ತುಮಕೂರು; ಹಕ್ಕು ನೀವು ಕೇಳಿ ಪಡೆಯುವುದರಲ್ಲಿ ತಪ್ಪಿಲ್ಲ : ತಹಸೀಲ್ದಾರ್ ರಂಗೇಗೌಡ

ತುಮಕೂರು,ಜ.21:ಅನಾಧಿಕಾಲದಿಂದಲೂ ಒಂದೇ ಕಾಯಕವನ್ನು ನಂಭಿ ಬದುಕನ್ನು ಸಾಗಿಸಿಕೊಂಡು ಬಂದಿರುವ ನೀವು ನಿಮ್ಮ ಹಕ್ಕುನ್ನು ನೀವು ಕೇಳಿರುವುದರಲ್ಲಿ ಯಾವುದೇ ತಪ್ಪಿಲ್ಲ ಎಂದು ತುಮಕೂರು ತಹಶೀಲ್ದಾರ್ ರಂಗೇಗೌಡ ತಿಳಿಸಿದ್ದಾರೆ. 
ನಗರದಲ್ಲಿಂದು ಗುಬ್ಬಿ ವೀರಣ್ಣ ಕಲಾಕ್ಷೇತ್ರದಲ್ಲಿ ಜಿಲ್ಲಾಡಳಿತ, ಜಿಲ್ಲಾ ಪಂಚಾಯತ್, ಮಹಾನಗರ ಪಾಲಿಕೆ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಮತ್ತು ತುಮಕೂರು ಜಿಲ್ಲಾ ಗಂಗಾ ಮತಸ್ಥರ ಸಂಘದ ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ನಿಜಶರಣ ಅಂಬಿಗರ ಚೌಡಯ್ಯ ಜಯಂತಿಯನ್ನು ಉದ್ಘಾಟಿಸಿ ಮಾತನಾಡುತಿದ್ದ ಅವರು, 

ನಿಮ್ಮ ಕಾಯಕವನ್ನು ಉಳಿಸಿಕೊಡುವಂತೆ ಕೇಳಿರುವ ನಿಮ್ಮ ಮನವಿ ಸಮಂಜಸವಾದ್ದು,ಆದ್ದರಿಂದ ಜಿಲ್ಲಾಧಿಕಾರಿಗಳ ಗಮನಕ್ಕೆ ತಂದು ನಿಮ್ಮ ಬೇಡಿಕೆಗಳನ್ನು ಈಡೇರಿಸುವಂತೆ ಸರಕಾರಕ್ಕೆ ಕಳುಹಿಸಿಕೊಡಲಾಗುವುದು.ಇದು ನನ್ನ ಜವಾಬ್ದಾರಿಯಾಗಿದೆ ಎಂದು ಅವರು ತಿಳಿಸಿದರು. 

ಜಿಲ್ಲಾ ಗಂಗಾ ಮತಸ್ಥರ ಸಂಘದ ಅಧ್ಯಕ್ಷ ಎಂ.ನಾಗರಾಜ ಮಾತನಾಡಿ, ನಾವು ಕೇಳಗಿನವರು ಎಂದು ಕಿಳಿರಿಮೆಯಿಂದ ಹಿಂಜರಿಯದೆ ಇರುವ ಸೌಲಭ್ಯವನ್ನು ಬಳಿಸಿಕೊಂಡು ಮುಂದೆ ಸಾಗಿದಾದರೆ ಮಾತ್ರ ಯಶಸ್ಸು ಸಾಧ್ಯ. ಈ ನಿಟ್ಟಿನಲ್ಲಿ ಜಾತಿಯ ಬಗ್ಗೆ ಯೋಚಿಸದೆ ಧೈರ್ಯದಿಂದ ಮುನ್ನುಗ್ಗಬೇಕು.ನಮ್ಮ ಜಾತಿಯವರು ಏನು ಮಾಡಿದ್ದಾರೆ, ಜಾತಿ ಏನು ಮಾಡಿದೆ ಎಂಬುದನ್ನು ಯೋಚಿಸುವ ಬದಲು ನಾವು ಏನು ಮಾಡಿದ್ದೇವೆ. ಏನು ಮಾಡುತ್ತಿದ್ದೇವೆ ಎಂಬುದನ್ನು ಗಮನಿಸಬೇಕಾಗಿದೆ, ಜ್ಞಾನ ಸಂಪಾದಿಸುವಂತಹ ಮನಸ್ಥಿತಿ ಬೆಳಿಸಿಕೊಳ್ಳಿ. ಜಯಂತಿ ಆಚರಣೆ ಮಾಡುವುದು ಪುನಶ್ಚೇತನಗೊಳಿಸುವುದಕ್ಕೆ, ಆ ವ್ಯಕ್ತಿ ಮಾಡಿದ ಸಾಧನೆಯ ಬಗ್ಗೆ ಜನರಿಗೆ ತಿಳಿಸಲು ಮತ್ತು ಅವರ ಆದರ್ಶಗಳನ್ನು ತಿಳಿದು ಜೀವನದಲ್ಲಿ ಅಳವಡಿಸಿಕೊಳ್ಳಲು ಎಂದು ಅವರು ತಿಳಿಸಿದರು. 

ಕಡಬ ಸರಕಾರಿ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲ ಅಂಬಿಗರ ಚೌಡಯ್ಯ ಅವರು ಬಗ್ಗೆ ಉಪನ್ಯಾಸ ನೀಡಿ, 12ನೇ ಶತಮಾನದಲ್ಲಿ ಬಸವಣ್ಣನವರ ಸಮಕಾಲೀನರಾದ ಅಂಬಿಗರ ಚೌಡಯ್ಯ ಸಮಾಜ ಸುಧಾರಣೆಗೆ ನೇರ, ನಿಷ್ಠುರ ನುಡಿಯಲ್ಲಿ ರಚಿಸಿದ ವಚನದಿಂದ ಸಮಾಜ ತಿದ್ದುವ ಕೆಲಸವನ್ನು ಮಾಡಿದ್ದಾರೆ ಎಂದು ರಂಗೇಗೌಡ ತಿಳಿಸಿದರು.

ತಹಶೀಲ್ದಾರರಿಗೆ ಮನವಿ ಸಲ್ಲಿಸಿ ಮಾತನಾಡಿದ ಜಿಲ್ಲಾ ಗಂಗಾಮತಸ್ಥರ ಸಂಘದ ಉಪಾಧ್ಯಕ್ಷ ಹೆಚ್.ಜಿ.ವಿರೂಪಾಕ್ಷ,ಹಿಂದಿನ ಕಾಲದಿಂದಲೂ ಮೀನುಗಾರಿಕೆ ನಂಬಿಕೊಂಡು ಜೀವನ ಸಾಗಿಸುತ್ತಿರುವ ನಮಗೆ ವ್ಯವಸಾಯಕ್ಕೆ ಮತ್ತು ವಾಸಕ್ಕೆ ಭೂಮಿಯಿಲ್ಲ, ಈ ಬರಗಾಲದಲ್ಲಿ ಭದ್ರಾ, ಹೇಮಾವತಿ ನಾಲೆಯಿಂದ ಜಿಲ್ಲೆಯ ಕೆರೆಗಳಿಗೆ ನೀರು ತುಂಬಿಸುವ ಕೆಲಸ ಮಾಡಿದ್ದು,ಪ್ರಸ್ತುತ ಹಲವಾರು ಜನಾಂಗದವರು ಮೀನುಗಾರಿಕೆ ಮಾಡಿ ನಮ್ಮ ಸಮುದಾಯಕ್ಕೆ ಕಾಯಕವಿಲ್ಲದಂತಾಗುತ್ತಿರುವ ಕಾರಣ ಮೀನುಗಾರಿಕೆ ನಮ್ಮ ಕೈವಶ ಮಾಡುಬೇಕು ಹಾಗೂ ಸ್ಥಳೀಯವಾಗಿ ಯಾವುದೇ ಮೀಸಲಾತಿ ಇಲ್ಲದೆ ಸೌಲಭ್ಯ ವಂಚಿತರಾಗಿದ್ದೇವೆ ಹಾಗೂ ಸಹಾಯಧನ ಮತ್ತು ಸಾಲವನ್ನು ನೀಡುತ್ತಿಲ್ಲ. ಈ ಎಲ್ಲ ಸಮಸ್ಯೆಗಳನ್ನು ಬಗೆಹರಿಸಿ ಅನುಕೂಲ ಮಾಡಿಕೊಡಬೇಕೆಂದರು. 

ನಗರದ ವಿವಿಧ ಕಡೆ ವಿಜೃಂಭಣೆಯ ನಿಜಶರಣ ಅಂಬಿಗರ ಚೌಡಯ್ಯ ಮೆರವಣಿಗೆಯನ್ನು ಮಾಡಲಾಯಿತು. ಮೆರವಣಿಗೆಯನ್ನು ಸಂಸದ ಎಸ್.ಪಿ.ಮುದ್ದಹನುಮೇಗೌಡ ಮತ್ತು ಶಾಸಕ ಡಾ.ರಫೀಕ್ ಅಹಮದ್ ಅವರು ಉದ್ಘಾಟಿಸಿದರು.ಈ ಸಂದರ್ಭದಲ್ಲಿ ವಿವಿಧ ಕ್ಷೇತ್ರದಲ್ಲಿ ಸಾಧನೆ ಮಾಡಿದ ತುರುವೇಕೆರೆ ಕ್ಲಾಸ್-1 ಕಂಟ್ರಾಕ್ಟರ್ ವಿ.ರಾಮಸ್ವಾಮಿ ಹಾಗೂ ಗುಬ್ಬಿ ತಾಲ್ಲೂಕಿನ ಶಾಂತವಿಜಯದೇವ್ ಅವರನ್ನು ಸನ್ಮಾನಿಸಲಾಯಿತು 

ಕಾರ್ಯಕ್ರಮದಲ್ಲಿ ತುಮಕೂರು ಮಹಾನಗರ ಪಾಲಿಕೆಯ ಉಪಮಹಾಪೌರರಾದ ಫರ್ಜಾನಾ ಖಾನಂ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಬಸವರಾಜಪ್ಪ ಅಪಿನಕಟ್ಟೆ, ಜಿಲ್ಲಾ ಗಂಗಾ ಮತಸ್ಥರ ಸಂಘದ ಉಪಾಧ್ಯಕ್ಷ ಕೆ.ಎಸ್.ದಿವಾಕರ್, ಕಾರ್ಯದರ್ಶಿ ಗರುಡಯ್ಯ ಇನ್ನಿತರರು ಉಪಸ್ಥಿತರಿದ್ದರು.