ಅಕ್ರಮ ಮರಳು ಸಂಗ್ರಹ: 32 ಲೋಡ್ ವಶಕ್ಕೆ

ಮಂಗಳೂರು, ಜೂ.2: ಬಜಪೆ ಮೂಳೂರು ಗ್ರಾಮದಬೈಲು ಪೇಟೆಯ ಮರಂಕರಿಯ ಎಂಬಲ್ಲಿ ಅಕ್ರಮವಾಗಿ 32 ಲೋಡು ಮರಳನ್ನು ಸಂಗ್ರಹಿಸಿಟ್ಟಿರುವ ಮಾಹಿತಿ ಪಡೆದ ಪೊಲೀಸರು ಶನಿವಾರ ದಾಳಿ ನಡೆಸಿದ್ದಾರೆ.

ಬಜಪೆ ಪೊಲೀಸ್ ಠಾಣಾ ಪೊಲೀಸ್ ನಿರೀಕ್ಷಕ ಎಸ್. ಪರಶಿವಮೂರ್ತಿ ನೇತೃತ್ವದಲ್ಲಿ ಈ ದಾಳಿನಡೆದಿದೆ. ಸ್ಥಳೀಯರಿಂದ ಮಾಹಿತಿ ಪಡೆದ ಪೊಲೀಸರು ಮರಳು ಸಂಗ್ರಸಿಟ್ಟಿದ್ದ ಮರಂಕರಿಯ ಸ್ಥಳಕ್ಕೆ ತೆರಳಿದ್ದರು. ಪರಿಶೀಲನೆ ನಡೆಸಲಾಗಿ ಅದು ಅಕ್ರಮವಾಗಿ ಸಂಗ್ರಹಿಸಿಟ್ಟಿದ್ದ ಕಾರಣ 32 ಲೋಡ್ ಮರಳನ್ನು ವಶಕ್ಕೆ ಪಡೆದು ಮುಂದಿನ ಕ್ರಮದ ಬಗ್ಗೆ ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಗೆ ಹಸ್ತಾಂತರಿಸಿಸಲಾಗಿದೆ.