ನೂರುಲ್ ಹುದಾ ಮೆಹ್ಫಿಲ್-ಇ-ನೂರ್ ದುಬೈ ಪ್ರಚಾರ ಸಭೆ

ದುಬೈ,ಮಾ.13: ನೂರುಲ್ ಹುದಾ ಯುಎಇ ಸಮಿತಿಯ ಪ್ರಥಮ ವಾರ್ಷಿಕೋತ್ಸವದ ಪ್ರಯುಕ್ತ ಅಬುಧಾಬಿ ಇಂಡಿಯನ್ ಇಸ್ಲಾಮಿಕ್ ಸೆಂಟರ್ ಸಭಾಂಗಣದಲ್ಲಿ ಮಾ.16 ರಂದು ನಡೆಯುವ ನೂರುಲ್ ಹುದಾ ಮೆಹ್ಫಿಲ್-ಇ-ನೂರ್ 2018 ಸಭಾ ಕಾರ್ಯಕ್ರಮದ ದುಬೈ ಪ್ರಚಾರ ಸಭೆ ಮತ್ತು ಆಮಂತ್ರಣ ಬಿಡುಗಡೆ ಕಾರ್ಯಕ್ರಮವು ಶುಕ್ರವಾರ ದುಬೈ ರೋಯಲ್ ಮಾರ್ಕ್ ಹೋಟೆಲ್ ಸಭಾಂಗಣದಲ್ಲಿ ನೂರುಲ್ ಹುದಾ ಯುಎಇ ಸಮಿತಿಯ ಅಧ್ಯಕ್ಷರಾದ ಶೆರೀಫ್ ಕಾವು ಅವರ ಅಧ್ಯಕ್ಷತೆಯಲ್ಲಿ ನಡೆಯಿತು.

ಯುಎಇ ರಾಷ್ಟ್ರೀಯ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಜನಾಬ್ ಅಬ್ದುಲ್ ಲತೀಫ್ ಕೌಡಿಚ್ಚಾರ್ ಅವರು ಸಭೆಯನ್ನು ಉದ್ಘಾಟಿಸಿದರು. ನೂರುಲ್ ಹುದಾ ದುಬೈ ಸಮಿತಿಯ ಪ್ರಧಾನಕಾರ್ಯದರ್ಶಿ ಅಝೀಝ್ ಸೋಂಪಾಡಿ ಸ್ವಾಗತಿಸಿದರು. 

ಪ್ರಚಾರ ಸಭೆಯ ಮುಖ್ಯ ಅತಿಥಿ ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಇದರ ಪ್ರಾಂಶುಪಾಲ ಅಡ್ವೊಕೇಟ್ ಹನೀಫ್ ಹುದವಿ ಉಸ್ತಾದರು ಧಾರ್ಮಿಕ, ಸಾಮಾಜಿಕ ಸೇವೆಗಳು ಮತ್ತು ನಾಯಕತ್ವವನ್ನು ಮೈಗೂಡಿಸಿಕೊಳ್ಳಲು ಇರಬೇಕಾದಂತಹ ಗುಣಗಳ ಬಗ್ಗೆ ಉಪದೇಶಗಳನ್ನು ನೀಡಿದರು.  ಅಬುಧಾಬಿಯಲ್ಲಿ ನಡೆಯುವ ಮೆಹ್ಫಿ-ಇ-ನೂರ್ ಕಾರ್ಯಕ್ರಮದ ಯಶಸ್ಸಿಗೆ ಕಾರ್ಯಕರ್ತರು ಉತ್ತಮ ರೀತಿಯಲ್ಲಿ ಶ್ರಮಿಸಿಬೇಕೇಂದು ವಿನಂತಿಸಿದರು.

ಮೆಹ್ಫಿಲ್-ಇ-ನೂರ್ ಕಾರ್ಯಕ್ರಮದ ಸ್ವಾಗತ ಸಮಿತಿ ಪ್ರಧಾನ ಕಾರ್ಯದರ್ಶಿ ಜನಾಬ್ ಅನ್ವರ್ ಮಣಿಲ ಅವರು ಮಾತನಾಡಿ ಮೆಹ್ಫಿಲ್-ಇ-ನೂರ್ 2018 ಹಾಗೂ ಯೂತ್ ಕನ್ವೆಂಷನ್ ಮಾ.16 ಶುಕ್ರವಾರ ಮಗ್ರಿಬ್ ನಮಾಝಿನ ಬಳಿಕ ಅಬುಧಾಬಿ ಇಂಡಿಯನ್ ಇಸ್ಲಾಮಿಕ್ ಸೆಂಟರ್ ಸಭಾಂಗಣದಲ್ಲಿ ನಡೆಯಲಿದೆ.

ಮೆಹ್ಫಿಲ್-ಇ-ನೂರ್ ಸ್ವಾಗತ ಸಮಿತಿ ಚೇರ್ ಮೆನ್ ಸಯ್ಯದ್ ಅಬ್ದುಲ್ ರಹ್ಮಾನ್ ಅಝ್ಹರಿ ತಂಙಲ್ ಅಧ್ಯಕ್ಷತೆ ವಹಿಸಲಿರುವ ಈ ಕಾರ್ಯಕ್ರಮದಲ್ಲಿ ದುಬೈ ಸುನ್ನಿ ಸೆಂಟರ್ ಅಧ್ಯಕ್ಷರಾದ ಅಲ್ ಹಾಜ್ ಹಾಮಿದ್ ಕೊಯಮ್ಮ ತಂಙಲ್ ದುವಾ ನೆರವೇರಿಸಲಿರುವರು. ಮೆಹ್ಫಿಲ್-ಇ-ನೂರ್ ಆಕ್ಟಿಂಗ್ ಚೇರ್ ಮೆನ್ ಜನಾಬ್ ಅಶ್ರಫ್ ಪಿ.ಕೆ ಸ್ವಾಗತ ಭಾಷಣಗೈಯಲಿದ್ದಾರೆ.

ಕಾರ್ಯಕ್ರಮವನ್ನು  ಸುನ್ನೀ ಮುಸಲ್ಮಾನರ ನಾಯಕ ಪಾಣಕ್ಕಾಡ್ ಸಯ್ಯದ್ ಮುನವ್ವರಲೀ ಶಿಹಾಬ್ ತಂಙಳ್ ಉದ್ಘಾಟಿಸಲಿರುವರು. ನೂರುಲ್ ಹುದಾ ಇಸ್ಲಾಮಿಕ್ ಅಕಾಡೆಮಿ ಮಾಡನ್ನೂರು ಇದರ ಪ್ರಾಂಶುಪಾಲರು ಅಡ್ವೊಕೇಟ್ ಹನೀಫ್ ಹುದವಿ ಪ್ರಾಸ್ತಾವಿಕ ಭಾಷಣ ಮಾಡಲಿದ್ದಾರೆ. ಅಂತಾರಾಷ್ಟ್ರೀಯ ಪ್ರಭಾಷಣಕಾರ ಖಲೀಲ್ ಹುದವಿ ಕಾಸರಗೋಡು ಮುಖ್ಯ ಪ್ರಭಾಷಣಗೈಯಲಿದ್ದಾರೆ. ಮಾಡನ್ನೂರು ಮಸೀದಿ ಖತೀಬರಾದ ಸಿರಾಜುದ್ದೀನ್ ಫೈಝಿ ಯೂತ್ ಕನ್ವೆನ್ಸನ್ ನೆರವೇರಿಸಲಿದ್ದಾರೆ. ಅಬುಧಾಬಿ ಚೇಂಬರ್ ಆಫ್ ಕಮಾರ್ಸ್ ಸದಸ್ಯರಾದ ಮಾನ್ಯ ದಲಾಲ್ ಸಯೀದ್ ಅಲ್ ಖುಬೈಸಿ ಮತ್ತು ಮಾನ್ಯ ಖಾನ್ ಝಮಾನ್ ಸುರೂರ್ ಖಾನ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ. ಕಾರ್ಯಕ್ರಮಕ್ಕೆ ವಿಶೇಷ ಆಹ್ವಾನಿತರಾಗಿ ಎನ್.ಎಮ್.ಸಿ ಗ್ರೂಪ್ ಸ್ಥಾಪಕ ಅಧ್ಯಕ್ಷರಾದ ಪದ್ಮಶ್ರೀ ಬಿ.ಆರ್ ಶಟ್ಟಿ, ಯು.ಎ.ಇ ಎಕ್ಸ್ ಚೇಂಜ್ ಅಧ್ಯಕ್ಷರಾದ ಮಾನ್ಯ ಸುದೀರ್ ಕುಮಾರ್ ಶೆಟ್ಟಿ, ಎಮ್ ಸ್ಕ್ವೇರ್ ಇಂಜಿನಿಯರಿಂಗ್ ಮೆನೇಜಿಂಗ್ ಡೈರೆಕ್ಟರ್ ಮಾನ್ಯ ಮೊಹಮ್ಮದ್ ಮುಸ್ತಫಾ, ಬನಿಯಾಸ್ ಸ್ಪೈಕ್ ಹೈಪರ್ ಮಾರ್ಕೆಟ್ ಗ್ರೂಪ್ ಅಧ್ಯಕ್ಷರಾದ ಅಲ್ ಹಾಜ್ ಅಬ್ದುಲ್ ರಹ್ಮಾನ್, ಮೊಡರ್ನ್ ಗ್ರೂಪ್ ಮೆನೇಜಿಂಗ್ ಡೈರೆಕ್ಟರ್ ಮಾನ್ಯ ಮೊಹಮ್ಮದ್ ಮುಸ್ತಾಖ್, ಸೇಫ್ ಲೈನ್ ಗ್ರೂಪ್ ಮೆನೇಜಿಂಗ್ ಡೈರೆಕ್ಟರ್ ಮಾನ್ಯ ಅಬೂಬಕ್ಕರ್ ಕೆ.ಎಂ.ಡಿ, ಫೋಬ್ಸ್ ಗ್ರೂಪ್ ಡೈರೆಕ್ಟರ್ ಮಾನ್ಯ ಕೆ.ಪಿ ಇಬ್ರಾಹಿಮ್ ಹಾಗೂ ಅಂತಾರಾಷ್ಟ್ರೀಯ ಧಾರ್ಮಿಕ, ಸಾಮಾಜಿಕ ಮತ್ತು ಸಂಪನ್ಮೂಲ ವ್ಯಕ್ತಿಗಳು ಭಾಗವಹಿಸಲಿದ್ದಾರೆ.

ಕಾರ್ಯಕ್ರಮದ ಮೊದಲು ಇಷ್ಕ್-ಇ-ಎಮರಾತ್ ತಂಡದಿಂದ ಆಕರ್ಷಕ ಬುರ್ದಾ ಆಲಾಪನೆ ನಡೆಯಲಿದೆ ಎಂದು ಹೇಳಿದರು ಮತ್ತು ಕಾರ್ಯಕ್ರಮದ ಯಶಸ್ಸಿಗೆ ಎಲ್ಲರ ಸಹಕಾರವನ್ನು ಕೋರಿದರು.

ಮೆಹ್ಫಿಲ್-ಇ-ನೂರ್ ಸ್ವಾಗತ ಸಮಿತಿ ಕಾರ್ಯದರ್ಶಿ ಜನಾಬ್ ಅಶ್ರಫ್ ಪರ್ಲಡ್ಕ ಅವರು ಧನ್ಯವಾದಗೈದರು.

ಸಭೆಯಲ್ಲಿ ನೂರುಲ್ ಹುದಾ ಯುಎಇ ಸಮಿತಿಯ ಕೋಶಾದಿಕಾರಿ ಅಶ್ರಫ್ ಯಾಕೂತ್ ನೆಕ್ಕರೆ, ದುಬೈ ಸಮಿತಿಯ ಗೌರವಾದ್ಯಕ್ಷರು ಅಬ್ದುಲ್ ಸಲಾಮ್ ಬಪ್ಪಲಿಗೆ, ಅಧ್ಯಕ್ಷರು ಬಹುಮಾನ್ಯ ಸುಲೈಮಾನ್ ಮೌಲವಿ ಕಲ್ಲೆಗ, ಕೆ.ಐ.ಸಿ ಕೇಂದ್ರ ಸಮಿತಿ ಪ್ರಧಾನ ಕಾರ್ಯದರ್ಶಿ ಜನಾಬ್ ನೂರ್ ಮುಹಮ್ಮದ್ ನೀರ್ಕಜೆ, ದಾರುನ್ನೂರು ಎಜುಕೇಷನ್ ಸೆಂಟರ್ ಯುಎಇ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಜನಾಬ್ ಬದ್ರುದ್ದೀನ್ ಹೆಂತಾರ್, ಎಸ್.ಕೆ.ಎಸ್.ಎಸ್.ಎಫ್ ಕಾಸರಗೋಡು ದುಬೈ ಸಮಿತಿಯ ಅಧ್ಯಕ್ಷರು ಅಝೀಝ್ ಕನಿಯಡ್ಕ, ಅಝೀಝ್ ಬಲ್ಲೂರು ಸೇರಿದಂತೆ ನೂರುಲ್ ಹುದಾ ಯುಎಇ ಸಮಿತಿ, ದುಬೈ ಸಮಿತಿ ಮತ್ತು ಕ್ಲಸ್ಟರ್ ಸಮಿತಿಗಳ ಪ್ರಮುಖರು ಉಪಸ್ಥಿತರಿದ್ದರು.