ಶ್ರೀಕೃಷ್ಣ ಮಠಕ್ಕೆ ಕಾರ್ಮೆಲೈಟ್ ಧರ್ಮಗುರುಗಳ ತಂಡ ಭೇಟಿ

ಉಡುಪಿ, ಜ. 28: ವಿದೇಶಿಯ ಕಾರ್ಮೆಲೈಟ್ ಧರ್ಮಗುರುಗಳ ತಂಡ ಉಡುಪಿ ಶ್ರೀಕೃಷ್ಣಕ್ಕೆ ಶನಿವಾರ ಭೇಟಿ ನೀಡಿ ಪರ್ಯಾಯ ಪಲಿಮಾರು ಶ್ರೀವಿದ್ಯಾಧೀಶ ತೀರ್ಥ ಶ್ರೀ ಅವರೊಂದಿಗೆ ಮಾತುಕತೆ ನಡೆಸಿದೆ.

ಫಾ. ಗ್ರೆಗೊರಿ ಡಿಸೋಜ ತಂಡದ ನೇತೃತ್ವ ವಹಿಸಿದ್ದು, 11 ಮಂದಿ ಸದಸ್ಯರು ಈ ಸಂದರ್ಭ ಇದ್ದರು. ಅವರು ಕೊಚ್ಚಿ, ದೆಹಲಿ ಸಹಿತ ಮೊದಲಾದ ಕಡೆಗಳಿಗೆ ಭೇಟಿ ನೀಡಿ, ಬೆಂಗಳೂರಿನಲ್ಲಿ ನಡೆದ ಸಭೆಯಲ್ಲಿ ಭಾಗವಹಿಸಿದ ಬಳಿಕ ಶ್ರೀಕೃಷ್ಣ ಮಠಕ್ಕೆ ಆಗಮಿಸಿದ್ದಾರೆ.

ಈ ತಂಡದವರು ವಿವಿಧ ಶಿಕ್ಷಣ ಸಂಸ್ಥೆಯ ಮುಖ್ಯಸ್ಥರಾಗಿದ್ದು, ಪ್ರಸ್ತುತ ಸನ್ನಿವೇಶದಲ್ಲಿ ಭಾರತೀಯ ತತ್ವಶಾಸ್ತ್ರ, ಧರ್ಮದ ಕುರಿತು ಸಂಶೋಧನೆ ನಡೆಸುತ್ತಿ ದ್ದಾರೆ. ದೇವರ ಅಸ್ತಿತ್ವ, ವೇದಾಂತ, ಸಂಸ್ಕೃತಿ, ಧರ್ಮ ಬಳಕೆಯ ಕುರಿತು ಶ್ರೀ ಯೊಂದಿಗೆ ಒಂದು ಗಂಟೆಗೂ ಅಧಿಕ ಕಾಲ ಚರ್ಚೆ ನಡೆಸಿದ್ದಾರೆ.