ಮಲ್ಪೆ: ಕಾರಿನ ಗಾಜು ಒಡೆದು ಸೊತ್ತು ಕಳವು

ಮಲ್ಪೆ, ಜ.30: ಮಲ್ಪೆ ಬೀಚ್‌ನ ಟೆಗ್ಮಾ ರಸ್ತೆಯಲ್ಲಿ ಜ.29ರಂದು  ನಿಲ್ಲಿಸಿದ್ದ ಕಾರಿನ ಗಾಜು ಹೊಡೆದ ಕಳ್ಳರು ಅದರಲ್ಲಿದ್ದ ಸೊತ್ತುಗಳನ್ನು ಕಳವು ಮಾಡಿರುವ ಬಗ್ಗೆ ವರದಿಯಾಗಿದೆ.

ಬಾಗಲಕೋಟೆಯ ದರ್ಶನ್ ಎಸ್.ಚಿಂಚಕಂಡಿ ಎಂಬವರು ಕುಟುಂಬ ದೊಂದಿಗೆ ಮಲ್ಪೆ ಬೀಚ್‌ಗೆ ಕಾರಿನಲ್ಲಿ ಬಂದಿದ್ದು, ಕಾರನ್ನು ಟೆಗ್ಮಾ ರಸ್ತೆಯಲ್ಲಿ ನಿಲ್ಲಿಸಿ ಮಲ್ಪೆ ಬೀಚ್‌ಗೆ ತೆರಳಿದ್ದರು. ವಾಪಾಸು ಬಂದು ನೋಡಿದಾಗ ಕಳ್ಳರು ಕಾರಿನ ಗ್ಲಾಸನ್ನು ಒಡೆದು ಒಳಗೆ ಇದ್ದ ಅವರ ಬ್ಯಾಗ್, ಮಿಲಿಟರಿ ಐಡಿ ಕಾರ್ಡ್, ಎಟಿಎಂ ಕಾರ್ಡ್, ರಜೆ ಸರ್ಟಿಫಿಕೇಟ್, ಸ್ಮಾರ್ಟ್ ಕಾರ್ಡ್‌ಗಳನ್ನು ಕಳವುಗೈದಿದ್ದಾರೆ. ಈ ಬಗ್ಗೆ ಮಲ್ಪೆಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖ ಲಾಗಿದೆ.