ತಿರುಚುವಿಕೆ ಪತ್ತೆಹಚ್ಚುವ ನೂತನ ಮತಯಂತ್ರ 2019ರ ಚುನಾವಣೆಯಲ್ಲಿ ಬಳಕೆ: ಸಿಇಸಿ ಝೈದಿ

ಹೊಸದಿಲ್ಲಿ, ಜು. 5: ಈಗಾಗಲೇ ಮತ ಯಂತ್ರ ತಿರುಚಿದ ಆರೋಪ ಕೇಳಿ ಬಂದಿದೆ. ಈ ಪ್ರಶ್ನೆಗೆ ಉತ್ತರಿಸಲು ಎಂಬಂತೆ ನೂತನ ಮತ ಯಂತ್ರವೊಂದು ರೂಪಿಸಲಾಗುತ್ತಿದೆ. 2019ರ ಲೋಕಸಭಾ ಚುನಾವಣೆಯಲ್ಲಿ ಇದನ್ನು ಬಳಸಲು ನಿರ್ಧರಿಸಲಾಗಿದೆ.

  ಈ ನೂತನ ಎಂ3 ಮಾದರಿಯ ಎಲೆಕ್ಟಾನಿಕ್ಸ್ ಮತಯಂತ್ರ ತಿರುಚಿವಿಕೆ ಪತ್ತೆಹಚ್ಚಲಿದೆ ಹಾಗೂ ಯಾರಾದರೂ ಬದಲಾವಣೆಗೆ ಯತ್ನಿಸಿದರೆ ಕಾರ್ಯನಿರ್ವಹಣೆ ಸ್ಥಗಿತಗೊಳಿಸಲಿದೆ ಎಂದು ಮುಖ್ಯ ಚುನಾವಣಾ ಆಯುಕ್ತ ನಸೀಮ್ ಝೈದಿ ಬುಧವಾರ ತಿಳಿಸಿದ್ದಾರೆ.

 ಮತಯಂತ್ರದ ಸಮಗ್ರತೆಗೆ ಹೆಚ್ಚುವರಿ ಕ್ರಮಗಳು ಹಾಗೂ ಸಲಹೆಗಳನ್ನು ಯಾವಾಗಲೂ ಸ್ವಾಗತಿಸಬೇಕು. ನಮ್ಮ ಮತಯಂತ್ರ ನೂತನ ತಂತ್ರಜ್ಞಾನವನ್ನು ಒಳಗೊಳ್ಳಲಿದೆ. ಪ್ರಸ್ತುತ ನಾವು ಎಂ3 (ಮೂರನೇ ಜನಾಂಗದ )ಯಂತ್ರಗಳನ್ನು ರೂಪಿಸುತ್ತಿದ್ದೇವೆ. ಇದರಲ್ಲಿ ಹಲವು ಭದ್ರತಾ ಸೌಲಭ್ಯಗಳಿವೆ. ಇದು ತಿರುಚಿವಿಕೆ ಪತ್ತೆಹಚ್ಚಲಿದೆ. ಒಂದು ವೇಳೆ ಯಂತ್ರದ ಯಾವುದೇ ಭಾಗ, ಯಾವುದೇ ಸ್ಕ್ರೂ, ಯಾವುದೇ ಬಾಕ್ಸ್ ಅನ್ನು ತೆರೆಯಲು ಪ್ರಯತ್ನಿಸಿದರೆ ಅದು ಕಾರ್ಯ ನಿರ್ವಹಣೆ ನಿಲ್ಲಿಸಿದೆ. 2019ರ ಚುನಾವಣೆಯಲ್ಲಿ ಈ ಮತಯಂತ್ರ ಬಳಸಲಿದ್ದೇವೆ ಎಂದು ಎಂದು ಝೈದಿ ತಿಳಿಸಿದ್ದಾರೆ. ಅವರು ತಿಳಿಸಿದ್ದಾರೆ.

ಎಂ3 ಮಂತಯಂತ್ರದ ಉತ್ಪಾದನೆಯನ್ನು ಆಗಸ್ಟ್‌ನಲ್ಲಿ ಇಲೆಕ್ಟ್ರಾನಿಕ್ಸ್ ಕಾರ್ಪೋರೇಶನ್ ಆಫ್ ಇಂಡಿಯಾ ಲಿಮಿಟೆಡ್ ಹಾಗೂ ಭಾರತ್ ಎಲೆಕ್ಟ್ರಾನಿಕ್ಸ್ ಘಟಕಗಳಲ್ಲಿ ಉತ್ಪಾದನೆ ಆರಂಭಿಸಲಾಗುವುದು. ಈಗಿರುವ ಮತಯಂತ್ರಗಳ ಬದಲಿಗೆ ಈ ಮತಯಂತ್ರಗಳನ್ನು ಬಳಸಲಾಗುವುದು. ಮುಂದಿನ ಸೆಪ್ಟಂಬರ್ ಒಳಗೆ ಅಗತ್ಯವಿರುವ ಸಂಖ್ಯೆಯ ಮತಯಂತ್ರಗಳನ್ನು ಉತ್ಪಾದಿಸಲಾಗುವುದು ಎಂದು ಅವರು ಹೇಳಿದ್ದಾರೆ.

 ಬುಧವಾರ ಪದವಿ ತ್ಯಜಿಸಲಿರುವ ಝೈದಿ, 2019ರ ಒಳಗೆ ಎಲ್ಲ ಮತದಾನ ಯಂತ್ರಗಳಿಗೆ ಮತದಾನ ದೃಢೀಕರಣ ಪತ್ರ ನೀಡುವ ಘಟಕ (ವಿವಿಪಿಎಟಿ) ಅಳವಡಿಸಲಾಗುವುದು. ಚುನಾವಣಾ ಆಯೋಗ ಈಗಾಗಲೇ ನಿಧಿ ಹೊಂದಿದೆ. ಹಾಗೂ ಮತಯಂತ್ರಗಳಿಗೆ ಬೇಡಿಕೆ ಇರಿಸಲಾಗಿದೆ ಎಂದರು.

ಈ ಮತಯಂತ್ರದ ಸ್ವಯಂ ತಪಾಸಿಸಿಕೊಳ್ಳಬಲ್ಲುದು. ಸಾಫ್ಟವೇರ್ ಹಾಗೂ ವ್ಯವಸ್ಥೆಯಲ್ಲಿ ಯಾವುದೇ ದೋಷಗಳನ್ನು ಇದು ಸ್ವಯಂಚಾಲತವಾಗಿ ಗುರುತಿಸಿಕೊಳ್ಳ ಬಲ್ಲುದು ಹಾಗೂ ಪರದೆಯಲ್ಲಿ ಪ್ರದರ್ಶಿಸಬಲ್ಲುದು ಎಂದು ಅವರು ಹೇಳಿದರು.

ಇದರ ಮೂರನೇ ಭಾಗ ಡಿಜಿಟಲ್ ದೃಢೀಕರಣ. ಇದರ ನಿಯಂತ್ರಣ ಘಟಕ ಹಾಗೂ ಮತಪತ್ರ ಘಟಕ ಪರಸ್ಪರ ಸಂವಹಿಸಿಕೊಳ್ಳಬಲ್ಲುದು. ಒಂದು ವೇಳೆ ಯಾರಾದರೂ ಹೊರಗಿನಿಂದ ಮತ ಘಟಕ ಅಥವಾ ನಿಯಂತ್ರಣ ಘಟಕ ಅಳವಡಿಸಿದರೆ, ಡಿಜಿಟಲ್ ಸಹಿ ಹೋಲಿಕೆಯಾಗದು ಹಾಗೂ ಮತಯಂತ್ರ ಪೂರ್ಣವಾಗಿ ಕಾರ್ಯನಿರ್ವಹಣೆ ಸ್ಥಗಿತವಾಗುತ್ತದೆ.

 ಈ ಮತ ಯಂತ್ರಗಳ ಉತ್ಪಾದನೆ, ಸಾಗಾಟ, ದಾಸ್ತಾನು, ನಿರ್ವಹಣೆ, ಭದ್ರತೆಗಳನ್ನು ಬಿಗಿಗೊಳಿಸಲಾಗಿದೆ. ಮತಯಂತ್ರಗಳನ್ನು ಕೊಂಡೊಯ್ಯುವ ವಾಹನಗಳ ಸಂಚಾರ ಗಮನಿಸಲು ಜಿಪಿಎಸ್ ಅಳವಡಿಸಲಾಗುವುದು ಎಂದು ಝೈದಿ ತಿಳಿಸಿದ್ದಾರೆ.