ಅಬುಧಾಬಿ : ಭಾರತದ ಮಹಿಳೆ ಅಪಘಾತದಲ್ಲಿ ಸಾವು

ಅಬುಧಾಬಿ, ಮಾ. 10: ಕೇರಳದ ಯುವತಿ ಅಬುಧಾಬಿಯಲ್ಲಿ ರಸ್ತೆ ಅಪಘಾತದಲ್ಲಿ ಮೃತಪಟ್ಟಿದ್ದಾರೆ. ಚಾಲಕ್ಕುಡಿ ಆಲೂರಿನ ಜೇಮ್ಸ್,ಶೈಲಾ ದಂಪತಿ ಪುತ್ರಿ ಸ್ಮತಿ ಜೇಮ್ಸ್ (25) ಮೃತಪಟ್ಟ ಮಹಿಳೆಯಾಗಿದ್ದಾರೆ.

ರಸ್ತೆ ದಾಟುವ ವೇಳೆ ಬುಧವಾರ ಅಬುಧಾಭಿ ಬಸ್‌ಸ್ಟಾಂಡಿನ ಪಕ್ಕದಲ್ಲಿ ಈ ಅಪಘಾತ ಸಂಭವಿಸಿದೆ. ಕೂಡಲೇ ಆಸ್ಪತ್ರೆಗೆ ದಾಖಲಿಸಿದರೂ ಚಿಕಿತ್ಸೆ ಫಲಕಾರಿಯಾಗದೆ ಅವರು ಅಸು ನೀಗಿದರು.

ಅಬುಧಾಬಿ ಮುರೂರ್ ರಸ್ತೆ ಅಲ್‌ಫಲಾಹ್ ಫ್ಲಾಝದ ಸಮೀಪದ ಗ್ಲೋಬಲ್ ವಿಂಗ್ ರೆಂಟ್ ಎ ಕಾರ್‌ನ ಎಚ್‌ಆರ್ ಮ್ಯಾನೇಜರ್ ಆಗಿ ಸ್ಮತಿ ಕೆಲಸ ಮಾಡುತ್ತಿದ್ದರು.

ಕಳೆದ ಎರಡುವರ್ಷ ಗಳಿಂದ ಈ ಸಂಸ್ಥೆಯಲ್ಲಿ ಅವರು ದುಡಿಯುತ್ತಿದ್ದಾರೆ ತಂದೆ ಜೇಮ್ಸ್ ಮುಸಫಾದಲ್ಲಿ ಖಾಸಗಿ ಕಂಪೆನಿ ಉದ್ಯೋಗಿ, ತಾಯಿ ಅಬುಧಾಬಿ ಎಲ್‌ಎಲ್‌ಎಚ್ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಸ್ಮತಿ ಕೆಲವು ವರ್ಷಗಳಲ್ಲಿ ಅಬುಧಾಬಿ ಹಮ್ದಾನ್ ಸ್ಟ್ರೀಟ್ ಡು ಆಫೀಸ್ ಸಮೀಪದಲ್ಲಿ ತಂದೆತಾಯಿಯರ ಜೊತೆ ವಾಸಿಸುತ್ತಿದ್ದರು ಎಂದು ವರದಿ ತಿಳಿಸಿದೆ.