ರಿಯಾದ್‌ನಲ್ಲಿ ಬೃಹತ್ ಪರಂಪರೆ ಉತ್ಸವ

ಸೌದಿ ಅರೇಬಿಯದ ರಾಜಧಾನಿ ರಿಯಾದ್‌ನಲ್ಲಿ ನಡೆಯಲಿರುವ ಪ್ರತಿಷ್ಠಿತ ಮಝಯೆನ್ ಅಲ್-ಇಬಲ್ ಪರಂಪರೆ ಉತ್ಸವ ಮತ್ತು ಒಂಟೆ ಸೌಂದರ್ಯ ಸ್ಪರ್ಧೆಯಲ್ಲಿ 30,000ಕ್ಕೂ ಅಧಿಕ ಒಂಟೆಗಳು ಭಾಗವಹಿಸಲಿವೆ. ಉತ್ಸವದಲ್ಲಿ ಜಗತ್ತಿನೆಲ್ಲೆಡೆಯಿಂದ 20 ಲಕ್ಷಕ್ಕೂ ಅಧಿಕ ಪ್ರೇಕ್ಷಕರು ಭಾಗವಹಿಸಲಿದ್ದಾರೆ. ದೊರೆ ಅಬ್ದುಲ್ಲಝೀಝ್ ದರಟ್ ಅಕಾಡಮಿ ಆಯೋಜಿಸುವ ಉತ್ಸವವು ಮಾರ್ಚ್ 19ರಿಂದ ಎಪ್ರಿಲ್ 15ರವರೆಗೆ ನಡೆಯಲಿದೆ. ಬೆಡುಯಿನ್ ಇತಿಹಾಸದಲ್ಲಿ ಒಂಟೆಗಳು ವಹಿಸಿರುವ ಪಾತ್ರವನ್ನು ನೆನೆಯಲು ಹಾಗೂ ಪರಿಶುದ್ಧ ಅರೇಬಿಯನ್ ಒಂಟೆಗಳ ತಳಿಗಳನ್ನು ಸಂರಕ್ಷಿಸಲು ಈ ಉತ್ಸವವನ್ನು ನಡೆಸಲಾಗುತ್ತಿದೆ.