್ತು ಸ್ಟೋಕ್ಸ್ ಅರ್ಧಶತಕದ ನೆರವಿನಲ್ಲಿ ನಿಗದಿತ 50 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟದಲ್ಲಿ 350ರನ್ ಗಳಿಸಿ ಭಾರತಕ್ಕೆ ಕಠಿಣ ಸವಾಲು ವಿಧಿಸಿತ್ತು.
ಇಂಗ್ಲೆಂಡ್ ತಂಡದ ಆರಂಭಿಕ ದಾಂಡಿಗ ಜೇಸನ್ ರಾಯ್ 73 ರನ್, ಜೋ ರೂಟ್ 78 ರನ್, ಬೆನ್ ಸ್ಟೋಕ್ಸ್ 62 ರನ್, ಇಯಾನ್ ಮೊರ್ಗನ್ 28 ರನ್, ಬಟ್ಲರ್ 31 ರನ್, ಎಂಎಂ ಅಲಿ 28 ರನ್, ವೋಕ್ಸ್ ಔಟಾಗದೆ 9 ರನ್, ವಿಲ್ಲಿ ಔಟಾಗದೆ 10 ರನ್, ಹೇಲ್ಸ್ 9 ರನ್ ಗಳಿಸಿ ಭಾರತವನ್ನು ಒತ್ತಡಕ್ಕೆ ಸಿಲುಕಿಸಿದ್ದರು.
 ಇಂಗ್ಲೆಂಡ್‌ನ ಸ್ಕೋರ್ 6.2 ಓವರ್‌ಗಳಲ್ಲಿ 39 ರನ್ ತಲುಪುವಾಗ ಮೊದಲ ವಿಕೆಟ್ ಪತನಗೊಂಡಿತು. ಆರಂಭಿಕ ದಾಂಡಿಗ ಅಲೆಕ್ಸ್ ಹೇಲ್ಸ್ ಔಟಾದರು. 9 ರನ್ ಗಳಿಸಿದ ಅವರನ್ನು ಬುಮ್ರಾ ರನೌಟ್ ಮಾಡಿದರು.
 ಎರಡನೆ ವಿಕೆಟ್‌ಗೆ ರಾಯ್ ಮತ್ತು ರೂಟ್ ಜೊತೆಯಾದರು. ಇವರು 69ರನ್ ಸೇರಿಸಿದರು. ರಾಯ್ 73 ರನ್(61ಎ, 12ಬೌ) ಗಳಿಸಿದ್ದಾಗ ಅವರನ್ನು ಧೋನಿ ಸ್ಟಂಪ್ ಮಾಡಿದರು.

ನಾಯಕ ಇಯಾನ್ ಮೊರ್ಗನ್ (28) ಎರಡಂಕೆಯ ಸ್ಕೋರ್ ದಾಖಲಿಸಿದರು. ನಾಲ್ಕನೆ ವಿಕೆಟ್‌ಗೆ ಬಟ್ಲರ್ ಮತ್ತು ಸ್ಕೋಕ್ಸ್ ಜೊತೆಯಾಗಿ 63 ರನ್ ಜಮೆ ಮಾಡಿದರು. ಭಾರತದ ಪರ ಪಾಂಡ್ಯ ಮತ್ತು ಬುಮ್ರಾ ತಲಾ 2 ವಿಕೆಟ್, ಉಮೇಶ್ ಯಾದವ್ ಮತ್ತು ಜಡೇಜ ತಲಾ 1 ವಿಕೆಟ್ ಹಂಚಿಕೊಂಡರು

ಸ್ಕೋರ್ ಪಟ್ಟಿ
ಇಂಗ್ಲೆಂಡ್ 50 ಓವರ್‌ಗಳಲ್ಲಿ 350/7
    ಜೇಸನ್ ರಾಯ್ ಸ್ಟಂ. ಧೋನಿ ಬಿ ಜಡೇಜ73
        ಹೇಲ್ಸ್ ರನೌಟ್(ಬುಮ್ರಾ)09
        ರೂಟ್ ಸಿ ಪಾಂಡ್ಯ ಬಿ ಬುಮ್ರಾ78
    ಮೊರ್ಗನ್ ಸಿ ಧೋನಿ ಬಿ ಪಾಂಡ್ಯ28
        ಬಟ್ಲರ್ ಸಿ ಧವನ್ ಬಿ ಪಾಂಡ್ಯ31
    ಸ್ಟೋಕ್ಸ್ ಸಿ ಯಾದವ್ ಬಿ ಬುಮ್ರಾ62
        ಎಂ.ಎಂ. ಅಲಿ ಬಿ ಯಾದವ್28
            ವೋಕ್ಸ್ ಔಟಾಗದೆ09
            ವಿಲ್ಲಿ ಔಟಾಗದೆ10
                ಇತರೆ22
ವಿಕೆಟ್ ಪತನ: 1-39, 2-108, 3-157, 4-220, 5-244, 6-317,7-336
ಬೌಲಿಂಗ್ ವಿವರ
    ಉಮೇಶ್ ಯಾದವ್07-0-63-1
        ಹಾರ್ದಿಕ್ ಪಾಂಡ್ಯ09-0-46-2
            ಬುಮ್ರಾ10-0-79-2
            ಜಡೇಜ10-0-50-1
            ಅಶ್ವಿನ್08-0-63-0
            ಜಾಧವ್04-0-23-0
        ಯುವರಾಜ್ ಸಿಂಗ್02-0-14-0
ಭಾರತ 48.1 ಓವರ್‌ಗಳಲ್ಲಿ 7 ವಿಕೆಟ್ ನಷ್ಟದಲ್ಲಿ 356
            ರಾಹುಲ್ ಬಿ ವಿಲ್ಲಿ08
        ಧವನ್ ಸಿ ಅಲಿ ಬಿ ವಿಲ್ಲಿ01
            ಕೊಹ್ಲಿಸಿ ವಿಲ್ಲಿ ಬಿ ಸ್ಟೋಕ್ಸ್122
     ಯುವರಾಜ್ ಸಿಂಗ್ ಸಿ ಬಟ್ಲರ್ ಬಿ ಸ್ಟೋಕ್ಸ್15
    ಎಂಎಸ್ ಧೋನಿ ಸಿ ವಿಲ್ಲಿ ಬಿ ಬಾಲ್06
             ಜಾಧವ್ ಸಿ ಸ್ಟೋಕ್ಸ್‌ಬಿ ಬಾಲ್120
            ಪಾಂಡ್ಯ ಔಟಾಗದೆ40
        ಜಡೇಜ ಸಿ ರಶೀದ್ ಬಿ ಬಾಲ್13
            ಅಶ್ವಿನ್ ಔಟಾಗದೆ 15
                ಇತರೆ16
                ಇತರೆ 09
ವಿಕೆಟ್ ಪತನ: 1-13, 2-24, 3-56, 4-63, 5-263, 6-291, 7-318
ಬೌಲಿಂಗ್ ವಿವರ
        ವೋಕ್ಸ್ 08.0-0-44-0
        ವಿಲ್ಲಿ06.0-0-47-2
        ಬಾಲ್10.0-0-67-3
        ಸ್ಟೋಕ್ಸ್10.0-0-73-2
        ರಶೀದ್05.0-0-50-0
    ಎಂ.ಎಂ ಅಲಿ06.1-0-48-0
        ರೂಟ್03.0-0-22-0

.