ಇಂದೋರ್‌ನಲ್ಲಿ ಬೆಂಕಿ ದುರಂತ: 400 ವಾಹನ ಅಗ್ನಿಗಾಹುತಿ

ಇಂದೋರ್, ಅ.29: ಬಳಸಿದ ವಾಹನ (ಸೆಕೆಂಡ್ ಹ್ಯಾಂಡ್) ಮಾರಾಟ ಮಾಡುತ್ತಿದ್ದ ಮೂರು ಅಂಗಡಿಗಳಲ್ಲಿ ಸಂಭವಿಸಿದ ಭೀಕರ ಅಗ್ನಿದುರಂತದಲ್ಲಿ 400 ದ್ವಿಚಕ್ರ ವಾಹನಗಳು ಸುಟ್ಟು ಭಸ್ಮವಾದ ಘಟನೆ ಇಂದೋರ್‌ನಲ್ಲಿ ನಡೆದಿದೆ.

 ಅಗ್ರಸೇನ್ ಚೌರಾಹ ಪ್ರದೇಶದಲ್ಲಿ ಘಟನೆ ನಡೆದಿದೆ. ಬಳಕೆಯಾದ ವಾಹನ ಮಾರಾಟ ಮಾಡುತ್ತಿದ್ದ ಈ ಅಂಗಡಿಗಳಲ್ಲಿ ಬಹುತೇಕ ದ್ವಿಚಕ್ರ ವಾಹನಗಳಿದ್ದವು. ಒಂದು ಅಂಗಡಿಯಲ್ಲಿ ಕಾಣಿಸಿಕೊಂಡ ಬೆಂಕಿ ಶೀಘ್ರ ಇತರ ಅಂಗಡಿಗೂ ಹಬ್ಬಿದೆ. ಪರಿಣಾಮ 400ಕ್ಕೂ ಹೆಚ್ಚು ದ್ವಿಚಕ್ರ ವಾಹನ ಸುಟ್ಟು ಕರಕಲಾಗಿದೆ. ನಾಲ್ಕು ಅಗ್ನಿಶಾಮಕ ಯಂತ್ರಗಳು ಬೆಂಕಿ ನಂದಿಸಲು ಹಲವು ಗಂಟೆ ಶ್ರಮಿಸಿದವು ಎಂದು ಪೊಲೀಸರು ತಿಳಿಸಿದ್ದಾರೆ.