ಮಂಗಳಾದೇವಿ: ಮಾ.26ರಂದು ಲ್ಯಾಂಡ್ಟ್ರೇಡ್ಸ್ನ ‘ಸಂಸ್ಕೃತಿ’ ವಸತಿ ಸಮುಚ್ಚಯ ಉದ್ಘಾಟನೆ
ಮಂಗಳೂರು, ಮಾ.24: ನಗರದ ಪ್ರತಿಷ್ಠಿತ ಲ್ಯಾಂಡ್ ಟ್ರೇಡ್ಸ್ ಬಿಲ್ಡರ್ಸ್ ಆ್ಯಂಡ್ ಡೆವಲಪರ್ಸ್ ಸಂಸ್ಥೆಯ ‘ಸಂಸ್ಕೃತಿ’ ಅಪಾರ್ಟ್ಮೆಂಟ್ ನಗರದ ಪುರಾಣ ಇತಿಹಾಸ ಪ್ರಸಿದ್ಧ ಶ್ರೀ ಮಂಗಳಾದೇವಿ ದೇವಸ್ಥಾನದ ಬಳಿ ಮಾ.26ರಂದು ಮಧ್ಯಾಹ್ನ 12ಕ್ಕೆ ಉದ್ಘಾಟನೆಗೊಳ್ಳಲಿದೆ. ಈ ನೂತನ ಯೋಜನೆಯು ನಗರದ ಪ್ರಮುಖ ಪ್ರದೇಶದಲ್ಲಿದ್ದು, ಎಲ್ಲಾ ಸೌಲಭ್ಯಗಳೂ ಪರಿಸರದಲ್ಲಿ ಲಭ್ಯವಿದೆ ಎಂದು ಲ್ಯಾಂಡ್ಟ್ರೇಡ್ಸ್ನ ಪ್ರವರ್ತಕ ಕೆ. ಶ್ರೀನಾಥ್ ಹೆಬ್ಬಾರ್ ತಿಳಿಸಿದರು.
ಸಂಸ್ಕೃತಿ ಅಪಾರ್ಟ್ಮೆಂಟನ್ನು ಶಾಸಕ ಜೆ. ಆರ್.ಲೋಬೋ ಉದ್ಘಾಟಿಸಲಿದ್ದಾರೆ. ಸ್ಥಳೀಯ ಕಾರ್ಪೊರೇಟರ್ ಪ್ರೇಮಾನಂದ ಶೆಟ್ಟಿ, ಶ್ರೀ ಮಂಗಳಾದೇವಿ ದೇವಸ್ಥಾನದ ಮೆನೇಜಿಂಗ್ ಟ್ರಸ್ಟಿ ಪಿ.ರಮಾನಾಥ ಹೆಗ್ಡೆ, ಕ್ರೆಡೈ ಅಧ್ಯಕ್ಷ ಡಿ.ಬಿ.ಮೆಹ್ತಾ ಮುಖ್ಯ ಅತಿಥಿಗಳಾಗಿರುತ್ತಾರೆ. ಈ ಪರಿಸರದಲ್ಲಿ ಲ್ಯಾಂಡ್ ಟ್ರೇಡ್ಸ್ ಈಗಾಗಲೇ ಬ್ರೂಕ್ವಿಲೆ ರೆಸಿಡೆನ್ಸಿಯಲ್ ಲೇಔಟ್, ಬ್ರೂಕ್ಸೈಡ್ ಮತ್ತು ಆಶ್ನಾ ಅಪಾರ್ಟ್ಮೆಂಟ್ಗಳನ್ನು ನಿರ್ಮಿಸಿದೆ. ಸಂಸ್ಕೃತಿ ಅಪಾರ್ಟ್ಮೆಂಟ್ನ ಸಮೀಪದಲ್ಲಿ ಕಾರ್ಪ್ ಬ್ಯಾಂಕಿನ ಪ್ರಧಾನ ಕಚೇರಿ, ಮಂಗಳಾದೇವಿ ದೇವಸ್ಥಾನ, ಶ್ರೀ ಮಾರಿಯಮ್ಮ ಮಹಿಷಮರ್ಧಿನಿ ದೇವಸ್ಥಾನ, ರೊಸಾರಿಯೋ ಸಂಸ್ಥೆ, ಫಿಶರೀಸ್ ಕಾಲೇಜು, ರಾಮಕೃಷ್ಣ ಮಿಷನ್, ಫಿಝಾ ಮಾಲ್, ಪಿವಿಆರ್ ಸಿನೆಪ್ಲೆಕ್ಸ್, ಜಿಲ್ಲಾಧಿಕಾರಿ ಕಚೇರಿಗಳಿವೆ. ಸಭಾಂಗಣಗಳಿವೆ. ರೋಶನಿ ನಿಲಯ, ವೆಲೆನ್ಸಿಯಾ, ಬೆಂದೂರು ಸನಿಹದಲ್ಲಿದೆ. ಈ ಯೋಜನೆಯು ಮಂಗಳೂರು ನಗರಕ್ಕೆ ವಿಶಿಷ್ಟ ಕೊಡುಗೆಯಾಗಲಿದೆ ಎಂದು ಶ್ರೀನಾಥ್ ಹೆಬ್ಬಾರ್ ಹೇಳಿದ್ದಾರೆ.
28-10-1992ರಂದು ಯುವ ಉದ್ಯಮಿ ಕೆ.ಶ್ರೀನಾಥ್ ಹೆಬ್ಬಾರ್ ಸ್ಥಾಪಿಸಿದ ಲ್ಯಾಂಡ್ಟ್ರೇಡ್ಸ್ ಸಂಸ್ಥೆಯು ಈಗಾಗಲೇ ವಸತಿ, ವಾಣಿಜ್ಯ, ಬಡಾವಣೆಗಳ ಸಹಿತ 32 ಯೋಜನೆಗಳನ್ನು ನಿರ್ಮಿಸಿದೆ. ಕದ್ರಿ ಕಂಬಳದ ವೌರಿಶ್ಕಾ ಪ್ಯಾಲೇಸ್, ಕರಂಗಲ್ಪಾಡಿಯ ಸಾಯಿ ಗ್ರಾಂಡ್ಯೂರ್ ಮುಂತಾದ ಯೋಜನೆಗಳು ನಗರದ ಲ್ಯಾಂಡ್ಮಾರ್ಕ್ಗಳಾಗಿ ಮಾನ್ಯತೆ ಪಡೆದಿವೆ. ಐಎಸ್ಒ 9001: 2015, ಕ್ರಿಸಿಲ್, ಡಿಎ3+ ಮುಂತಾದ ಪುರಸ್ಕಾರಗಳಿಗೆ ಪಾತ್ರವಾಗಿದೆ.
ನಗರದಲ್ಲಿ ಲ್ಯಾಂಡ್ ಟ್ರೇಡ್ಸ್ನ ಅನೇಕ ಯೋಜನೆಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ. ಈ ಪೈಕಿ ಹ್ಯಾಟ್ಹಿಲ್ನ ಸಾಲಿಟೇರ್ ಲಕ್ಸುರಿ ಅಪಾರ್ಟ್ಮೆಂಟ್ ಅತೀ ದೊಡ್ಡ ಯೋಜನೆಯಾಗಿದ್ದು, ಅತೀ ಎತ್ತರದ ಕಟ್ಟಡವಾಗಲಿದೆ. ಇಲ್ಲಿ ನಗರದ ಅತ್ಯಂತ ಎತ್ತರವಾದ ಪ್ರದೇಶದಲ್ಲಿ 32 ಅಂತಸ್ತುಗಳಲ್ಲಿ 145 ಲಕ್ಸುರಿ ಅಪಾರ್ಟ್ಮೆಂಟ್ಗಳು ನಿರ್ಮಾಣವಾಗುತ್ತಿವೆ. ಸುರತ್ಕಲ್ ಎನ್ಐಟಿಕೆ ಬಳಿ ಎಮೆರಾಲ್ಡ್ ಬೇ ಎಂಬ ಬೀಚ್ ಪ್ರಾಪರ್ಟಿ, ಲ್ಯಾಂಡ್ಟ್ರೇಡ್ಸ್ ಸ್ಥಾಪನೆಯ 25 ವರ್ಷಗಳ, ಸವಿನೆನಪಿಗಾಗಿ ಬಲ್ಮಠದಲ್ಲಿ ಅತ್ಯಾಧುನಿಕ ‘ಮೈಲ್ಸ್ಟೋನ್ 25’ ವಾಣಿಜ್ಯ ಸಂಕೀರ್ಣ ನಿರ್ಮಾಣವಾಗುತ್ತಿದೆ.
ಹೆಚ್ಚಿನ ಮಾಹಿತಿwww.landtrades.in ಅನ್ನು ಸಂಪರ್ಕಿಸಬಹುದು
‘ಸಂಸ್ಕೃತಿಯ’ ವೈಶಿಷ್ಟ್ಯ
ಲ್ಯಾಂಡ್ಟ್ರೇಡ್ಸ್ನ ‘ಸಂಸ್ಕೃತಿ’ ಅಪಾರ್ಟ್ಮೆಂಟ್ ಮಂಗಳಾದೇವಿಯಲ್ಲಿ ಮುಖ್ಯ ರಸ್ತೆಯ ಸಮೀಪ, ಅತ್ಯಾಕರ್ಷಕ ವಾಸ್ತುಶೈಲಿಯಲ್ಲಿ ನಿರ್ಮಾಣಗೊಂಡಿದೆ. ನೆಲ +4 ಅಂತಸ್ತುಗಳಲ್ಲಿ ನೆಲ ಅಂತಸ್ತಿನ ಮಟ್ಟದಲ್ಲಿ 7 ವಾಣಿಜ್ಯ ಮಳಿಗೆಗಳಿವೆ. ತಲಾ 925ರಿಂದ 955 ಮತ್ತು 995 ಚ. ಅಡಿಗಳ 2 ಬಿಎಚ್ಕೆ; ತಲಾ 1440 ಮತ್ತು 1475 ಚ. ಅಡಿಗಳ 3 ಬಿಎಚ್ಕೆಗಳ ಒಟ್ಟು 20 ವಸತಿ ಸಮುಚ್ಚಯಗಳಿವೆ. ವಿಸ್ತಾರ ಪಾರ್ಕಿಂಗ್, ರೆಟಿಕ್ಯುಲೇಟೆಡ್ ಗ್ಯಾಸ್, ಸೋಲಾರ್ ವಾಟರ್ ಹೀಟಿಂಗ್, ಜನರೇಟರ್, ಲ್ಟಿ, ಸುರಕ್ಷತಾ ಸೌಲಭ್ಯಗಳಿವೆ ಎಂದು ಶ್ರೀನಾಥ್ ಹೆಬ್ಬಾರ್ ತಿಳಿಸಿದ್ದಾರೆ
