ಕಾರು - ಆಟೋ ರಿಕ್ಷಾ ಢಿಕ್ಕಿ : ಇಬ್ಬರಿಗೆ ಗಾಯ

ಕಾಸರಗೋಡು,ಜು.16 :  ಕಾರು - ಆಟೋ ರಿಕ್ಷಾ ನಡುವೆ ಉಂಟಾದ ಅಪಘಾತದಲ್ಲಿ ಇಬ್ಬರು ಗಾಯಗೊಂಡ ಘಟನೆ ಆದಿತ್ಯವಾರ ಸಂಜೆ  ಮೇಲ್ಪರಂಬ  ಕಟ್ಟಕ್ಕಾಲ್  ನಲ್ಲಿ ನಡೆದಿದೆ.

ಗಾಯಗೊಂಡ  ಆಟೋ ಚಾಲಕ , ಆರಮಂಗಾನದ  ರಾಜೇಶ್ ಮತ್ತು ಪ್ರಯಾಣಿಕ ಅಶ್ರಫ್ ಗಂಭೀರ   ಗಾಯಗೊಂಡಿದ್ದು , ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಮಣಿಪಾಲಕ್ಕೆ  ತೆರಳುತ್ತಿದ್ದ ಕಾರು ಮತ್ತು ಆಟೋ ನಡುವೆ ಅಪಘಾತ ನಡೆದಿದೆ. ಕಾರಿನಲ್ಲಿದ್ದ ಮೂವರಿಗೆ ಸಣ್ಣಪುಟ್ಟ  ಗಾಯಗಳಾಗಿವೆ.

ಬೇಕಲ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.