ನಿರ್ಮಲಾ ಸುಖೋಯ್ ಯಾನ...

ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್ ವಾಯು ಪಡೆಯ ಮುಂಚೂಣಿ ಯುದ್ಧ ವಿಮಾನ ಸುಖೋಯ್-30 ಎಂಕೆಐಯಲ್ಲಿ ಬುಧವಾರ ಹಾರಾಟ ನಡೆಸಿದರು. ಪರಮಾಣು ದಾಳಿ ಹಾಗೂ ಶತ್ರು ಭೂಪ್ರದೇಶ ಪ್ರವೇಶ ಸಾಮರ್ಥ್ಯ ಹೊಂದಿರುವ ಈ ವಿಮಾನದಲ್ಲಿ ರಕ್ಷಣಾ ಸಚಿವೆ ಜಿ-ಸೂಟ್ ಧರಿಸಿ ಹಾರಾಟ ನಡೆಸಿದರು. ಸುಖೋಯ್ ವಿಮಾನದಲ್ಲಿ ಹೀಗೆ ಹಾರಾಟ ನಡೆಸುತ್ತಿರುವ ಎರಡನೇ ಮಹಿಳಾ ನಾಯಕಿ ನಿರ್ಮಲಾ ಸೀತಾರಾಮನ್. ಹಾರಾಟದ ವೇಳೆ ಸೀತಾರಾಮನ್ ಜಿ-ಸೂಟ್ ಅಥವಾ ಗುರುತ್ವಾಕರ್ಷಣ ತಡೆ ಸೂಟ್ ಧರಿಸಿದ್ದರು. ಆಮ್ಲಜನಕದ ಮುಖವಾಡದೊಂದಿಗೆ ಹೆಲ್ಮೆಟ್ ಧರಿಸಿದ್ದರು. ವಿಮಾನದ ಹಿಂದಿನ ಸೀಟಿನಲ್ಲಿ ಕುಳಿತು ಎದುರಿನಲ್ಲಿದ್ದ ಪೈಲೆಟ್‌ನೊಂದಿಗೆ ಇಂಟರ್‌ಕಾಮ್ ಮೂಲಕ ನಿರಂತರ ಸಂವಹನ ನಡೆಸಿದರು.