ದುಬೈಯಲ್ಲಿ ನಕಲಿ ಪಾಸ್ಪೋರ್ಟ್ ಪತ್ತೆಗೆ ಹೊಸ ವ್ಯವಸ್ಥೆ
ದುಬೈ,ಫೆ. 23: ದುಬೈ ವಿಮಾನ ನಿಲ್ದಾಣಕ್ಕೆ ಬರುವ ಪ್ರಯಾಣಿಕರಿಂದ 2016 ರ ಆರಂಭದಿಂದ 2017ರ ಜನವರಿ ಕೊನೆವರೆಗೆ 718 ನಕಲಿ ಪಾಸ್ಪೋರ್ಟ್ಗಳನ್ನು ಪತ್ತೆಹಚ್ಚಲಾಗಿದೆ ಎಂದು ವಲಸೆ ಮತ್ತು ವಸತಿ ಇಲಾಖೆ(ದುಬೈ ಎಮಿಗ್ರೇಶನ್) ತಿಳಿಸಿದೆ. ಇದಲ್ಲದೆ ಮಾನವ ಮಾರಾಟ ನಡೆಸಿದ 417 ಪ್ರಕರಣಗಳು ಮತ್ತು ತಿದ್ದಲಾದ 20 ಪಾಸ್ಪೋರ್ಟುಗಳು ಈ ಅ ವಧಿಯಲ್ಲಿ ಪತ್ತೆಯಾಗಿವೆ ಎಂದು ಎಮಿಗ್ರೆಶನ್ ವಿಭಾಗ ಬಹಿರಂಗಪಡಿಸಿದೆ. ನಕಲಿ ಪಾಸ್ಪೋರ್ಟುಗಳು ಮತ್ತು ನಕಲಿ ದಾಖಲೆಗಳನ್ನು ಇಲಾಖೆಯ ದಾಖಲೆ ಪರಿಶೋಧನಾ ಕೇಂದ್ರದ ನಕಲಿ ದಾಖಲೆ ಪರಿಶೀಲನಾ ಕೇಂದ್ರದ ಸಹಾಯದಿಂದ ಪತ್ತೆಹಚ್ಚಲಾಗಿದೆ. ಈ ಕೇಂದ್ರದಲ್ಲಿ ನಕಲಿ ದಾಖಲೆಗಳನ್ನು ಸುಲಭದಲ್ಲಿ ಕಂಡುಹುಡುಕುವ ನೂತನ ತಂತ್ರಜ್ಞಾನದ ವ್ಯವಸ್ಥೆಯಿದೆ.
ದುಬೈ ವಿಮಾನ ನಿಲ್ದಾಣದಲ್ಲಿ ಪ್ರತಿದಿನಾಲೂ ಸುಮಾರು 1.40 ಲಕ್ಷ ಪ್ರಯಾಣಿಕರು ಬಂದು ಹೋಗುತ್ತಾರೆ. ಎಕ್ಸ್ಪೊ 2020 ಆರಂಭವಾದರೆ ಪ್ರಯಾಣಿಕರ ಸಂಖ್ಯೆಯು ಇನ್ನಷ್ಟು ಹೆಚ್ಚಲಿದೆ. ಇದನ್ನು ಪರಿಗಣಿಸಿ ಪ್ರಯಾಣಿಕರ ದಾಖಲೆಗಳನ್ನು ಶೀಘ್ರ ಪರಿಶೀಲಿಸಲಿಕ್ಕಾಗಿ ಹೊಸ ವ್ಯವಸ್ಥೆಯನ್ನು ಪರಿಶೀಲನಾ ಕೇಂದ್ರದ ನಿರ್ದೇಶಕ ಅಖಿಲ್ ಅಹ್ಮದ್ ಅಲ್ ನಝರ್ ತಿಳಿಸಿದ್ದಾರೆ.
ನಕಲಿ ಪಾಸ್ಪೋರ್ಟ್ ಪತ್ತೆಹಚ್ಚಲಿಕ್ಕಾಗಿ ಎಮಿಗ್ರೇಶನ್ ಇಲಾಖೆ 1700 ಉದ್ಯೋಗಿಗಳಿಗೆ ತರಬೇತಿ ನೀಡಿ ನೇಮಿಸಿದೆ. ಇವರಿಗೆ ನಕಲಿ ಪಾಸ್ಪೋರ್ಟ್ನ್ನು ಪರಿಶೀಲಿಸಿ ತಿಳಿಯಲು ಕೇವಲ ಐದು ನಿಮಿಷ ಸಾಕಾಗುತ್ತದೆ. ಎಮಿಗ್ರೇಶ್ನ ಪರಿಶೀಲನೆ ನಡೆಸುವ ಅಧಿಕಾರಿಗಳಿಗೆ ಪ್ರಯಾಣಿಕರ ದಾಖಲೆಗಳಲ್ಲಿ ಏನಾದರೂ ಸಂಶಯ ಬಂದರೆ ಪರಿಶೀಲನಾ ಘಟಕಕ್ಕೆ ಅವರು ಹಸ್ತಾಂತರಿಸುತ್ತಾರೆ. ನಂತರ ಇಲ್ಲಿ ಕೂಲಂಕಷ ಪರಿಶೀಲನೆ ನಡೆಯುತ್ತದೆ.
ಜಗತ್ತಿನ ಎಲ್ಲ ದೇಶಗಳ ಅಸಲಿ ಪಾಸ್ಪೋರ್ಟ್ ಗಳನ್ನು ಗುರುತಿಸಲು ಈ ಪರಿಶೀಲಕರಿಗೆ ತಿಳಿದಿದೆ. ಪಾಸ್ಪೋರ್ಟಿನ ವ್ಯತ್ಯಾಸಗಳು ಮಾತ್ರವಲ್ಲ ದೈಹಿಕ ಭಾಷೆಯನ್ನು ಅರ್ಥಮಾಡಿಕೊಂಡು ನಕಲಿಗಳನ್ನು ಇವರು ಗುರುತಿಸಬಲ್ಲರು. ಹೀಗೆ ಸಂದೇಹಪಟ್ಟ ಜನರಲ್ಲಿಶೇ.66ರಷ್ಟು ಮಂದಿ ನಕಲಿದಾಖಲೆಗಳೊಂದಿಗೆ ಬಂದವರು ಎಂದು ಪರಿಶೀಲನೆಯಲ್ಲಿ ಗೊತ್ತಾಗಿದೆ. ಒಂದು ಪಾಸ್ಪೋರ್ಟಿನಲ್ಲಿ 19ಕ್ಕೂ ಅಧಿಕ ಭದ್ರತಾ ಕ್ರಮೀಕರಣಗಳನ್ನು ಇರಿಸುತ್ತವೆ ಎಂದು ವರದಿ ತಿಳಿಸಿದೆ.
