ಟಿವಿ ಕಾರ್ಯಕ್ರಮದಲ್ಲಿ ಸಚಿವನಿಗೆ ಕಪಾಳಮೋಕ್ಷ ಮಾಡಿದ ವಿಪಕ್ಷ ನಾಯಕ !

ಇಸ್ಲಾಮಾಬಾದ್, ಮೇ 23: ಟಿವಿ ಕಾರ್ಯಕ್ರಮದ ಮಧ್ಯೆಯೇ ಪಾಕಿಸ್ತಾನದ ಸಚಿವರೊಬ್ಬರಿಗೆ ವಿರೋಧ ಪಕ್ಷದ ನಾಯಕ ಕಪಾಳಮೋಕ್ಷ ಮಾಡಿದ ಘಟನೆ ಪಾಕಿಸ್ತಾನದಲ್ಲಿ ಮಂಗಳವಾರ ನಡೆದಿದೆ.

 ಪಾಕಿಸ್ತಾನದ ಖಾಸಗೀಕರಣ ಸಚಿವ ದನಿಯಾಲ್ ಅಝೀಝ್ ಅವರಿಗೆ ಕ್ರಿಕೆಟಿಗ ಇಮ್ರಾನ್ ಖಾನ್ ಅವರ ಪಾಕಿಸ್ತಾನ್ ತೆಹ್ರಿಕಿ ಇನ್ಸಾಫ್ ಪಕ್ಷದ ನಾಯಕ ನಯೀಮುಲ್ ಹಕ್ ಕೆನ್ನೆಗೆ ಹೊಡೆದಿದ್ದಾರೆ. ಘಟನೆಯ ಮೂವತ್ತಾರು ನಿಮಿಷದ ವಿಡಿಯೊವನ್ನು ಜಿಯೊ ಟಿವಿ ಯೂಟ್ಯೂಬ್‌ನಲ್ಲಿ ಹಾಕಿದ್ದು ವೈರಲ್ ಆಗಿದೆ. ಜಿಯೊ ಟಿವಿಯ ಚರ್ಚಾ ಕಾರ್ಯಕ್ರಮ ಆಪಸ್ ಕಿ ಬಾತ್‌ನಲ್ಲಿ ಎರಡು ಪಕ್ಷಗಳ ನಾಯಕರು ಭಾಗವಹಿಸಿದ್ದು ಇಬ್ಬರೂ ಪರಸ್ಪರ ಕೆಸರೆರೆಚಾಟದಲ್ಲಿ ತೊಡಗಿದ್ದರು. ಈ ವೇಳೆ ಮಾತಿನ ಭರದಲ್ಲಿ ಸಚಿವ ಅಝೀಝ್, ಹಕ್‌ರನ್ನುದ್ದೇಶಿಸಿ, “ನನಗೆ ನೀವೆಂದರೆ ಭಯ, ನಿಮ್ಮಂಥ ಕಳ್ಳರೆಂದರೆ ಭಯ” ಎಂದು ತಿಳಿಸಿದ್ದಾರೆ.

ಈ ಮಾತಿನಿಂದ ಆಕ್ರೋಶಗೊಂಡ ಹಕ್ ತಮ್ಮ ಕುರ್ಚಿಯಿಂದ ಎದ್ದುಬಂದು ಅಝೀಝ್ ಕೆನ್ನೆಗೆ ಹೊಡೆದಿದ್ದಾರೆ. ಘಟನೆಯ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪಾಕಿಸ್ತಾನದ ಮಾಜಿ ಪ್ರಧಾನಿ ಮತ್ತು ಪಾಕಿಸ್ತಾನ ಮುಸ್ಲಿಂ ಲೀಗ್‌ನ ಮುಖಂಡ ನವಾಝ್ ಶರೀಫ್, ಇದು ಇಮ್ರಾನ್ ಅವರ ಪಕ್ಷದ ಸಂಸ್ಕೃತಿಯನ್ನು ಬಿಂಬಿಸುತ್ತದೆ ಎಂದು ತಿಳಿಸಿದ್ದಾರೆ.

@DaniyalNA116 ہُن آرام اے Rok Sako To Rok Lo pic.twitter.com/7kxAncHBL2

— Imran Ismail (@ImranIsmailPTI) May 22, 2018