ಮಲ್ಯ ಭಾರತಕ್ಕೆ ಹಸ್ತಾಂತರದ ಬಗ್ಗೆ ಮೇ 17ರಂದು ವಿಚಾರಣೆ

ಲಂಡನ್‌, ಎ.18: ವಿವಿಧ ಬ್ಯಾಂಕ್‌ಗಳಿಂದ ಕೋಟಿಗಟ್ಟಲೆ ಸಾಲ ಪಡೆದು  ಮರುಪಾವತಿ ಮಾಡದೆ ವಂಚಿಸಿ ಲಂಡನ್ ಗೆ ಪರಾರಿಯಾಗಿದ್ದ ಮದ್ಯದ ದೊರೆ ವಿಜಯ ಮಲ್ಯರನ್ನು ಭಾರತದ ಕೋರಿಕೆಯಂತೆ ಹಸ್ತಾಂತರದ ಮಾಡುವ ಅರ್ಜಿಯ ವಿಚಾರಣೆ ಮೇ 17ರಂದು ಲಂಡನ್ ನ   ವೆಸ್ಟ್ ಮಿನಿಸ್ಟರ್ ನ್ಯಾಯಾಲಯದಲ್ಲಿ ನಡೆಯಲಿದೆ.

ವಿಜಯ ಮಲ್ಯರನ್ನು ವೆಸ್ಟ್  ಸ್ಕಾಟ್ ಲ್ಯಾಂಡ್‌ ಪೊಲೀಸರು  ಇಂದು ಬಂಧಿಸಿ ವೆಸ್ಟ್ ಮಿನಿಸ್ಟರ್ ನ್ಯಾಯಾಲಯಕ್ಕೆ ಹಾಜರುಪಡಿಸಿದ್ದರು. ಭಾರತ-ಇಂಗ್ಲೆಂಡ್‌ ಎಂಎಲ್ ‌ಎಟಿ ಒಪ್ಪಂದದ ಪ್ರಕಾರ ಮಲ್ಯ ಬಂಧನವಾಗಿತ್ತು.ಆದರೆ ಲಂಡನ್ ನ ವೆಸ್ಟ್ ಮಿನಿಸ್ಟರ್ ನ್ಯಾಯಾಲಯ  ಅವರಿಗೆ ಷರತ್ತುಬದ್ಧ ಜಾಮೀನು ನೀಡಿತ್ತು. ಬಂಧನವಾಗಿ ಮೂರು ಗಂಟೆಗಳ ಒಳಗಾಗಿ ಮಲ್ಯ ಬಿಡುಗಡೆಯಾಗಿದ್ದಾರೆ.