ಮಕರೋವಾ -ವೆಸ್ನಿನಾಗೆ ಮಹಿಳೆಯರ ಡಬಲ್ಸ್ ಕಿರೀಟ

ಲಂಡನ್, ಜು.16: ವಿಂಬಲ್ಡನ್ ಮಹಿಳೆಯರ ಡಬಲ್ಸ್‌ನ ಫೈನಲ್‌ನಲ್ಲಿ ಗೆಲ್ಲುವ ಮೂಲಕ ರಶ್ಯದ ಏಕಟೆರಿನಾ ಮಕರೊವಾ ಮತ್ತು ಎಲೆನಾ ವೆಸ್ನಿನಾ ಕಿರೀಟ ಮುಡಿಗೇರಿಸಿಕೊಂಡಿದ್ದಾರೆ.

ಮಕರೋವಾ ಮತ್ತು ವೆಸ್ನಿನಾ ಅವರು ಫೈನಲ್‌ನಲ್ಲಿ ತೈವಾನ್‌ನ ಹಾವೊ -ಚಿಂಗ್ ಚಾನ್ ಮತ್ತು ರೊಮೆನಿಯಾದ ಮೊನಿಕಾ ನಿಕುಲೆಸ್ಕು ವಿರುದ್ಧ 6-0,6-0 ಅಂತರದಲ್ಲಿ ಸುಲಭದ ಜಯ ಗಳಿಸುವ ಮೂಲಕ ಪ್ರಶಸ್ತಿಯನ್ನು ಬಾಚಿಕೊಂಡರು.

ಇದರೊಂದಿಗೆ ರಶ್ಯದ ಎರಡನೆ ಶ್ರೇಯಾಂಕದ ಆಟಗಾರ್ತಿಯರಾದ ಮಕರೊವಾ ಮತ್ತು ವೆಸ್ನಿನಾ ಜೊತೆಯಾಗಿ ಮೂರನೆ ಗ್ರಾನ್ ಸ್ಲಾಮ್ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

2013ರಲ್ಲಿ ಫ್ರೆಂಚ್ ಓಪನ್ ಯುಎಸ್ ಓಪನ್ ಮತ್ತು ಇದೀಗ ವಿಂಬಲ್ಡನ್ ಪ್ರಶಸ್ತಿ ಪಡೆದಿದ್ದಾರೆ.