ಓ ಮೆಣಸೇ..
ಎಸ್.ಎಲ್.ಭೈರಪ್ಪರ ಕಾದಂಬರಿಗಳು ಭಾರತೀಯ ಸಂಸ್ಕೃತಿಯ ಮೇಲೆ ಪ್ರಭಾವ ಬೀರಿವೆ - ವೀರಪ್ಪ ಮೊಯ್ಲಿ, ಸಂಸದ
ನಿಮ್ಮ ಮೇಲೆ ಪ್ರಭಾವ ಬೀರಿರುವ ಎಲ್ಲ ಲಕ್ಷಣಗಳೂ ಕಾಣುತ್ತಿವೆ.
---------------------
ರಾಜಕಾರಣಿಗಳಿಗೆ ಪ್ರತ್ಯೇಕ ತರಬೇತಿಯ ಅಗತ್ಯವಿದೆ - ಯು.ಟಿ. ಖಾದರ್, ಸಚಿ
ದೇಶವನ್ನು ಪರಿಣಾಮಕಾರಿಯಾಗಿ ದೋಚುವ ಕುರಿತಂತೆ ತರಬೇತಿಯೇ?
---------------------
ಅಮಿತ್ ಶಾರನ್ನು ಮೀರಿಸುವ ಚಾಣಾಕ್ಷತೆ ಸಿ.ಎಂ.ಸಿದ್ದರಾಮಯ್ಯರಿಗಿದೆ - ದೇವೇಗೌಡ, ಮಾಜಿ ಪ್ರಧಾನಿ
ಚಾಣಾಕ್ಷತೆಯ ಮಾತು.
---------------------
ಪ್ರತೀ ಚುನಾವಣೆ ಬಂದಾಗಲೂ ಬಿಜೆಪಿ ಅಪಪ್ರಚಾರದ ಕೆಲಸ ಮಾಡುತ್ತಿದೆ - ರಮಾನಾಥ ರೈ, ಸಚಿವ
ಯಾವ ಕೆಲಸವೂ ಮಾಡದೆ ಇರುವ ತಮಗಿಂತ ವಾಸಿ.
---------------------
ನಾಯಿ ನಿಷ್ಠೆಗೆ ಹೆಸರಾದ ಪ್ರಾಣಿ - ಪ್ರಮೋದ್ ಮಧ್ವರಾಜ್, ಸಚಿವ
ನಾಯಿಗಳನ್ನೇ ಚುನಾವಣೆಗೆ ನಿಲ್ಲಿಸುವುದು ವಾಸಿ.
---------------------
ಕಾಂಗ್ರೆಸ್ನಲ್ಲಿ ಸಿದ್ದರಾಮಯ್ಯ ಮತ್ತು ಪರಮೇಶ್ವರ್ ಎಂಬ ಎರಡು ಗುಂಪುಗಳಿವೆ - ಕೆ.ಎಸ್. ಈಶ್ವರಪ್ಪ, ಬಿಜೆಪಿ ನಾಯಕ
ಬಿಜೆಪಿಯಲ್ಲಿರುವ ಗುಂಪುಗಳನ್ನು ಮೊದಲು ಎಣಿಸಿ ಹೇಳಿ.
---------------------
ತ್ರಿವಳಿ ತಲಾಖ್ನಿಂದ ಮುಸ್ಲಿಂ ಮಹಿಳೆಯರಿಗೆ ಮುಕ್ತಿ ಸಿಗುವ ಕಾಲ ಹತ್ತಿರವಾಗಿದೆ - ನರೇಂದ್ರ ಮೋದಿ, ಪ್ರಧಾನಿ
ಗುಜರಾತ್ ಹತ್ಯಾಕಾಂಡದಲ್ಲಿ ತಾವು ಒದಗಿಸಿದ ಮುಕ್ತಿಯನ್ನು ಅವರಿನ್ನೂ ಮರೆತಿಲ್ಲ.
---------------------
ಅಮಿತ್ ಶಾಗೆ ಮತ್ತೆ ರಾಜ್ಯದಲ್ಲಿ ಬೆಂಕಿ ಹಚ್ಚಲು ಬಿಡುವುದಿಲ್ಲ - ಸಿದ್ದರಾಮಯ್ಯ, ಮುಖ್ಯಮಂತ್ರಿ
ಅದರ ಹೊಣೆಯನ್ನು ಅವರು ತಮ್ಮ ಶಿಷ್ಯರಿಗೆ ಹೊರಿಸಿದ್ದಾರೆ.
---------------------
ಸಂವಿಧಾನ ವಿರೋಧಿಗಳು ಸಂಪುಟದಲ್ಲಿ ಇರಬಾರದು - ಮಲ್ಲಿಕಾರ್ಜುನ ಖರ್ಗೆ, ಕಾಂಗ್ರೆಸ್ ನಾಯಕ
ಸಂವಿಧಾನ ವಿರೋಧಿಗಳು ದೇಶದಲ್ಲೇ ಇರಬಾರದು.
---------------------
ನಾನು ಮುಖ್ಯಮಂತ್ರಿಯಾದ ತಕ್ಷಣ ವಿಧಾನ ಸೌಧಕ್ಕಿರುವ ಕಬ್ಬಿಣದ ಗೇಟುಗಳನ್ನು ಕಿತ್ತು ಹಾಕಿಸುತ್ತೇನೆ - ಕುಮಾರಸ್ವಾಮಿ, ಮಾಜಿ ಮುಖ್ಯಮಂತ್ರಿ
ಅಷ್ಟಕ್ಕಾಗಿ ನಿಮ್ಮನ್ನು ಮುಖ್ಯಮಂತ್ರಿ ಮಾಡಬೇಕೇ?
---------------------
ಅಣ್ವಸ್ತ್ರದ ಬಟನ್ ನನ್ನ ಮೇಜಿನ ಮೇಲಿದೆ - ಕಿನ್ ಜಾಂಗ್ ಉನ್, ಉ.ಕೊರಿಯ ಅಧ್ಯಕ್ಷ
ಅಮೆರಿಕದ ಅಧ್ಯಕ್ಷ ಟ್ರಂಪ್ ಅದನ್ನು ಜೇಬಿನಲ್ಲಿ ಹಾಕಿಕೊಂಡು ಓಡಾಡುತ್ತಿದ್ದಾರಂತೆ.
---------------------
ಭಯೋತ್ಪಾದನೆಗೆ ಕುಮ್ಮಕ್ಕು ನೀಡುತ್ತಿರುವ ಪಾಕಿಸ್ತಾನದ ಜೊತೆ ಕ್ರಿಕೆಟ್ ಸರಣಿ ಅಸಾಧ್ಯ - ಸುಶ್ಮಾ ಸ್ವರಾಜ್, ಕೇಂದ್ರ ಸಚಿವೆ
ಪ್ರಧಾನಿ ಮೋದಿಯವರು ಪಾಕಿಸ್ತಾನಕ್ಕೆ ಹೋಗಿ ಬಿರಿಯಾನಿ ತಿಂದು ಬರಬಹುದಾದರೆ, ಕ್ರಿಕೆಟ್ ಸರಣಿ ಯಾಕೆ ಅಸಾಧ್ಯ?
---------------------
ಯೋಧರ ತ್ಯಾಗ, ಬಲಿದಾನಕ್ಕೆ ಇಡೀ ದೇಶ ಹೆಮ್ಮೆ ಪಡುತ್ತಿದೆ - ರಾಜನಾಥ್ ಸಿಂಗ್, ಕೇಂದ್ರ ಸಚಿವ
ರಾಜಕಾರಣಿಗಳ ಮನೆಯಿಂದ ಹೋದ ಯೋಧರು ಎಷ್ಟಿದ್ದಾರೆ ಎಂದು ಲೆಕ್ಕ ಹೇಳುತ್ತೀರಾ?
---------------------
ಭಾರತದಲ್ಲಿ ಮತಾಂತರ ಎಂಬುದು ಕ್ಯಾನ್ಸರ್ನಂತೆ ಹರಡಿದೆ - ಸಿ.ಟಿ.ರವಿ, ಶಾಸಕ
ನಿಮ್ಮಂಥ ನಾಯಕರು ಧರ್ಮವನ್ನು ಪ್ರತಿನಿಧಿಸುತ್ತಿರುವಾಗ, ಧರ್ಮ ಬಿಟ್ಟು ಹೋಗದೆ ಮತ್ತೇನು ಮಾಡುತ್ತಾರೆ?
---------------------
ದೇವ ನಿರ್ಮಿತ ಸುಂದರ ಜಿಲ್ಲೆ ದಕ್ಷಿಣ ಕನ್ನಡ - ನಳಿನ್ ಕುಮಾರ್ ಕಟೀಲು, ಸಂಸದ
ಅದಕ್ಕಾಗಿ ಬೆಂಕಿ ಹಚ್ಚಲು ಹೊರಟಿರುವುದೇ?
---------------------
ರಾಷ್ಟ್ರೀಯ ಪಕ್ಷ ಎಂದರೆ ಹರಿಯುವ ನೀರು - ಶ್ರೀರಾಮುಲು, ಸಂಸದ
ಅದು ಹರಿಯುತ್ತಿರುವ ಚರಂಡಿ ನೀರು.
---------------------
ಮುಂದಿನ ಲೋಕಸಭೆ ಚುನಾವಣೆ ವೇಳೆ ರಜನಿಕಾಂತ್ ಎನ್ಡಿಎ ಸೇರಿಕೊಳ್ಳಲಿದ್ದಾರೆ -ತಮಿಳಿಸೈ, ತಮಿಳುನಾಡು ಬಿಜೆಪಿ ಅಧ್ಯಕ್ಷೆ
ಪ್ರಧಾನಿ ಸ್ಥಾನ ಕೊಟ್ಟರೆ ಸೇರಬಹುದೇನೋ?
---------------------
ಶೋಭಾ ಕರಂದ್ಲಾಜೆ ಕಾನೂನಿಗಿಂತ ದೊಡ್ಡವರಾ? - ರಾಮಲಿಂಗಾರೆಡ್ಡಿ, ಸಚಿವ
ಬಹುಶಃ ಕಾನೂನು ಹಾಗೆ ತಿಳಿದುಕೊಂಡಂತಿದೆ.
---------------------
ಆರೆಸ್ಸೆಸ್ನಿಂದಾಗಿ ಭಾರತೀಯರು ಸುರಕ್ಷಿತ - ಬಿ.ಕೆ.ಥಾಮಸ್, ಸುಪ್ರೀಂಕೋರ್ಟ್ ನಿವೃತ್ತ ನ್ಯಾಯಮೂರ್ತಿ
ಗಂಡು ನವಿಲಿನ ಕಣ್ಣೀರಿಗಿಂತ ಈ ಹೇಳಿಕೆ ತಮಾಷೆಯಾಗಿದೆ.
---------------------
ನಾನೊಬ್ಬ ಫಕೀರ, ನನಗೆ ಅಧಿಕಾರ ಬೇಡ - ಅಣ್ಣಾ ಹಝಾರೆ, ಸಾಮಾಜಿಕ ಕಾರ್ಯಕರ್ತ
ನರೇಂದ್ರ ಮೋದಿಯವರೂ ತಮ್ಮನ್ನು ತಾವು ಫಕೀರ ಎಂದೇ ಕರೆದುಕೊಂಡಿದ್ದಾರೆ.
---------------------
ಗೋವು ಭಾರತದ ಪ್ರಾಣ - ರಾಘವೇಶ್ವರ ಸ್ವಾಮೀಜಿ, ರಾಮಚಂದ್ರಾಪುರ ಮಠ
ಅದಕ್ಕೆ ಬಾಯಿ ಬರುತ್ತಿದ್ದರೆ ಇಷ್ಟರಲ್ಲೇ ನಿಮ್ಮ ವಿರುದ್ಧ ನ್ಯಾಯಾಲಯಕ್ಕೆ ದೂರು ಸಲ್ಲಿಸಿರುತ್ತಿತ್ತು.
---------------------
ಕರ್ನಾಟಕವನ್ನು ಪಾಕಿಸ್ತಾನ ಮಾಡಲು ಬಿಡುವುದಿಲ್ಲ - ಮುರಳೀಧರ ರಾವ್, ರಾಜ್ಯ ಬಿಜೆಪಿ ಉಸ್ತುವಾರಿ
ಕರ್ನಾಟಕವನ್ನು ಇನ್ನೊಂದು ಉತ್ತರ ಪ್ರದೇಶ ಆಗಲು ಬಿಡುವುದಿಲ್ಲ ಎಂದು ಸಿದ್ದರಾಮಯ್ಯ ಹೇಳುತ್ತಿದ್ದಾರೆ.
