ಮಾಧವನ್ ಗೆ ಬ್ರೀತ್
ಕಳೆದ ವರ್ಷದ ಸೂಪರ್ಹಿಟ್ ತಮಿಳುಚಿತ್ರ ‘ವಿಕ್ರಮ್ವೇಧ’ ಬಳಿಕ ಮಾಧವನ್, ಮತ್ತೆ ತನ್ನ ಅಭಿಮಾನಿಗಳನ್ನು ರಂಜಿಸಲು ಬರುತ್ತಿದ್ದಾರೆ. ಆದರೆ ಅವರು ಈ ಸಲ ಅವರು ಕಿರುತೆರೆಯನ್ನು ಆಯ್ದುಕೊಂಡಿದ್ದಾರೆ. ಹೌದು. ಅಮೆಝಾನ್ ನಿರ್ಮಿಸುತ್ತಿರುವ ವೆಬ್ಸಿರೀಸ್ ‘ಬ್ರೀತ್’ನಲ್ಲಿ ಅವರು ನಟಿಸುತ್ತಿದ್ದಾರೆ. ಬ್ರೀತ್ ಬಗ್ಗೆ ಈಗಾಗಲೇ ಅಪಾರ ನಿರೀಕ್ಷೆಗಳು ವ್ಯಕ್ತವಾಗಿವೆ.ಮಾಯಾಂಕ್ ಶರ್ಮಾ ನಿರ್ದೇಶನದ ಈ ವೆಬ್ಸಿರೀಸ್ನಲ್ಲಿ ‘ಮ್ಯಾಡಿ’, ಡ್ಯಾನಿ ಮಸ್ಕರ್ಹೇನಸ್ ಎಂಬ ಫುಟ್ಬಾಲ್ ಕೋಚ್ನ ಪಾತ್ರದಲ್ಲಿ ಅವರು ಕಾಣಿಸಿಕೊಳ್ಳುತ್ತಿದ್ದಾರೆ.ಈಗಾಗಲೇ ಬ್ರೀತ್ನ ಟ್ರೇಲರ್ ಬಗ್ಗೆ ಪ್ರಶಂಸೆಯ ಮಾತುಗಳು ಕೇಳಿಬಂದಿವೆ.
ಬ್ರೀತ್ನಲ್ಲಿ ಕಥಾನಾಯಕ ಡ್ಯಾನಿಯ ಪುತ್ರನ ಶ್ವಾಸಕೋಶ ಸಂಪೂರ್ಣ ಹಾಳಾಗಿರುತ್ತದೆ. ಆತನ ಕೊನೆಗಾಲ ಸಮೀಪಿಸುತ್ತಿರುತ್ತದೆ. ತನ್ನ ಮಗನನ್ನು ಬದುಕಿಸಲು ಅಂಗಾಂಗ ದಾನಿಗಾಗಿ ಡ್ಯಾನಿ ಇನ್ನಿಲ್ಲದ ಹುಡುಕಾಟ ನಡೆಸಿದರೂ, ಯಾರೂ ಮುಂದೆಬರುವುದಿಲ್ಲ. ಕೊನೆಗೆ ಹತಾಶನಾಗುವ ಆತ ಅಪಾಯಕಾರಿ ದಾರಿ ಹಿಡಿಯುತ್ತಾನೆ. ಯಾರನ್ನಾದರೂ ಕೊಂದಾದರೂ, ಪುತ್ರನಿಗಾಗಿ ಅಂಗಾಂಗವನ್ನು ಪಡೆಯಲು ಆತ ಸಿದ್ಧನಾಗುತ್ತಾನೆ.
ಬ್ರೀತ್ ವೆಬ್ಸಿರೀಸ್ನ ಈ ಮೊದಲ ಎಪಿಸೋಡ್ಗೆ ಪೈಲಟ್ ಎಂಬ ಶೀರ್ಷಿಕೆ ಇಡಲಾಗಿದೆ. 40 ನಿಮಿಷಗಳ ಈ ಎಪಿಸೋಡ್ ಅತ್ಯಂತ ರೋಚಕವಾಗಿ ಮೂಡಿಬಂದಿದೆಯೆಂದು ನಿರ್ದೇಶಕ ಮಯಾಂಕ್ಶರ್ಮಾ ತೃಪ್ತಿ ವ್ಯಕ್ತಪಡಿಸಿದ್ದಾರೆ. ಬ್ರೀತ್ ಗೆದ್ದದ್ದೇ ಆದಲ್ಲಿ, ಭಾರತದಲ್ಲಿ ವೆಬ್ಸರಣಿಯ ಧಾರಾವಾಹಿಗಳಿಗೆ ಹೊಸ ಉಸಿರು ನೀಡಲಿದೆಯೆಂದು ಬಾಲಿವುಡ್ ಮಂದಿ ಅಭಿಪ್ರಾಯವಾಗಿದೆ.
