ಎಸಾಲ್ಟ್ ರೈಫಲ್ ದೋಷಪೂರಿತ ಎಂದ ಸೇನೆ
ರೈಫಲ್ ನಿರ್ಮಾಣವನ್ನು ಕೇಂದ್ರ ಹೊರಗುತ್ತಿಗೆ ನೀಡಲಿದೆಯೇ ?
ಹೊಸದಿಲ್ಲಿ, ಜು. 4: ಕಳೆದ ತಿಂಗಳು ಸೇನೆ ತಿರಸ್ಕರಿಸಿರುವ ಗೃಹ ನಿರ್ಮಿತ ಎ ರೈಫಲ್ ಯಾವುದೇ ರೀತಿಯ ನಿಲ್ಲದೆ ದೋಷರಹಿತವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದು ಸರಕಾರ ನಡೆಸುತ್ತಿರುವ ಶಸ್ತ್ರಾಸ್ತ್ರ ಕೈಗಾರಿಕೆ ಮಂಡಳಿ ಹೇಳಿದೆ.
ಈ ನಡುವೆ ಜಗತ್ತಿನ 21 ರೈಫಲ್ ಉತ್ಪಾದನಾ ಕಂಪೆನಿಗಳು ಈ ರೈಫಲ್ಗಳ ಉತ್ಪಾದನೆಗೆ ಗುತ್ತಿಗೆ ಪಡೆಯಲು ಪ್ರಯತ್ನಿಸುತ್ತಿವೆ ಎಂಬ ಮಾಹಿತಿ ಇದೆ.
ಕೆಲವು ತಿಂಗಳ ಹಿಂದೆ ನೂತನ 7.62 ಎಂಎಂ (ಎಕ್ಸ್) ಎ ರೈಫಲ್ ಅನ್ನು ಪರಿಶೀಲಿಸಿದ ಬಳಿಕ ಸೇನೆ ಇದು ಹೆಚ್ಚು ಶಬ್ದ ಉಂಟು ಮಾಡುತ್ತಿದೆ ಹಾಗೂ ಹೋರಾಡಲು ಸೂಕ್ತವಲ್ಲ ಎಂದು ಹೇಳಿತ್ತು. ಈ ಬಗ್ಗೆ ಸೇನೆ ರಕ್ಷಣಾ ಸಚಿವಾಲಯಕ್ಕೆ ವರದಿ ಸಲ್ಲಿಸಿತ್ತು.
ಪರಿಶೀಲನೆಯ ವೇಳೆ ಉನ್ನತ ಮಟ್ಟದ ಸೇನಾಧಿಕಾರಿಗಳು ಈ ರೈಫಲ್ನಿಂದ ಗುಂಡು ಹಾರಿಸಿದ್ದಾರೆ. ಅದು ಸಲೀಸಾಗಿತ್ತು. ಯಾವುದೇ ತೊಂದರೆ ಇರಲಿಲ್ಲ ಎಂದು ರೈಫಲ್ ಉತ್ಪಾಕರು ತಿಳಿಸಿದ್ದರು.
ಆದರೆ, ಶಸ್ತ್ರಾಸ್ತ್ರ ಕೈಗಾರಿಕೆ ಮಂಡಳಿ ಸ್ಪಷ್ಟನೆಯನ್ನು ಕೇಳುವ ಸ್ಥಿತಿಯಲ್ಲಿ ಸೇನೆ ಇಲ್ಲ. ಸೇನೆಯ ಮುಂಚೂಣಿಯ ಯೋಧರು ಬಳಸುವ ಮೂಲಭೂತ ಆಯುಧ ಎ ರೈಫಲ್ ಅನ್ನು ಸ್ವೀಕರಿಸುವ ಸ್ಥಿತಿಯಲ್ಲಿ ಸೇನೆ ಇಲ್ಲ.
ಭಾರತೀಯ ಸೇನೆಗೆ 1,85,000 ಎ ರೈಫಲ್ಗಳ ಅಗತ್ಯತೆ ಇದೆ. ಪ್ರತಿಯೊಂದು ರೈಫಲ್ಗೆ ಅದರ ಸಲಕರಣೆ ಸೇರಿ ಒಟ್ಟು 1 ಲಕ್ಷವಾಗುತ್ತದೆ. ಆದುದರಿಂದ ಈ ಬೃಹತಂ ಗುತ್ತಿಗೆ ಸುಮಾರು 1850 ಕೋಟಿ ರೂಪಾಯಿಯಾಗುತ್ತದೆ.