ಎಟಿಎಂನಲ್ಲಿ ನಕಲಿ ನೋಟು: ಆರೋಪ

ಬೆಂಗಳೂರು, ಅ.31: ನಗರದ ಲಕ್ಕಸಂದ್ರದ ಬಳಿಯ ಆಕ್ಸಿಸ್ ಬ್ಯಾಂಕ್ ಶಾಖೆಯ ಎಟಿಎಂನಲ್ಲಿ ಸಾರ್ವಜನಿಕರೊಬ್ಬರಿಗೆ 2 ಸಾವಿರ ರೂ. ಮುಖಬೆಲೆಯ ನಕಲಿ ನೋಟು ದೊರೆತಿದೆ ಎನ್ನಲಾಗಿದೆ.

ಲಕ್ಕಸಂದ್ರದ ಎರಡನೆ ಕ್ರಾಸ್‌ನಲ್ಲಿರುವ ಎಕ್ಸಿಸ್ ಬ್ಯಾಂಕ್ ಎಟಿಎಂನಲ್ಲಿ ದಯಾನಂದ್ ರೆಡ್ಡಿ ಎಂಬ ಯುವಕ ಆರು ಸಾವಿರ ರೂಪಾಯಿ ಪಡೆದಿದ್ದಾರೆ. ಬಳಿಕ ಪೆಟ್ರೋಲ್ ಹಾಕಿಸಲು ಬಂಕ್‌ಗೆ ಹೋದಾಗ ಅಲ್ಲಿ ಖೋಟಾ ನೋಟು ಎಂಬುದು ಗೊತ್ತಾಗಿದೆ.

ಈ ನೋಟಿನ ಮೇಲೆ ನಂಬರ್ ಇರುವ ಜಾಗದಲ್ಲಿ ಇಂಗ್ಲಿಷ್ ಅಕ್ಷರಗಳಿಂದ ‘ದಿಸ್ ಈಸ್ ಶೂಟಿಂಗ್ ಪರ್ಪಸ್ ಓನ್ಲಿ’ ಎಂದು ಮುದ್ರಣ ಮಾಡಲಾಗಿದೆ.

ಈ ಸಂಬಂಧ ದೂರು ನೀಡಿದರು ಪೊಲೀಸರು ಸ್ಪಂದಿಸುತ್ತಿಲ್ಲ ಎಂದು ದಯಾನಂದ್ ಆರೋಪಿಸಿದ್ದಾರೆ.