ದಲಿತರು ಕನ್ನಡದಲ್ಲಿ ಪೌರೋಹಿತ್ಯ ನೆರವೇರಿಸಿರುವ ಕ್ರಮ ಅರ್ಥಪೂರ್ಣ: ಪಂಡಿತಾರಾಧ್ಯ ಸ್ವಾಮಿಜಿ

ಮೂಡಿಗೆರೆ, ಮೇ 10: ಬುದ್ಧ, ಬಸವ ಅಂಬೇಡ್ಕರ್ ನೆನಪಿನಲ್ಲಿ ಗೃಹಸ್ಥಾಶ್ರಮಕ್ಕೆ ಕಾಲಿರಿಸುವ ವೇಳೆ ದಲಿತರುಕನ್ನಡದಲ್ಲಿ ಪೌರೋಹಿತ್ಯ ನೆರವೇರಿಸಿರುವ ಕ್ರಮ ಅರ್ಥಪೂರ್ಣಎಂದು ಶ್ರೀ ತರಳಬಾಳು ಜಗದ್ಗುರು ಶಾಖಾಮಠದ ಸಾಣೆಹಳ್ಳಿ ಮಠದ ಪಟ್ಟಾಧ್ಯಕ್ಷ ಡಾ.ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮಿ ತಿಳಿಸಿದರು.

 ಅವರು ಬುಧವಾರ ಪಟ್ಟಣದ ಅ್ಯಂತಾಯ ರಂಗ ಮಂದಿರದಲ್ಲಿ ಡಾ.ಬಿ.ಆರ್.ಅಂಬೇಡ್ಕರ್ ಜನ್ಮ ದಿನಾಚರಣಾ ಸಮಿತಿ ಮತ್ತು ಆಶ್ರಯ ಸಾಮಜಿಕ ಸೇವಾ ಸಂಸ್ಥೆ ಹಮ್ಮಿಕೊಂಡಿದ್ದ ಅಂಬೇಡ್ಕರ್‌ರ 126ನೇ ಜನ್ಮ ದಿನಾಚರಣೆ ಹಾಗೂ ಸರಳ ಸಾಮೂಹಿಕ ವಿವಾಹ ಸಮಾರಂಭದಲ್ಲಿ ಆಶೀರ್ವಚನ ನೀಡಿದರು. ಪೌರೋಹಿತ್ಯವನ್ನು ಯಾರು ಬೇಕಾದರೂ ನಡೆಸಿಕೊಡಬಹುದು ಎಂಬುದನ್ನು ಇಂದಿನ ಸರಳ ಸಾಮೂಹಿಕ ವಿವಾಹದಿಂದ ನಿರೂಪಿಸಲಾಗಿದೆ ಎಂದರು.

 ಪರಸ್ಪರ ಪ್ರೀತಿ ವಿಶ್ವಾಸವನ್ನು ಇಟ್ಟುಕೊಂಡು ಕೇವಲ ಬಾಹ್ಯಾಸಂಪತ್ತನ್ನು ಗಣನೆಗೆ ತೆಗೆದುಕೊಳ್ಳದೇ ನೂತನ ಸತಿಪತಿಗಳು ಸಮಾನವಾಗಿ ಒಂದಾಗಿ ಬಾಳಬೇಕು. ಜಾತಿ ಎಂಬುದು ಗೌಣವಾಗಿದೆ. ನಾವು ವಾಸಿಸುವ ನೆಲಕ್ಕೆ, ಕುಡಿಯುವ ನೀರಿಗೆ ಜಾತಿ ಎಂಬುದಿಲ್ಲ. ಆದರೆ ಮಾನವನಲ್ಲಿ ಜಾತಿ ಎಂಬ ಪೆಡಂಬೂತ ಇರುವುದು ದೊಡ್ಡ ದುರಂತ. ಜಾತಿಯ ಭೂತವನ್ನು 12ನೇ ಶತಮಾನದಲ್ಲೇ ಸುಟ್ಟು ಹಾಕಲಾಗಿತ್ತು. ನೂತನ ದಂಪತಿಗಳು ಧರ್ಮಗಳನ್ನು ಗಣನೆಗೆ ತೆಗೆದುಕೊಳ್ಳದೇ ಸುಂದರ ಜೀವನ ನಡೆಸಬೇಕೆಂದು ಕರೆ ನೀಡಿದರು.

 ಮಕ್ಕಳಿಗೆ ಉತ್ತಮ ಸಂಸ್ಕಾರ ಕಲಿಸಬೇಕು. ಕಾಂನ್ವೆಂಟ್‌ಗಳಲ್ಲಿ ಸಂಸ್ಕಾರ ಎಂಬುವುದು ಇರುವುದಿಲ್ಲ. ಬಾಲ್ಯದಲ್ಲಿಯೇ ಉತ್ತಮ ಶಿಕ್ಷಣ ಕೊಡುವ ಶಾಲೆಗಳಿಗೆ ಸೇರಿಸಿ ಸಂಸ್ಕಾರ ಕಲಿಸದಿದ್ದರೆ ಮಕ್ಕಳು ತಮ್ಮ ಜೀವನದಲ್ಲಿ ಎತ್ತರಕ್ಕೇರಲು ಸಾಧ್ಯವಿಲ್ಲ. ಆದ್ದರಿಂದ ನೂತನ ದಂಪತಿಗಳು ನಿಮ್ಮಂದ ಹೊರಹೊಮ್ಮುವ ಮಕ್ಕಳಿಗೆ ಉತ್ತಮ ಶಿಕ್ಷಣ ಮತ್ತು ಸಂಸ್ಕಾರ ನೀಡಿ ಅಂಬೇಡ್ಕರ್, ಬಸವಣ್ಣನಂತಹ ಮಹಾನ್ ವ್ಯಕ್ತಿಗಳನ್ನಾಗಿ ನಿರೂಪಿಸಬೇಕೆಂದು ಹೇಳಿದರು.

 ಪ್ರಾರಂಭದಲ್ಲಿ ಶ್ರೀ ವೇಣುಗೋಪಾಲ ಸ್ವಾಮಿ ದೇವಸ್ಥಾನದಲ್ಲಿ 26 ಜೋಡಿ ವದೂವರರು ಪೂಜೆ ಸಲ್ಲಿಸಿ, ನಂತರ ವಾಧ್ಯದೊಂದಿಗೆ ಮೆರವಣಿಗೆ ಮೂಲಕ ಮೂಹೂರ್ತ ನಡೆಯುವ ಸ್ಥಳ ಅಡ್ಯಂತಾಯ ರಂಗಮಂದಿರಕ್ಕೆ ಆಗಮಿಸಿದರು. ಕೆ.ಕೆ.ರಾಮಯ್ಯ, ಕೆ.ವಿ.ಸಾಗರ್, ಡಿ.ಬಿ.ರಾಮಯ್ಯ, ಬಿ.ಬಿ.ರಮೇಶ್, ಎಂ.ಎಸ್.ಆನಂದ್, ಹೆಚ್.ಟಿ.ಸುಬ್ರಮಣ್ಯ, ಕೋಮರಾಜು, ಹೆಚ್.ಟಿ.ತಿಮ್ಮಯ್ಯ ಇವರು ಕನ್ನಡದಲ್ಲಿಯೆ ಮಂತ್ರವನ್ನು ಪಠಿಸಿ ಮಂಗಳ ಕಾರ್ಯ ನೆರವೇರಿಸಿದರು. 26 ಜೋಡಿಗಳು ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿ ಗೃಹಾಸ್ಥಮಕ್ಕೆ ಕಾಲಿಸಿದರು.

 ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಎಂಎಲ್‌ಸಿಡಾ.ಮೋಟಮ್ಮ ವಹಿಸಿದ್ದರು. ಶಾಸಕ ಬಿ.ಬಿ.ನಿಂಗಯ್ಯ, ಎಂಎಲ್‌ಸಿಎಂ.ಕೆ.ಪ್ರಾಣೇಶ್ ಮಾತನಾಡಿದರು. ಸಮಾಜಸೇವಕ ಅಲ್ತಾಫ್ ಬಿಳಗುಳ ಮತ್ತಿತರರನ್ನು ಸನ್ಮಾನಿಸಿ ಗೌರವಿಸಲಾಯಿತು.

 ತಾಪಂ ಅಧ್ಯಕ್ಷ ಕೆ.ಸಿ.ರತನ್, ಜಿಪಂ ಸದಸ್ಯ ಶಾಮಣ್ಣ, ಪಪಂಅಧ್ಯಕ್ಷೆ ರಮಿಜಾಬಿ, ಮುಖಂಡರಾದ ಎಂ.ಎಸ್.ಅನಂತ್, ಹೆಚ್.ಪಿ.ರಮೇಶ್, ಬಿ.ಎಸ್.ಜಯರಾಂ, ಎಂ.ಎಂ.ಲಕ್ಷ್ಮಣ್‌ಗೌಡ, ಕೆ.ಆರ್.ಮಹೇಶ್, ಅಕ್ರಮ್‌ಹಾಜಿ, ಎಂ.ಸಿ.ನಾಗೇಶ್, ವೆಂಕಟರಾಮ್, ಎ.ಜೆ.ಸುಬ್ರಾಯಗೌಡ, ಯು.ಆರ್.ರುದ್ರಯ್ಯ, ಸಬ್ಲಿ ದೇವರಾಜು, ಪರಿಮಳ ಅನಂತ್ ಉಪಸ್ಥತಿರಿದ್ದರು.