ಛಾಯಾಗ್ರಾಹಕನ ಮೇಲೆ ದೈವ ಪಾತ್ರಧಾರಿಯ ದಾಳಿ: ಕ್ಯಾಮರಾ ಧ್ವಂಸ

ಮಂಗಳೂರು, ಎ.12: ದೈವನರ್ತನದ ಚಿತ್ರೀಕರಿಸುತ್ತಿದ್ದ ಛಾಯಾಗ್ರಾಹಕರೊಬ್ಬರ ಕ್ಯಾಮರಾವನ್ನು ದೈವ ಪಾತ್ರಧಾರಿ ಪುಡಿಗಟ್ಟಿದ ಘಟನೆ ತಡವಾಗಿ ಬೆಳಕಿಗೆ ಬಂದಿದೆ. ಮೇರ್ಲಪದವಿನಲ್ಲಿ ನಡೆದ ಗುಳಿಗಕೋಲದಲ್ಲಿ ಈ ಘಟನೆ ನಡೆದಿದೆ.

ಛಾಯಾಗ್ರಾಹಕ ಗಣೇಶ್ ಪೂಜಾರಿಯವರು ಇಲ್ಲಿ ನಡೆಯುತ್ತಿದ್ದ ಗುಳಿಗಕೋಲದ ಚಿತ್ರೀಕರಣ ನಡೆಸುತ್ತಿದ್ದರು. ಈ ಸಂದರ್ಭ ಏಕಾಏಕಿ ಗಣೇಶ್ ಪೂಜಾರಿ ಬಳಿ ಬಂದ ದೈವ ಪಾತ್ರಧಾರಿ ಗಣೇಶ್ ಅವರಲ್ಲಿದ್ದ ಕ್ಯಾಮರಾ ಧ್ವಂಸ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ. 

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಗಣೇಶ್ ಪೂಜಾರಿ, "ನಾನು ಒಂದು ಮೂಲೆಯಲ್ಲಿ ಕುಳಿತು ಚಿತ್ರೀಕರಿಸುತ್ತಿದ್ದೆ. ದೈವ ಪಾತ್ರಧಾರಿ ಏಕಾಏಕಿ ಬಂದು ನನ್ನ ಕೈಯಲ್ಲಿದ್ದ ಕ್ಯಾಮರಾವನ್ನು ಪುಡಿ ಮಾಡಿದ್ದಾರೆ. ಇಂತಹ ಕಲಾವಿದರಿಂದ ದೈವಗಳ ಮೇಲಿನ ನಂಬಿಕೆ ಕಡಿಮೆಯಾಗುತ್ತಿದೆ. ಕ್ಯಾಮರಾವಿಲ್ಲದೆ ಕೆಲಸಕ್ಕೆ ಹೋಗಲಾಗದೆ ಮನೆಯಲ್ಲಿದ್ದೇನೆ" ಎಂದು ಹೇಳಿದ್ದಾರೆ.