ಮಹಿಳೆಯರು ರಾಜಕಾರಣ ಮಾಡುವುದು ಬಹಳ ಕಷ್ಟ.
*ಮಹಿಳೆಯರು ರಾಜಕಾರಣ ಮಾಡುವುದು ಬಹಳ ಕಷ್ಟ.
-ವಿ.ಕೆ. ಶಶಿಕಲಾ, ಎಐಎಡಿಎಂಕೆ ಪ್ರ.ಕಾರ್ಯದರ್ಶಿ
ಖಜಾನೆ ದೋಚುವಷ್ಟು ಸುಲಭವಲ್ಲ ಎನ್ನಬಹುದಿತ್ತು.
---------------------
ಕಳ್ಳರು ಮತ್ತೊಬ್ಬರನ್ನು ನಂಬುವುದಿಲ್ಲ, ಯಡಿಯೂರಪ್ಪನವರದ್ದು ಅದೇ ಕತೆ
- ಸಿದ್ದರಾಮಯ್ಯ, ಮುಖ್ಯಮಂತ್ರಿ
ನೀವು ಹಾಗಾದರೆ ಯಡಿಯೂರಪ್ಪರನ್ನು ನಂಬುತ್ತೀರಾ?
---------------------
ಗುರಿ ತಲುಪುವವರೆಗೂ ನಾನು ವಿರಮಿಸುವುದಿಲ್ಲ.
- ನರೇಂದ್ರ ಮೋದಿ , ಪ್ರಧಾನಿ
ದೇಶ ನಾಶ ಮಾಡಿದ ಬಳಿಕವೇ ವಿಶ್ರಾಂತಿಯೇ?
---------------------
ಇನ್ನೊಬ್ಬರ ದೇಶ ಭಕ್ತಿಯನ್ನು ಅಳೆಯುವ ಅಧಿಕಾರ ಯಾರಿಗೂ ಇಲ್ಲ
- ಮೋಹನ್ ಭಾಗವತ್, ಆರೆಸ್ಸೆಸ್ ಮುಂಖಡ
ಅದರ ಸಂಪೂರ್ಣ ಪೇಟೆಂಟ್ ನೀವು ತೆಗೆದುಕೊಂಡಿದ್ದೀರಾ?
---------------------
ಗೋರಕ್ತ ಮುಕ್ತ ಭಾರತ ನಮ್ಮ ಧ್ಯೇಯ.
- ರಾಘವೇಶ್ವರ ಸ್ವಾಮೀಜಿ , ರಾಮಚಂದ್ರಾಪುರ ಮಠ
ಗೋರಕ್ತಕ್ಕೂ ವಿದೇಶಗಳಲ್ಲಿ ಬೇಡಿಕೆ ಶುರುವಾಗಿದೆಯೇ?
---------------------
ಸ್ಲಂ ಮುಕ್ತ ಭಾರತ ಪ್ರಧಾನಿ ಮೋದಿಯ ಕನಸು
- ಶೋಭಾ ಕರಂದ್ಲಾಜೆ, ಸಂಸದೆ
ಇತ್ತೀಚೆಗೆ ಸ್ಲಂಗಳಿಗೆ ಆಕಸ್ಮಿಕ ಬೆಂಕಿ ಬೀಳುತ್ತಿರುವುದು ಗಮನಿಸುತ್ತಿದ್ದರೆ, ಕನಸು ಬೇಗ ನನಸಾಗಲಿದೆ. ---------------------
ಪ್ರಪಂಚ ಆರ್ಥಿಕ ಕುಸಿತದ ಹಾದಿಯಲ್ಲಿದ್ದರೂ ಭಾರತದ ಮೇಲೆ ಪರಿಣಾಮ ಬೀರಿಲ್ಲ.
- ಅರುಣ್ ಜೇಟ್ಲಿ, ಕೇಂದ್ರ ಸಚಿವ
ನಿಮ್ಮ ಭಾರತ ಎಲ್ಲೋ ವಿದೇಶದಲ್ಲಿರಬೇಕು.
---------------------
ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಮೋದಿ ಗೆದ್ದರೆ ನಾನು ರಾಜಕೀಯ ನಿವೃತ್ತಿಯಾಗುತ್ತೇನೆ - ಜನಾರ್ದನ ಪೂಜಾರಿ,
ಕಾಂಗ್ರೆಸ್ ಮುಖಂಡ ಕಾಂಗ್ರೆಸ್ ನಾಯಕರೆಲ್ಲ ಮೋದಿಯನ್ನು ಗೆಲ್ಲಿಸಲು ಒಂದಾಗುತ್ತಿದ್ದಾರಂತೆ.
---------------------
ಕಾಂಗ್ರೆಸ್ ತಿರಸ್ಕೃತ ಸರಕುಗಳನ್ನು ಬಿಜೆಪಿಗೆ ಸೇರಿಸಿಕೊಳ್ಳಲಾಗುತ್ತಿದೆ
- ಬಸವನಗೌಡ ಪಾಟೀಲ ಯತ್ನಾಳ್, ಶಾಸಕ
ಬಿಜೆಪಿಯ ತಿರಸ್ಕೃತ ಸರಕುಗಳು ಕಾಂಗ್ರೆಸ್ ಸೇರಿದರಾಯಿತು.
---------------------
ಪ್ರಾಣಿ ಹಿಂಸೆ ಎಂದರೇನು ಎಂಬುವುದೇ ದೊಡ್ಡ ಗೊಂದಲವಾಗಿಬಿಟ್ಟಿದೆ
- ಶಕುಂತಲಾ ಶೆಟ್ಟಿ, ಶಾಸಕಿ
ಬಿಜೆಪಿಯ ಮೆದುಳು, ಕಾಂಗ್ರೆಸ್ ದೇಹ ಇದ್ದಾಗ ಇಂತಹ ಸಂಘರ್ಷ ಸಹಜ. -
--------------------
ರಾಷ್ಟ್ರೀಯ ಪಕ್ಷಗಳಲ್ಲಿ ಕಪ್ಪ ಒಪ್ಪಿಸುವ ಮತ್ತು ವಸೂಲಿ ಮಾಡುವ ಚಾಳಿ ಬಹಳ ಹಳೆಯದು
- ದೇವೇಗೌಡ, ಮಾಜಿ ಪ್ರಧಾನಿ
ಹಿರಿಯರ ಅನುಭವದ ಮಾತು.
---------------------
ನಾನು ಸದ್ಯಕ್ಕೆ ಸಿಎಂ ರೇಸ್ನಲ್ಲಿ ಇಲ್ಲ
- ಡಿ.ಕೆ. ಶಿವಕುಮಾರ್ , ಸಚಿವ
ಸದ್ಯಕ್ಕೆ ಕುದುರೆ ರೇಸ್ನಲ್ಲಿ ಹಣ ತೊಡಗಿಸಿಕೊಂಡಿರುವ ಹಾಗಿದೆ.
---------------------
ಕುಮಾರ ಬಂಗಾರಪ್ಪ ಬಿಜೆಪಿಗೆ ಬಂದರೆ ಪಕ್ಷಕ್ಕೆ ಇನ್ನಷ್ಟು ಬಲ ಬರಬಹುದು
- ಕೆ.ಎಸ್. ಈಶ್ವರಪ್ಪ, ಬಿಜೆಪಿ ಮುಖಂಡ
ಇತ್ತೀಚೆಗೆ ಅವರು ಸಿಕ್ಕಾಪಟ್ಟೆ ಬೊಜ್ಜು ಬೆಳೆಸಿಕೊಂಡಿದ್ದಾರೆ.
---------------------
ಯುದ್ಧ ಮುಂದುವರಿಯಲಿದೆ
- ಓ. ಪನ್ನೀರ್ಸೆಲ್ವಂ, ತ.ನಾ. ಮಾಜಿ ಮುಖ್ಯಮಂತ್ರಿ
ತಮ್ಮ ಸೇನೆ ಎಲ್ಲಿದೆ?
---------------------
ದೇಶದಲ್ಲಿ ಚಿಲ್ಲರೆ ಸಮಸ್ಯೆ ಇಲ್ಲ - ಅರುಣ್ ಜೇಟ್ಲಿ, ಕೇಂದ್ರ ಸಚಿವ ಸಮಸ್ಯೆಗಳೆಲ್ಲ ನೋಟಿನ ರೂಪ ತಳೆದಿವೆ.
---------------------
ಪಕ್ಷದಿಂದ ಎಲ್ಲವನ್ನೂ ಪಡೆದು ಕೊನೆಗೆ ಕೈಕೊಟ್ಟು ಹೋಗುವುದು ಸರಿಯೇ?
- ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ಮುಖಂಡ
ಕಾಲು ಕೊಟ್ಟು ಹೋಗಬೇಕಾಗಿತ್ತೇ?
---------------------
ಸಿದ್ದರಾಮಯ್ಯರಿಗೆ ಮುಖ್ಯಮಂತ್ರಿ ಹುದ್ದೆಯ ಗೌರವವೇ ಗೊತ್ತಿಲ್ಲ
- ಶ್ರೀನಿವಾಸ ಪ್ರಸಾದ್, ಮಾಜಿ ಸಚಿವ
ಗೌರವ ಗೊತ್ತಿದ್ದರೆ ನಿಮಗೆ ಸಚಿವ ಸ್ಥಾನ ಈ ಹಿಂದೆ ಸುಲಭದಲ್ಲಿ ಸಿಗುತ್ತಿರಲಿಲ್ಲ.
---------------------
ಪ್ರತಿಯೊಬ್ಬರ ಮನಸು ಮಗುವಿನ ಮನಸ್ಸಾಗಬೇಕು
- ರಮಾನಾಥ ರೈ, ಸಚಿವ.
ಆ ಮಕ್ಕಳಿಗೆ ಅಷ್ಟೂ ತೊಟ್ಟಿಲುಗಳನ್ನು ಎಲ್ಲಿಂದ ತರುತ್ತೀರಿ?
---------------------
ಮುಸ್ಲಿಮರಿಗೆ ಮಾಡಲು ಕೆಲಸವಿಲ್ಲ. ಆದುದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಮಕ್ಕಳನ್ನು ಹೆರುತ್ತಾರೆ
-ಅಝಂ ಖಾನ್, ಎಸ್ಪಿ ನಾಯಕ
ತಮ್ಮ ಹೆತ್ತವರ ಬಗ್ಗೆ ಬಹಿರಂಗವಾಗಿ ಇಂತಹದೊಂದು ಕುಹಕವೆ?
---------------------
ಉತ್ತರ ಪ್ರದೇಶ ಗೂಂಡಾರಾಜ್ಯವಾಗಿದೆ
- ನರೇಂದ್ರ ಮೋದಿ, ಪ್ರಧಾನಿ
ನಿಮ್ಮನ್ನು ಉತ್ತರಪ್ರದೇಶದಲ್ಲಿ ದತ್ತು ತೆಗೆದುಕೊಂಡಿರುವುದು ಯಾರು ಎನ್ನುವುದು ಬಹಿರಂಗವಾಯಿತು ಬಿಡಿ.
