ಇಂದಬೆಟ್ಟು: ಸುಮಾರು 6ಲಕ್ಷ ಮೌಲ್ಯದ ಚಿನ್ನಾಭರಣ-ನಗದು ಕಳವು

ಬೆಳ್ತಂಗಡಿ,ಅ.16: ಇಂದಬೆಟ್ಟು ಗ್ರಾಮದ ಕನ್ನೋಳಿ ಎಂಬಲ್ಲಿ ಮನೆಗೆ ನುಗ್ಗಿ ಚಿನ್ನಾಭರಣ, ನಗದು ಸೇರಿದಂತೆ ಸುಮಾರು 6 ಲಕ್ಷ ರೂ. ಮೌಲ್ಯದ ಸೊತ್ತುಗಳನ್ನು ಕಳವು ಮಾಡಿರುವ ಘಟನೆ ನಡೆದಿದೆ. 

ಇಲ್ಲಿನ ನಿವಾಸಿ ರಫಾಯಿ ಎಂಬವರು ರವಿವಾರದಂದು ಮನೆಗೆ ಬೀಗ ಹಾಕಿ ಮುಂಡಾಜೆಯ ಚರ್ಚ್‍ಗೆ ತೆರಳಿದ್ದ ಸಮಯ ಕಳ್ಳರು ಮನೆಯ ಬೀಗ ಒಡೆದು ಒಳಗೆ ನುಗ್ಗಿದ ಕಳ್ಳರು ಕಪಾಟನ್ನು ಯಾವುದೋ ಆಯುಧದಿಂದ ಒಡೆದಿದ್ದಾರೆ.

ಕಪಾಟಿನಲ್ಲಿಟ್ಟದ 2ಲಕ್ಷ ನಗದು, ಸೂಟುಕೇಸಿನಲ್ಲಿಟ್ಟಿದ್ದ ಚಿನ್ನದ ನೆಕ್ಲೆಸ್, ಬಳೆಗಳು, ಸರಗಳು, ಉಂಗುರಗಳು, ಸೇರಿದಂತೆ ಸುಮಾರು 224 ಗ್ರಾಂ ಚಿನ್ನಾಭರಣವನ್ನು ಕಳವು ಮಾಡಿದ್ದಾರೆ. 4 ಲಕ್ಷ ರೂ. ಮೌಲ್ಯದ ಚಿನ್ನಾಭರಣ ಹಾಗೂ 2 ಲಕ್ಷ ರೂ. ನಗದು ಸೇರಿದಂತೆ 6 ಲಕ್ಷ  ಮೌಲ್ಯ ಎಂದು ಅಂದಾಜಿಸಲಾಗಿದೆ. ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.