ಗೌರಿ ಲಂಕೇಶ್ ಹತ್ಯೆ ಶಾಕಿಂಗ್ ನ್ಯೂಸ್ : ಸಿಎಂ ಸಿದ್ದರಾಮಯ್ಯ

ಬೆಂಗಳೂರು, ಸೆ.5: ಗೌರಿ ಲಂಕೇಶ್ ಹತ್ಯೆ ಅವರ ಆಘಾತಕಾರಿ ಸುದ್ದಿ. ಅವರ  ಹತ್ಯೆ ನನಗೆ   ತುಂಬಾ ದು:ಖವನ್ನು ತಂದಿದೆ ಎಂದು ಮುಖ್ಯ ಮಂತ್ರಿ ಸಿದ್ದರಾಮಯ್ಯ ತಿಳಿಸಿದ್ದಾರೆ.

ಸುದ್ದಿಗಾರರೊಂದಿಗೆ ಮಾತನಾಡಿದ  ಅವರು ಗೌರಿ ಲಂಕೇಶ್  ಹತ್ಯೆ ಅತ್ಯಂತ ಹೇಯ ಕೃತ್ಯವಾಗಿದೆ.   ಕೂಡಲೇ ಹಂತಕರನ್ನು ಬಂಧಿಸುವಂತೆ ಪೊಲೀಸರಿಗೆ ಸೂಚನೆ ನೀಡಿದ್ದೇನೆ,  ಪ್ರಕರಣದ ತನಿಖೆಗೆ ಮೂರು  ತಂಡಗಳನ್ನು  ರಚಿಸಲಾಗಿದೆ ಎಂದು ಮಾಹಿತಿ ನೀಡಿದರು.

ಗೌರಿ ಅವರ ಹತ್ಯೆ ನಡೆದ ಸ್ಥಳಕ್ಕೆ ತೆರಳುವಂತೆ ಗೃಹ ಸಚಿವರು ಮತ್ತು  ಪೊಲೀಸ್ ಆಯುಕ್ತರಿಗೆ ಸೂಚಿಸಿರುವೆ. ಪತ್ರಕರ್ತೆ ಗೌರಿ ವಿಚಾರವಾದಿ ಆಗಿದ್ದರು.ಸಮಾಜಮುಖಿ ಕೆಲಸದಲ್ಲಿ ನಿರತರಾಗಿದ್ದರು ಎಂದು ಅಭಿಪ್ರಾಯಪಟ್ಟಿದ್ದಾರೆ.