ಕಾಸರಗೋಡು: ಅಲ್ಪ ಸಂಖ್ಯಾತ ಸಮುದಾಯದಿಂದ ಸ್ವ ಉದ್ಯೋಗಕ್ಕೆ ಅರ್ಜಿ ಆಹ್ವಾನ

ಕಾಸರಗೋಡು, ಜು.25: ಅಲ್ಪ ಸಂಖ್ಯಾತ ಸಮುದಾಯದ (ಕ್ರಿಶ್ಚಿಯನ್, ಮುಸ್ಲಿಂ, ಜೈನ, ಪಾರ್ಸಿ, ಸಿಖ್, ಬುದ್ಧ)  18 ರಿಂದ 55 ವರ್ಷದೊಳಗಿನವರಿಂದ ರಾಜ್ಯ ಹಿಂದುಳಿದ ವಿಭಾಗ ಅಭಿವೃದ್ಧಿ ನಿಗಮ  ಸ್ವಉದ್ಯೋಗಕ್ಕೆ ಅರ್ಜಿ ಆಹ್ವಾನಿಸಿದೆ.

ಗ್ರಾಮೀಣ ಪ್ರದೇಶದವರಿಗೆ  81 ಸಾವಿರ ರೂ =., ನಗರ ಪ್ರದೇಶದವರಿಗೆ  1.03 ಲಕ್ಷ ರೂ. ಕುಟುಂಬ ವಾರ್ಷಿಕ ಆದಾಯ  ಹೊಂದಿದವರಿಗೆ  20 ಲಕ್ಷ ರೂ. ತನಕ ಆರು ಶೇಕಡಾ ಬಡ್ಡಿ ದರದಲ್ಲಿ  ಸಾಲ ನೀಡಲಾಗುವುದು. ಇದಲ್ಲದೆ ವಾರ್ಷಿಕ ಆದಾಯ  6 ಲಕ್ಷ ರೂ. ಗಿಂತ ಕೆಳಗಿನ ಕುಟುಂಬ ಆದಾಯ ಹೊಂದಿರುವ ಪುರುಷರಿಗೆ  8 ಶೇಕಡಾ ಬಡ್ಡಿದರದಲ್ಲಿ, ಮಹಿಳೆಯರಿಗೆ ಆರು ಶೇಕಡಾ ಬಡ್ಡಿ ದರದಲ್ಲಿ  ಕನಿಷ್ಠ 30  ಲಕ್ಷ ರೂ. ಸಾಲ ಲಭಿಸಲಿದೆ.

ಕೃಷಿ, ಸಣ್ಣ ಉದ್ದಿಮೆ, ಸೇವಾ ವಲಯಕ್ಕೊಳಪಟ್ಟ ಸಂಸ್ಥೆ ಆರಂಭಕ್ಕೆ ಸಾಲ ನೀಡಲಾಗುವುದು.  ಮರುಪಾವತಿ ಕಾಲಾವಧಿ  60 ತಿಂಗಳು , ಸಮಯಕ್ಕನುಗಣವಾಗಿ  ಸಾಲ ಮರುಪಾವತಿಸುವವವರಿಗೆ ವಿಶೇಷ ಸಬ್ಸಿಡಿ ಲಭಿಸಲಿದೆ. ಅರ್ಜಿ ಫಾರಂ ಮತ್ತು  ಹೆಚ್ಚಿನ ಮಾಹಿತಿಗಳಿಗಾಗಿ  ನಿಗಮದ ಜಿಲ್ಲಾ ಕಚೇರಿಯನ್ನು ಸಂಪರ್ಕಿಸಬಹುದು.  ನಿಗಮದ  ವೆಬ್ ಸೈಟ್  www. ksbcdc.com ಯಲ್ಲಿ ಹೆಚ್ಚಿನ ಮಾಹಿತಿ ಲಭಿಸಲಿದೆ.