ಭಾರತದ ಅತ್ಯಂತ ಹೆಚ್ಚಿನ ಸಂಭಾವನೆ ಪಡೆಯುವ ಟಾಪ್ ಮೂವರು ನಟರು ಇವರು
ಹೊಸದಿಲ್ಲಿ,ಆ.23: 2017ನೇ ಸಾಲಿನಲ್ಲಿ ವಿಶ್ವದಲ್ಲಿಯೇ ಅತ್ಯಂತ ಹೆಚ್ಚು ಸಂಭಾವನೆ ಯನ್ನು ಜೇಬಿಗಿಳಿಸಿಕೊಂಡಿರುವ 20 ನಟರ ಪಟ್ಟಿಯನ್ನು ಫೋರ್ಬ್ಸ್ ಬಿಡುಗಡೆಗೊಳಿಸಿದೆ. ಕೆಲವೇ ದಿನಗಳ ಹಿಂದೆ ಅದು ಅತ್ಯಂತ ಹೆಚ್ಚಿನ ಸಂಭಾವನೆಯನ್ನು ಪಡೆಯುತ್ತಿರುವ ನಟಿಯರ ಪಟ್ಟಿಯನ್ನು ಬಿಡುಗಡೆಗೊಳಿಸಿತ್ತು. ಈ ಬಾರಿ ನಟರ ಪಟ್ಟಿಯಲ್ಲಿ ಐವರು ಅಮೆರಿಕದ ಹೊರಗಿನವರಾಗಿದ್ದು, ಈ ಪೈಕಿ ಬಾಲಿವುಡ್ನ ಇಬ್ಬರು ಖಾನ್ಗಳು ಮತ್ತು ಅಕ್ಷಯ್ ಕುಮಾರ್ ಸೇರಿದ್ದಾರೆ ಎಂದು ಫೋರ್ಬ್ಸ್ ಹೇಳಿದೆ.
ಭಾರತದಲ್ಲಿ ಅತ್ಯಂತ ಹೆಚ್ಚು ಗಳಿಕೆಯ ಚಿತ್ರವೆಂಬ ಹೆಗ್ಗಳಿಕೆಗೆ ಪಾತ್ರವಾಗಿರುವ 2016ರ ‘ದಂಗಲ್’ ಚಿತ್ರದ ಆಮಿರ್ ಖಾನ್ ಅವರು ಫೋರ್ಬ್ಸ್ ಪಟ್ಟಿಯಲ್ಲಿ ಸೇರಿಲ್ಲ. ಶಾರುಖ್ ಖಾನ್ ಮತ್ತು ಸಲ್ಮಾನ್ ಖಾನ್ ಪಟ್ಟಿಯಲ್ಲಿ ಸ್ಥಾನ ಪಡೆದಿರುವ ಇಬ್ಬರು ಖಾನ್ಗಳಾಗಿದ್ದಾರೆ. ಶಾರುಖ್, ಸಲ್ಮಾನ್ ಮತ್ತು ಅಕ್ಷಯ್ ಈಗ ಫೋರ್ಬ್ಸ್ ಪಟ್ಟಿಯಲ್ಲಿ ಪರಿಚಿತ ಹೆಸರುಗಳಾಗಿದ್ದು, ಸತತ ಮೂರನೇ ವರ್ಷಕ್ಕೆ ಈ ಗೌರವಕ್ಕೆ ಪಾತ್ರರಾಗಿದ್ದಾರೆ. ಕಳೆದ ವರ್ಷ ಪಟ್ಟಿಯಲ್ಲಿ ಸ್ಥಾನ ಕಳೆದುಕೊಂಡಿದ್ದ ಅಮಿತಾಭ್ ಬಚ್ಚನ್ ಈ ವರ್ಷವೂ ಪಟ್ಟಿಯಿಂದ ಹೊರಗುಳಿದಿದ್ದಾರೆ.
(ಶಾರುಖ್ ಖಾನ್)
ಭಾರತದ ಅತ್ಯಂತ ಹೆಚ್ಚು ಗಳಿಕೆಯ ನಟನೆಂಬ ಹೆಗ್ಗಳಿಕೆಗೆ ಪಾತ್ರರಾಗಿರುವ ಶಾರುಖ್ ಪಟ್ಟಿಯಲ್ಲಿ ಎಂಟನೇ ಸ್ಥಾನದಲ್ಲಿದ್ದಾರೆ. ಕಳೆದ ವರ್ಷವೂ ಅವರು ಇದೇ ಸ್ಥಾನವನ್ನು ಅಲಂಕರಿಸಿದ್ದರು. 2016ರಲ್ಲಿ 33 ಮಿ.ಡಾ.ಗಳಿದ್ದ ಅವರ ಅಂದಾಜು ಗಳಿಕೆ 2017ರಲ್ಲಿ 38 ಮಿ.ಡಾ.ಗೇರಿದೆ. ಚಿತ್ರಗಳು ಮತ್ತು ‘ಹೆಚ್ಚಿನ ಅಮೆರಿಕನ್ನರು ಎಂದಿಗೂ ಕೇಳಿರದ ಬ್ರಾಂಡ್ಗಳ’ ಜಾಹೀರಾತುಗಳ ಮೂಲಕ ಶಾರುಖ್ ಗಳಿಸಿರುವ ಆದಾಯವನ್ನು ಫೋರ್ಬ್ಸ್ ಲೆಕ್ಕ ಹಾಕಿದೆ. ಈ ವರ್ಷ ಶಾರುಖ್ ‘ರಯೀಸ್’ ಮತ್ತು ‘ಜಬ್ ಹ್ಯಾರಿ ಮೆಟ್ ಸೇಜಲ್’ ಚಿತ್ರಗಳಲ್ಲಿ ನಟಿಸಿದ್ದು, ಈ ಪೈಕಿ ಎರಡನೆಯ ಚಿತ್ರ ಬಾಕ್ಸಾಫೀಸಿನಲ್ಲಿ ಸೋತು ಸುಣ್ಣವಾಗಿದೆ.
(ಸಲ್ಮಾನ್ ಖಾನ್)
ಕಳೆದ ವರ್ಷದ ಫೋರ್ಬ್ಸ್ ಪಟ್ಟಿಯಲ್ಲಿ 14ನೇ ಸ್ಥಾನದಲ್ಲಿದ್ದ ಸಲ್ಮಾನ್ ಖಾನ್ ಈ ವರ್ಷ 9ನೇ ಸ್ಥಾನಕ್ಕೇರಿದ್ದಾರೆ. ಕಳೆದ ವರ್ಷ ಅವರ ಆದಾಯ 28.5 ಮಿ.ಡಾ.ಗಳಾಗಿದ್ದರೆ ಈ ವರ್ಷ ಅದು 37 ಮಿ.ಡಾ.ಗೇರಿದೆ. ಅಂದ ಹಾಗೆ ಅವರ ಇತ್ತೀಚಿನ ಚಿತ್ರ ‘ಟ್ಯೂಬ್ಲೈಟ್’ ಬಾಕ್ಸಾಫೀಸ್ನಲ್ಲಿ ಸೋತಿದೆ.
(ಅಕ್ಷಯ್ ಕುಮಾರ್)
ಅಕ್ಷಯ್ ಕಳೆದ ವರ್ಷದ ಪಟ್ಟಿಯಲ್ಲಿನ 10ನೇ ಸ್ಥಾನವನ್ನು ಈ ವರ್ಷವೂ ಉಳಿಸಿ ಕೊಂಡಿದ್ದಾರೆ. ಅವರ ಗಳಿಕೆ 31.5 ಮಿ.ಡಾ.ಗಳಿಂದ 35.5 ಮಿ.ಡಾ.ಗೇರಿದೆ. ಕಳೆದ 25 ವರ್ಷಗಳಿಂದಲೂ ಬಾಲಿವುಡ್ ಬಾಕ್ಸಾಫೀಸ್ನ ‘ಕಿಂಗ್’ ಎಂದು ಫೋರ್ಬ್ಸ್ನಿಂದ ಪ್ರಶಂಸೆಗೊಳಗಾಗಿರುವ ಸಲ್ಮಾನ್ ಈ ವರ್ಷದ ಜೂನ್ನಿಂದ ಜುಲೈವರೆಗಿನ ಅವಧಿಯಲ್ಲಿ ಬಿಡುಗಡೆಗೊಂಡ ತನ್ನ ನಾಲ್ಕು ಚಿತ್ರಗಳಿಂದ ಇಷ್ಟು ಆದಾಯವನ್ನು ಗಳಿಸಿದ್ದಾರೆ. ಎರಡು ವಾರಗಳ ಹಿಂದೆ ಬಿಡುಗಡೆಗೊಂಡಿರುವ ಅವರ ಇತ್ತೀಚಿನ ಚಿತ್ರ ‘ಟಾಯ್ಲೆಟ್:ಏಕ್ ಪ್ರೇಮಕಥಾ’ ಈಗಾಗಲೇ ನೂರು ಕೋ.ರೂ.ಗೂ ಅಧಿಕ ಆದಾಯವನ್ನು ಗಳಿಸಿದೆ.
(ಮಾರ್ಕ್ ವಾಲ್ಬರ್ಗ್)
ಈ ವರ್ಷದ ಫೋರ್ಬ್ಸ್ ಪಟ್ಟಿಯಲ್ಲಿ ಮೊದಲ ಸ್ಥಾನ ಹಾಲಿವುಡ್ ನಟ ಮಾರ್ಕ್ ವಾಲ್ಬರ್ಗ್ ಅವರ ಪಾಲಾಗಿದೆ. ಅವರ ಗಳಿಕೆ 68 ಮಿ.ಡಾ.ಗಳಷ್ಟಿದೆ. ಕಳೆದ ವರ್ಷ ಮೊದಲ ಸ್ಥಾನದಲ್ಲಿದ್ದ ಡ್ವಾನ್ಯೆ ಜಾನ್ಸನ್(65 ಮಿ.ಡಾ.) ಈ ವರ್ಷ ಎರಡನೇ ಸ್ಥಾನಕ್ಕಿಳಿ ದಿದ್ದರೆ, ಮೂರನೇ ಸ್ಥಾನದಲ್ಲಿ ವಿನ್ ಡೀಸೆಲ್(54.5 ಮಿ.ಡಾ.) ಇದ್ದಾರೆ. ಆಡಂ ಸ್ಯಾಂಡ್ಲರ್, ಜಾಕಿ ಚಾನ್, ರಾಬರ್ಟ್ ಡೌನೀ ಮತ್ತು ಟಾಮ್ ಕ್ರೂಸ್ ನಂತರದ ಸ್ಥಾನಗಳಲ್ಲಿದ್ದಾರೆ.
ಪಟ್ಟಿಯಲ್ಲಿ ಆಮಿರ್ ಖಾನ್ ಅನುಪಸ್ಥಿತಿಗೆ ಕಾರಣವನ್ನು ಸುಲಭವಾಗಿ ಹೇಳಬ ಹುದು. ಅವರು ಒಂದು ಅಥವಾ ಎರಡು ವರ್ಷಗಳಲ್ಲಿ ಒಂದೇ ಚಿತ್ರವನ್ನು ಮಾಡುತ್ತಾರೆ ಮತ್ತು ಆಯ್ದ ಜಾಹೀರಾತುಗಳಲ್ಲಿ ಮಾತ್ರ ನಟಿಸುತ್ತಾರೆ.
