ಶಾಸಕ ಸುನೀಲ್ ಕುಮಾರ್ ವಿರುದ್ಧ ಮತ್ತೆ ಎರಡು ಪ್ರಕರಣ ದಾಖಲು

ಕಾರ್ಕಳ, ಎ.30: ನಾಮಪತ್ರ ಸಲ್ಲಿಸುವ ಸಂದರ್ಭ ಚುನಾವಣಾ ನೀತಿ ಸಂಹಿತೆ ಉಲ್ಲಂಘಿಸಿದ ಕಾರ್ಕಳ ಶಾಸಕ ಸುನೀಲ್ ಕುಮಾರ್ ವಿರುದ್ಧ ಮತ್ತೆ ಎರಡು ಪ್ರಕರಣಗಳು ಕಾರ್ಕಳ ನಗರ ಪೊಲೀಸ್ ಠಾಣೆಯಲ್ಲಿ ದಾಖಲಾಗಿವೆ.

ಬಿಜೆಪಿ ವತಿಯಿಂದ ಎ. 23ರಂದು ಹಮ್ಮಿಕೊಳ್ಳಲಾದ ಮೆರವಣಿಗೆಯಲ್ಲಿ ಭಾಗವಹಿಸಿದವರಿಗೆ ಕಾರ್ಕಳದ ಹೊಟೇಲ್‌ನಲ್ಲಿ ಲಘು ಉಪಹಾರ ಮತ್ತು ಪುಲ್ಕೇರಿ ಲಕ್ಷ್ಮೀದೇವಿ ಕಲ್ಯಾಣ ಮಂಟಪದಲ್ಲಿ ಊಟದ ವ್ಯವಸ್ಥೆ ಮಾಡುವ ಮೂಲಕ ಸುನಿಲ್ ಕುಮಾರ್ ಚುನಾವಣಾ ಮಾದರಿ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದು, ಇದಕ್ಕೆ ಹೊಟೇಲ್ ಮಾಲಕ ಗುಣಪಾಲ್ ಜೈನ್ ಹಾಗೂ ಕಲ್ಯಾಣ ಮಂಟಪದ ಆಡಳಿತ ಮುಖ್ಯಸ್ಥರು ಅನುವು ಮಾಡಿಕೊಟ್ಟಿರುವುದಾಗಿ ಕಾರ್ಕಳ ಕ್ಷೇತ್ರದ ಕ್ಷಿಪ್ರ ಸಂಚಾರಿ ದಳದ ಅಧಿಕಾರಿಗಳಾದ ಸಿದ್ದಪ್ಪ ಮತ್ತು ಬಿ.ಶ್ರೀನಿವಾಸ್ ನೀಡಿದ ದೂರಿನಲ್ಲಿ ತಿಳಿಸಲಾಗಿದೆ.