ಮಾಧ್ಯಮದೊಳಗಿನ ಅಸ್ಪಶ್ಯತೆಯ ಕುರಿತು

‘ದಲಿತರು ಮತ್ತು ಮಾಧ್ಯಮ’ ಕೃತಿ ದಿಲೀಪ್ ಕುಮಾರ್ ಎಂ. ಇವರ ಅಂಕಣ ಬರಹಗಳ ಸಂಗ್ರಹ. ಕೃತಿಯಲ್ಲಿರುವ ಬರಹಗಳು ವರ್ತಮಾನದ ದಲಿತರ ನೋವು, ದುಮ್ಮಾನಗಳನ್ನು ಕೇಂದ್ರವಾಗಿಟ್ಟುಕೊಂಡು ಚರ್ಚಿಸುತ್ತದೆ. ಈ ಲೇಖನದಲ್ಲಿರುವ ಒಂದು ಮುಖ್ಯ ಬರಹ ‘ದಲಿತರು ಮತ್ತು ಮಾಧ್ಯಮ’. ಭಾರತೀಯ ಪತ್ರಿಕೋದ್ಯಮಕ್ಕೆ ಸುಮಾರು ನಾಲ್ಕು ನೂರು ವರ್ಷಗಳ ಇತಿಹಾಸವಿದೆ. ಆದರೆ 380ಕ್ಕೂ ಅಧಿಕ ವರ್ಷಗಳು ಶಿಕ್ಷಣ, ಪ್ರತಿಭೆ, ಸೃಜನಶೀಲತೆ ಇರಬೇಕೆಂಬ ನೆಪವೊಡ್ಡಿ ಮನುವಾದಿ ಮಾಧ್ಯಮಗಳು ನೆಲಸಂಸ್ಕೃತಿಯ ಜನರನ್ನು ಗಣನೆಗೆ ತೆಗೆದುಕೊಳ್ಳ ಲಿಲ್ಲ ಎನ್ನುವ ಅಂಶವನ್ನು ಈ ಲೇಖನದಲ್ಲಿ ಉಲ್ಲೇಖಿಸಲಾಗಿದೆ.ಕಳೆದ 20 ವರ್ಷಗಳಲ್ಲಿ ಈ ಕ್ಷೇತ್ರದಲ್ಲಿ ದಲಿತರ ವಿಶೇಷ ಪಾಲ್ಗೊಳ್ಳುವಿಕೆ ಇಲ್ಲ ಎನ್ನುವು ದನ್ನು ಅವರು ಗುರುತಿಸುತ್ತಾರೆ. ಮತ್ತು ಈ ಕಾರಣ ಕ್ಕಾಗಿಯೇ ದಲಿತರ ನೋವು, ದುಮ್ಮಾನಗಳು ಮಾಧ್ಯಮಗಳಲ್ಲಿ ಪ್ರಾತಿನಿಧ್ಯ ಪಡೆಯುತ್ತಿಲ್ಲ ಎಂದು ಅವರು ಅಭಿಪ್ರಾಯ ಪಡುತ್ತಾರೆ. ದಲಿತರ ರಾಜಕೀಯ ಧ್ವನಿಯ ದಮನದ ಹಿಂದೆಯೂ ಪತ್ರಿಕೋದ್ಯಮದಲ್ಲಿ ದಲಿತರಿಲ್ಲದೇ ಇರುವುದೇ ಕಾರಣವೆಂದು ಅವರು ಬರೆಯು ತ್ತಾರೆ. ಇರುವ ಪತ್ರಕರ್ತರೂ ತಮ್ಮನ್ನು ದಲಿತರು ಎಂಬ ನೆಲೆಯಲ್ಲಿ ಗುರುತಿಸಿಕೊಳ್ಳಲು ಕೀಳರಿಮೆ ಪಟ್ಟುಕೊಳ್ಳುತ್ತಿದ್ದಾರೆ. ಕೆಲವು ಘಟನೆಗಳು, ಹಾಗೆಯೇ ವರದಿಗಳು, ಅಂಕಿಅಂಶಗಳ ಮೂಲಕ ಹೇಗೆ ಮಾಧ್ಯಮ ಕ್ಷೇತ್ರದಲ್ಲಿ ದಲಿತರು ಮೂಲೆಗೊತ್ತಲ್ಪ ಟ್ಟಿದ್ದಾರೆ ಎಂಬ ಅಂಶವನ್ನು ವಿವರಿಸುತ್ತಾರೆ. ಹಾಗೆಯೇ ‘ಜಗತ್ತು ಕಂಡ ಶ್ರೇಷ್ಠ ಪತ್ರಕರ್ತ ಅಂಬೇಡ್ಕರ್’ ಲೇಖನದಲ್ಲಿ ತನ್ನ ಅಭಿವ್ಯಕ್ತಿಗಾಗಿ ಅಂಬೇಡ್ಕರ್ ಹೇಗೆ ಮಾಧ್ಯಮವನ್ನು ಪರಿಣಾಮಕಾರಿಯಾಗಿ ಬಳಸಿಕೊಂಡರು ಎನ್ನುವುದನ್ನು ವಿವರಿಸುತ್ತಾರೆ. ಸ್ವಾತಂತ್ರ ಹೋರಾಟದ ಸಂದರ್ಭದಲ್ಲಿ ಇತರ ನಾಯಕರು ಪತ್ರಿಕೆಯನ್ನು ಬಳಸಿಕೊಂಡಿರುವುದಕ್ಕೂ, ಅಂಬೇಡ್ಕರ್ ಬಳಸಿಕೊಂಡಿ ರುವುದಕ್ಕೂ ವ್ಯತ್ಯಾಸವಿದೆ. ಕಾರ್ಮಿಕರ ಶೋಷಣೆ, ಗುಜರಾತ್ ದೌರ್ಜನ್ಯ, ಗ್ರಾಮೀಣ ಭಾರತದ ಸ್ಥಿತಿಗತಿ ಮೊದಲಾದ ವಿಷಯಗಳ ಕುರಿತಂತೆ ಬರೆದಿರುವ ಒಟ್ಟು 12 ಲೇಖನಗಳು ಈ ಕೃತಿಯಲ್ಲಿವೆ. ತಾರಾ ಪ್ರಿಂಟ್ಸ್ ಹೊರತಂದಿರುವ ಕೃತಿಯ ಮುಖಬೆಲೆ 100 ರೂ.