ಮಹಾ ಸರಕಾರದಿಂದ 34,000 ಕೋಟಿ ರೂ. ಕೃಷಿ ಸಾಲ ಮನ್ನಾ

ಮಹಾರಾಷ್ಟ್ರ, ಜೂ.24: ಸುಮಾರು 34,000 ಕೋಟಿ ರೂ. ಕೃಷಿ ಸಾಲ ಮನ್ನಾ ಮಾಡಿ ಮಹಾರಾಷ್ಟ್ರ ಸರಕಾರ ಆದೇಶ ಹೊರಡಿಸಿದೆ. ರಾಜ್ಯ  ಸಚಿವ ಸಂಪುಟದೊಂದಿಗೆ ನಡೆದ ದಿಢೀರ್ ಸಭೆಯ ಬಳಿಕ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಈ ಬಗ್ಗೆ ಘೋಷಿಸಿದರು.

“ಪ್ರತಿಯೊಬ್ಬ ರೈತನ 1.5 ಲಕ್ಷ ರೂ. ಸಾಲವನ್ನು ಮನ್ನಾ ಮಾಡಲು ನಾವು ನಿರ್ಧರಿಸಿದ್ದೇವೆ” ಫಡ್ನವೀಸ್ ಹೇಳಿದರು. ಇದರಿಂದಾಗಿ ಸುಮಾರು 40 ಲಕ್ಷ ರೈತರಿಗೆ ಸಹಕಾರಿಯಾಗಲಿದೆ. 2016ರ ಜೂನ್ ವರೆಗೆ ಪಡೆದುಕೊಂಡ ಸುಮಾರು 1.5 ಲಕ್ಷ ರೂ.ವರೆಗಿನ ಸಾಲ ಮನ್ನಾಗೊಳ್ಳಲಿದೆ.