ತಿಂಗಳಿಗೊಮ್ಮೆ ಆರ್ಟಿಎ ಸಭೆಗೆ ಸಾರ್ವಜನಿಕರ ಆಗ್ರಹ
ಉಡುಪಿ, ಮಾ.21: ಜಿಲ್ಲೆಯ ಸಾರಿಗೆ ವ್ಯವಸ್ಥೆಯ ಕುರಿತ ತಮ್ಮ ಅನಿಸಿಕೆ, ದೂರು, ಸಲಹೆಗಳನ್ನು ನೀಡಲು ಸಾಧ್ಯವಾಗುವಂತೆ ಈ ಮೊದಲಿನಂತೆ ಪ್ರತಿ ತಿಂಗಳು ಪ್ರಾದೇಶಿಕ ಸಾರಿಗೆ ಪ್ರಾಧಿಕಾರದ ಸಭೆಯನ್ನು ಕರೆಯುವಂತೆ ಇಂದು ನಡೆದ ಆರ್ಟಿಎ ಸಭೆಯಲ್ಲಿ ಸಾರ್ವಜನಿಕರು ಆರ್ಟಿಎ ಅಧ್ಯಕ್ಷರಾದ ಜಿಲ್ಲಾಧಿಕಾರಿ ಪ್ರಿಯಾಂಕ ಮೇರಿ ಫ್ರಾನ್ಸಿಸ್ ಅವರಲ್ಲಿ ಮನವಿ ಮಾಡಿದರು.
ಮಂಗಳವಾರ ಮಣಿಪಾಲದಲ್ಲಿರುವ ಜಿಲ್ಲಾಧಿಕಾರಿ ಕಚೇರಿ ಸಂಕೀರ್ಣದ ಅಟಲ್ ಬಿಹಾರಿ ವಾಜಪೇಯಿ ಸಭಾಂಗಣದಲ್ಲಿ ನಡೆದ ಪ್ರಾದೇಶಿಕ ಸಾರಿಗೆ ಪ್ರಾಧಿಕಾರದ ಸಭೆಯಲ್ಲಿ ಮಾತನಾಡಿದ ಹೆಬ್ರಿಯ ಪ್ರಗತಿಪರ ನಾಗರಿಕ ಸೇವಾ ಸಮಿತಿಯ ಸಂಜೀವ ಶೆಟ್ಟಿ ಅವರು ಈ ಆಗ್ರಹ ಮಾಡಿದರು.
ಈ ಮೊದಲು ಸಾರ್ವಜನಿಕರೊಂದಿಗೆ ಚರ್ಚಿಸಿ ಟಿಕೇಟ್ ದರಗಳನ್ನು ಹೆಚ್ಚಳ ಮಾಡಲಾಗುತ್ತಿತ್ತು. ಈಗ ಬಸ್ ಮಾಲಕರೇ ಟಿಕೇಟ್ ದರವನ್ನು ನಿರ್ಧರಿಸು ತ್ತಾರೆ. ಜನರಿಗೆ ಈ ಬಗ್ಗೆ ಮಾಹಿತಿಯೇ ಇರುವುದಿಲ್ಲ. ಜನರ ಕುಂದು-ಕೊರತೆ ಗಳನ್ನು ಆಲಿಸಲು ಸಾಧ್ಯವಾಗುವಂತೆ ಇಂಥ ಸಭೆ ಪ್ರತಿ ತಿಂಗಳು ನಡೆಯಬೇಕು ಎಂದರು.
ಜಿಲ್ಲೆಯ ಎಲ್ಲಾ ಖಾಸಗಿ ಬಸ್ಗಳಲ್ಲಿ ಮಹಿಳೆಯರು ಮತ್ತು ಹಿರಿಯ ನಾಗರಿಕರಿಗೆ ಮೀಸಲಿಟ್ಟ ಆಸನಗಳನ್ನು ಕಡ್ಡಾಯವಾಗಿ ಅವರಿಗೆ ನೀಡುವಂತೆ ಎಲ್ಲಾ ಖಾಸಗಿ ಬಸ್ ಮಾಲೀಕರು ತಮ್ಮ ಸಿಬ್ಬಂದಿಗೆ ಸೂಚಿಸುವಂತೆ ಸಭೆಯ ಅಧ್ಯಕ್ಷತೆ ವಹಿಸಿದ್ದ ಜಿಲ್ಲಾಧಿಕಾರಿ ಪ್ರಿಯಾಂಕ ಮೇರಿ ಫ್ರಾನ್ಸಿಸ್ ತಿಳಿಸಿದರು. ಜಿಲ್ಲೆಯ ಎಲ್ಲಾ ಖಾಸಗಿ ಬಸ್ಗಳಲ್ಲಿ ಮಹಿಳೆಯರು ಮತ್ತು ಹಿರಿಯ ನಾಗರಿಕರಿಗೆ ಮೀಸಲಿಟ್ಟ ಆಸನಗಳನ್ನು ಕಡ್ಡಾಯವಾಗಿ ಅವರಿಗೆ ನೀಡುವಂತೆ ಎಲ್ಲಾ ಖಾಸಗಿ ಬಸ್ ಮಾಲೀಕರು ತಮ್ಮ ಸಿಬ್ಬಂದಿಗೆ ಸೂಚಿಸುವಂತೆ ಸೆಯಅ್ಯಕ್ಷತೆ ವಹಿಸಿದ್ದ ಜಿಲ್ಲಾಧಿಕಾರಿ ಪ್ರಿಯಾಂಕ ಮೇರಿ ಫ್ರಾನ್ಸಿಸ್ ತಿಳಿಸಿದರು. ಎಲ್ಲಾ ಖಾಸಗಿ ಬಸ್ಗಳಲ್ಲಿ ಪ್ರಾಧಿಕಾರ ನಿಗದಿಪಡಿಸಿದ ಏಕರೂಪದ ಪ್ರಯಾಣ ದರವನ್ನು ಪಡೆಯುವಂತೆ ಹಾಗೂ ಈಗಿರುವ ಟಿಕೆಟ್ ದರದ ವ್ಯತ್ಯಾಸವನ್ನು ನಿವಾರಿಸುವಂತೆ, ಬಸ್ಗಳ ಪುಟ್ಬೋರ್ಡ್ನ ಎತ್ತರವನ್ನು ಕಡಿಮೆ ಮಾಡುವಂತೆ ಜಿಲ್ಲಾಧಿಕಾರಿ ಬಸ್ ಮಾಲಕರಿಗೆ ಸೂಚಿಸಿದರು.
ಅಂಬಾಗಿಲಿನ ರಮೇಶ್ರಾವ್ ಮಾತನಾಡಿ, ಸರಿಯಾದ ರಸ್ತೆ ಇಲ್ಲದ ಕಾರಣಕ್ಕೆ ಸುಮಾರು 15 ವರ್ಷಗಳ ಹಿಂದೆ ನಿಂತಿರುವ ಕಲ್ಸಂಕ-ಅಂಬಾಗಿಲು ಮಾರ್ಗದ ಬಸ್ ಸಂಚಾರ ಈಗಲೂ ಸರಿಯಾಗಿಲ್ಲ. ಈ ಮಾರ್ಗವಾಗಿ ಸರಕಾರಿ ಬಸ್ ವ್ಯವಸ್ಥೆ ಕಲ್ಪಿಸುವಂತೆ ಮನವಿ ಮಾಡಿದರು. ಹಿರಿಯಡ್ಕ ಪಂಚನಬೆಟ್ಟುನ ಬಾಲಕೃಷ್ಣ ನಾಯಕ್ ಮಾತನಾಡಿ ಪಂಚನಬೆಟ್ಟುಗೆ ಸರಕಾರಿ ಬಸ್ ಓಡಿಸುವಂತೆ ಕೋರಿದರು.
ನಿವೃತ್ತ ಶಿಕ್ಷಕ ಜಯ ಶೆಟ್ಟಿ ಮಾತನಾಡಿ, ಉಡುಪಿ-ಕಾರ್ಕಳ ಸರಕಾರಿ ಬಸ್ಗಳು ನಿಗದಿತ ಸಮಯಕ್ಕೆ ಓಡಬೇಕಾಗಿದೆ. ಈಗ ದಿನಕ್ಕೊಂದು ಸಮಯ ದಲ್ಲಿ ಅವು ಸಂಚರಿಸುತ್ತಿವೆ. ಇದರಿಂದ ವಿದ್ಯಾರ್ಥಿಗಳಿಗೆ, ಕಚೇರಿಗೆ ಹೋಗುವ ವರಿಗೆ ತೊಂದರೆಯಾಗುತ್ತಿದೆ. ಈ ಬಸ್ಗಳ ಸೇವೆ ಅತ್ಯುತ್ತಮವಾಗಿವೆ. ಇವುಗಳನ್ನು ವ್ಯವಸ್ಥಿತವಾಗಿ ಓಡಿಸಿದರೆ, ಖಂಡಿತ ಜನರು ಇವುಗಳಲ್ಲೇ ಸಂಚರಿಸುತ್ತಾರೆ ಎಂದರು.
ಖಾಸಗಿ ಬಸ್ ಮಾಲಕರ ಸಂಘದ ಅಧ್ಯಕ್ಷ ಸುರೇಶ್ ನಾಯಕ್ ಮಾತನಾಡಿ, ಉಡುಪಿ -ಕಾರ್ಕಳ ಮಾರ್ಗದಲ್ಲಿ ಸಂಚರಿಸುವ ಸರಕಾರಿ ಬಸ್ಗಳು ತಮಗೆ ನಿಗದಿಪಡಿಸಿರುವ ಯಾವುದೇ ಸಮಯ ಪಾಲನೆ ಮಾಡುತ್ತಿಲ್ಲ, ಇದರಿಂದ ಖಾಸಗಿಯವರಿಗೆ ತುಂಬಾ ನಷ್ಟವಾಗುತ್ತಿದೆ. ಇದರಿಂದ ಅನಗತ್ಯ ಮಾತಿನ ಚಕಮಕಿಗೂ ಕಾರಣವಾಗುತ್ತಿದೆ. ಅಲ್ಲದೇ ಭಾನುವಾರ ಮಲ್ಪೆ ಬೀಚ್ಗೆ ವಿಶೇಷ ಟ್ರಿಪ್ ಓಡಿಸಲಾಗುತ್ತಿದೆ. ಸರಕಾರಿ ಬಸ್ಗಳು ತಮಗೆ ನಿಗದಿಪಡಿಸಿದ ಅವಧಿಯಲ್ಲಿಯೇ ಓಡಾಟ ನಡೆಸುವಂತೆ ಸೂಚನೆ ನೀಡುವಂತೆ ಕೋರಿದರು.
ಅಲೆವೂರು ವಾಸುಕಿ ನಗರ ಹಾಗೂ ಪಂಚನಬೆಟ್ಟು ನಿವಾಸಿಗಳು ತಮಗೆ ಬಸ್ ನಿಲುಗಡೆ ಸೌಲ್ಯ ಒದಗಿಸುವಂತೆ ಹಾಗೂ ಸರಕಾರಿ ಬಸ್ ಸೌಲ್ಯಭ್ಯ ಕಲ್ಪಿಸುವಂತೆ ಕೋರಿದರು. ಜಿಲ್ಲೆಯಲ್ಲಿ 80 ಮಜಲು ವಾಹನಗಳು ಪ್ರಾಧಿಕಾರಕ್ಕೆ ಆದ್ಯಾರ್ಪಣೆ ಆಗಿದ್ದು, ಈ ವಾಹನಗಳನ್ನು ನವೀಕರಿಸುವಂತೆ ಸೂಚಿಸಿದ ಪ್ರಾದೇಶಿಕ ಸಾರಿಗೆ ಅಧಿಕಾರಿ ಗುರುಮೂತಿ ಕುಲಕರ್ಣಿ ಇಲ್ಲವಾದಲ್ಲಿ ಇವು ಗಳ ಪರವಾನಿಗೆಯನ್ನು ರದ್ದುಗೊಳಿಸಲಾಗುವುದು ಎಂದು ತಿಳಿಸಿದರು.
ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಕೆ.ಟಿ ಬಾಲಕೃಷ್ಣ ಉಪಸ್ಥಿತರಿದ್ದರು.
