ತಾಯಿಯನ್ನು ರಕ್ಷಿಸಲು ಯತ್ನಿಸಿದ ಮೂವರು ಮಕ್ಕಳ ಸಾವು

 ಭೋಪಾಲ್, ಸೆ.16: ಆತ್ಮಹತ್ಯೆಗೆ ಮುಂದಾದ ತಾಯಿಯನ್ನು ರಕ್ಷಿಸಲು ಮುಂದಾದ ಮೂವರು ಮಕ್ಕಳು ತಾವೇ ಬೆಂಕಿಗೆ ಬಲಿಯಾದ ದುರಂತ ಘಟನೆ ಮಧ್ಯಪ್ರದೇಶದ ದಮೋಹ್ ಎಂಬಲ್ಲಿ ನಡೆದಿದೆ.

    30ರ ಹರೆಯದ ರಾಣಿ ಲೋಧಿ ಎಂಬಾಕೆ ತೀವ್ರವಾದ ಹೊಟ್ಟೆನೋವಿನಿಂದ ಬಳಲುತ್ತಿದ್ದು ಬೆಂಕಿ ಹಚ್ಚಿಕೊಂಡು ಆತ್ಮಹತ್ಯೆ ನಡೆಸಲು ಮುಂದಾಗಿದ್ದಳು. ಈ ಸಂದರ್ಭ ಆಕೆಯ ಪುತ್ರಿಯರಾದ ಎರಡು ವರ್ಷದ ತುಲ್ಸಾ, ಐದು ವರ್ಷದ ಮುಸ್ಕಾನ್, ಹಾಗೂ ಏಳು ವರ್ಷದ ಮಾನ್ಸಿ ತಾಯಿಯನ್ನು ರಕ್ಷಿಸಲು ಮುಂದಾಗಿದ್ದು ತಾವೇ ಬೆಂಕಿಗೆ ಆಹುತಿಯಾಗಿದ್ದಾರೆ. ಶೇ.70ರಷ್ಟು ಸುಟ್ಟಗಾಯವಾಗಿರುವ ರಾಣಿ ಜಬಲ್ಪುರ ಆಸ್ಪತ್ರೆಯಲ್ಲಿ ಜೀವನ್ಮರಣ ಹೋರಾಟ ನಡೆಸುತ್ತಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.