ಬಾರ್ಸಿಲೋನ ಓಪನ್: ನಡಾಲ್ಗೆ 50ನೆ ಗೆಲುವು
ಮ್ಯಾಡ್ರಿಡ್, ಎ.28: ಬಾರ್ಸಿಲೋನಾ ಓಪನ್ನಲ್ಲಿ ವಿಶ್ವದ ನಂ.1 ಆಟಗಾರ ಆ್ಯಂಡಿ ಮರ್ರೆ ಅವರು ಫೆಲಿಸಿಯಾನೊ ಲೊಪೆಝ್ ವಿರುದ್ಧ ಅಜೇಯ ಗೆಲುವಿನ ದಾಖಲೆಯನ್ನು ಕಾಯ್ದುಕೊಂಡರೆ, ರಫೆಲ್ ನಡಾಲ್ 50ನೆ ಗೆಲುವು ಸಾಧಿಸಿದರು.
ಪುರುಷರ ಸಿಂಗಲ್ಸ್ನಲ್ಲಿ ಮರ್ರೆ ಅವರು ಲೊಪೆಝ್ರನ್ನು 6-4, 6-4 ನೇರ ಸೆಟ್ಗಳಿಂದ ಸೋಲಿಸಿದರು. ಈ ಮೂಲಕ ಲೊಪೆಝ್ ವಿರುದ್ಧ ಆಡಿರುವ ಎಲ್ಲ 11 ಪಂದ್ಯಗಳನ್ನು ಗೆದ್ದುಕೊಂಡು ಅಜೇಯ ದಾಖಲೆ ಮುಂದುವರಿಸಿದರು.
ದಕ್ಷಿಣ ಆಫ್ರಿಕದ ಕೇವಿನ್ ಆ್ಯಂಡರ್ಸನ್ರನ್ನು 6-3, 6-4 ಸೆಟ್ಗಳಿಂದ ಮಣಿಸಿದ ಸ್ಪೇನ್ನ ನಡಾಲ್ ಸ್ಪೇನ್ ನಗರದಲ್ಲಿ 50ನೆ ಗೆಲುವು ದಾಖಲಿಸಿದರು. 10ನೆ ಬಾರಿ ಬಾರ್ಸಿಲೋನ ಪ್ರಶಸ್ತಿ ಗೆಲ್ಲುವತ್ತ ದಿಟ್ಟ ಜೆಜೆಒಜ ಇಟ್ಟರು.
ಇತ್ತೀಚೆಗಷ್ಟೇ ಮೊಂಟೆಕಾರ್ಲೊ ಟ್ರೋಫಿಯನ್ನು ಜಯಿಸಿದ್ದ ನಡಾಲ್ ಮುಂದಿನ ಸುತ್ತಿನಲ್ಲಿ ದಕ್ಷಿಣ ಕೊರಿಯದ ಚುಂಗ್ ಹಿಯೊನ್ರನ್ನು ಎದುರಿಸಲಿದ್ದಾರೆ.
Next Story