ಕಲ್ಮನೆ ಗ್ರಾ.ಪಂ ನೂತನ ಅಧ್ಯಕ್ಷರಾಗಿ ಮಂಜಪ್ಪ ದ್ಯಾವಿನಕೆರೆ ಅವಿರೋಧ ಆಯ್ಕೆ

ಶಿಕಾರಿಪುರ, ಆ.2: ತಾಲೂಕಿನ ಕಲ್ಮನೆ ಗ್ರಾ.ಪಂ ನೂತನ ಅಧ್ಯಕ್ಷರಾಗಿ ಕಾಂಗ್ರೆಸ್ ಬೆಂಬಲಿತ ಅಭ್ಯರ್ಥಿ ಮಂಜಪ್ಪ ದ್ಯಾವಿನಕೆರೆ ಬುಧವಾರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

11 ಸದಸ್ಯರನ್ನು ಹೊಂದಿರುವ ಗ್ರಾ.ಪಂ ಯಲ್ಲಿ ಸಂಪೂರ್ಣ ಕಾಂಗ್ರೆಸ್ ಬೆಂಬಲಿತ ಸದಸ್ಯರಿದ್ದು, ಎಸ್ಟಿ ಮೀಸಲು ಅಧ್ಯಕ್ಷ ಹುದ್ದೆಯಲ್ಲಿ ಸತತ 2 ವರ್ಷ ಅಧಿಕಾರ ನಡೆಸಿದ ದೇವೇಂದ್ರಪ್ಪ ಆಂತರಿಕ ಒಪ್ಪಂದದನ್ವಯ ನೀಡಿದ ರಾಜೀನಾಮೆಯಿಂದ ತೆರವಾದ ಸ್ಥಾನಕ್ಕೆ ಬುಧವಾರ ಚುನಾವಣೆ ನಡೆಯಿತು.

ಅಧ್ಯಕ್ಷ ಸ್ಥಾನಕ್ಕೆ ಮಂಜಪ್ಪ ದ್ಯಾವಿನಕೆರೆ ಮಾತ್ರ ನಾಮಪತ್ರ ಸಲ್ಲಿಸಿದ್ದು, ಚುನಾವಣಾಧಿಕಾರಿ ಬಿಇಒ ಸಿದ್ದಪ್ಪ ಅವಿರೋಧ ಆಯ್ಕೆಯನ್ನು ಘೋಷಿಸಿದರು. ಈ ಸಂದರ್ಬದಲ್ಲಿ ಉಪಾಧ್ಯಕ್ಷೆ ನಾಗರತ್ನಮ್ಮ ಬಡಿಗೇರ, ಸದಸ್ಯ ಗುಡ್ಡಳ್ಳಿ ಸುರೇಶ, ಈರಪ್ಪ, ಅನಿತಾ, ನೇತ್ರಾವತಿ, ದೇವಿಕಾ, ನಿಂಗಪ್ಪ ಎ.ಕೆ, ಗೀತಾ ಮಹದೇವಸ್ವಾಮಿ, ಕೋಕಿಲಾ ಶಿವಮೂರ್ತಿ ಸಹಿತ ಮುಖಂಡ ಕೆ.ಜಿ ಬಸಪ್ಪಯ್ಯ ಪಾಟೀಲ, ಕೆ.ರಾಮಪ್ಪ, ರುದ್ರೇಶ ಪಂಚಾಯತಿ ಅಭಿವೃದ್ದಿ ಅಧಿಕಾರಿ ಸಿ.ಸ್ವಾಮಿ ಮತ್ತಿತರರು ಹಾಜರಿದ್ದರು.