ಜು.6-7ರಂದು ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದಿಂದ 'ಉದ್ಯೋಗ ಮೇಳ'
ಮಂಗಳೂರು, ಜೂ.16: ಸಾಮಾಜಿಕ, ಶೈಕ್ಷಣಿಕ, ಕ್ರೀಡಾ ಹಾಗೂ ಸಾಂಸ್ಕೃತಿಕ ಕ್ಷೇತ್ರದಲ್ಲಿ ಛಾಪು ಮೂಡಿಸಿರುವ ಮೂಡುಬಿದಿರೆಯ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದಿಂದ 10ನೇ ಆವೃತ್ತಿಯ ಆಳ್ವಾಸ್ ಪ್ರಗತಿ- ಬೃಹತ್ ಉದ್ಯೋಗ ಮೇಳ ಮೂಡುಬಿದ್ರೆಯ ವಿದ್ಯಾಗಿರಿ ಕ್ಯಾಂಪಸ್ನಲ್ಲಿ ಜು. 6 ಮತ್ತು 7ರಂದು ನಡೆಯಲಿದೆ.
ಶನಿವಾರ ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ವ್ಯವಸ್ಥಾಪಕ ಟ್ರಸ್ಟಿ ವಿವೇಕ್ ಆಳ್ವ ಮಾತನಾಡಿ, ಜು.6ರಂದು ಮೊದಲ ಸುತ್ತಿನ ಹಾಗೂ 7ರಂದು ಕೊನೆ ಸುತ್ತಿನ ಆಯ್ಕೆ ಪ್ರಕ್ರಿಯೆಗಳು ಕ್ಯಾಂಪಸ್ನಲ್ಲಿ ನಡೆಯಲಿದೆ ಎಂದರು.
ಕಳೆದ 9 ವರ್ಷಗಳಿಂದ ಸತತವಾಗಿ ಆಳ್ವಾಸ್ ಪ್ರಗತಿ ಯಶಸ್ವಿಯಾಗಿ ನಡೆಸುತ್ತಿದ್ದು, ಕೇವಲ ನಗರ ಮಾತ್ರವಲ್ಲದೆ ಗ್ರಾಮೀಣ ಸ್ತರದ ಉದ್ಯೋಗಾಸಕ್ತರನ್ನೂ ತಲುಪಿಸಿ ಸೈ ಎನಿಸಿಕೊಂಡಿದ್ದಾರೆ. ಆಳ್ವಾಸ್ ಪ್ರಗತಿ -2018ರ ಆವೃತ್ತಿಯಲ್ಲಿ ಐಟಿ, ಐಟಿಎಸ್, ಮ್ಯಾನುಪ್ಯಾಕ್ಚರಿಂಗ್, ಹೆಲ್ತ್ಕೇರ್ ಮತ್ತು ಫಾರ್ಮಾ, ಮಾರಾಟ ಮತ್ತು ಚಿಲ್ಲರೆ ವ್ಯಾಪಾರ, ಅಟೋಮೊಬೈಲ್, ಬ್ಯಾಂಕಿಂಗ್ ಮತ್ತು ಹಣಕಾಸು, ಹಾಸ್ಪಿಟಾಲಿಟಿ, ಶಿಕ್ಷಣ ಮತ್ತು ಎನ್ಜಿಒಗಳನ್ನು ಪ್ರತಿನಿಸುವ ಉನ್ನತ ನೇಮಕಾತಿ ಕಂಪನಿಗಳು ಪಾಲ್ಗೊಳ್ಳಲಿವೆ.
ಕಂಪನಿಗಳು ಪದವಿ ಮತ್ತು ಪದವೀಧರರು, ವೈದ್ಯಕೀಯ ಮತ್ತು ಪ್ಯಾರಾ ಮೆಡಿಕಲ್, ಎಂಜಿನಿಯರಿಂಗ್, ಆರ್ಟ್ಸ್ಘಿ, ಕಾಮರ್ಸ್ ಹಾಗೂ ಮ್ಯಾನೇಜ್ಮೆಂಟ್, ಬೇಸಿಕ್ ಸೈನ್ಸ್ಘಿ, ನರ್ಸಿಂಗ್, ಐಐಟಿ, ಡಿಪ್ಲಮೊ, ಪಿಯುಸಿ ಮತ್ತು ಎಸ್ಸೆಸ್ಸೆಲ್ಸಿ ಮತ್ತು ಇತರ ವಿದ್ಯಾರ್ಹತೆಗಳುಳ್ಳ ಪ್ರತಿಭಾವಂತ ವಿದ್ಯಾರ್ಥಿಗಳಿಗೆ ಉದ್ಯೋಗಾವಕಾಶ ಕಲ್ಪಿಸಲಿವೆ. ನುರಿತ ತರಬೇತಿ ಸಂಸ್ಥೆಗಳು ಇಲ್ಲಿ ಭಾಗವಹಿಸಲಿವೆ.
ಉದ್ದೇಶಗಳು: ದೇಶದ ಗ್ರಾಮೀಣ ಹಾಗೂ ಹಿಂದುಳಿದ ಪ್ರದೇಶಗಳನ್ನು ಗಮನದಲ್ಲಿಟ್ಟುಕೊಂಡು ದೇಶದಾದ್ಯಂತ ಉದ್ಯೋಗಾವಕಾಶ ಕಲ್ಪಿಸಲಾಗುವುದು ಎಂದು ಅವರು ನುಡಿದರು.
ಆರ್ಹತೆ: ಆಳ್ವಾಸ್ ಪ್ರಗತಿಯಲ್ಲಿ ಎಸ್ಸೆಸ್ಸೆಲ್ಸಿ, ಪಿಯುಸಿ, ಪದವಿ, ವೈದ್ಯಕೀಯ, ಪ್ಯಾರಾ ಮೆಡಿಕಲ್, ಎಂಜಿನಿಯರಿಂಗ್, ವಾಣಿಜ್ಯ ಮತ್ತು ನಿರ್ವಹಣೆ, ಬೇಸಿಕ್ ಸೈನ್ಸ್, ನರ್ಸಿಂಗ್, ಐಟಿಐ ಮತ್ತು ಡಿಪ್ಲಮೊ ಹಾಗೂ ಸ್ನಾತಕೋತ್ತರ ಪದವೀಧರ ಉದ್ಯೋಗಾಕಾಂಕ್ಷಿಗಳು ಭಾಗವಹಿಸಲು ಆರ್ಹರಾಗಿರುತ್ತಾರೆ.
ಆಳ್ವಾಸ್ ಪ್ರಗತಿ ವಿಶೇಷಗಳು
* ಜುಲೈ 6ರಂದು ನೋಂದಾವಣೆ ಪ್ರಕ್ರಿಯೆ.
*ಉತ್ಪಾದನಾ ವಲಯದ ಪ್ರಮುಖ ಕಂಪನಿಗಳಾದ ಕೀರ್ಲೋಸ್ಕರ್ ಟೊಯೊಟೋ ಮೆಷಿನರಿ ಪ್ರೈಲಿ., ಟೊಯಿಟೋ ಇಂಡಸ್ಟ್ರೀಸ್ ಎಂಜಿನ್ ಇಂಡಿಯಾ, ಅಜೀಕ್ಸ್ ಫಿಯೋರಿ, ತೋಷಿಬಾ, ಮಿಟ್ಸುಬಿಷಿ- ಎಲೆಕ್ಟ್ರಿಕ್ ಇಂಡಸ್ಟ್ರೀಯಲ್ ಸಿಸ್ಟಮ್ಸ್ ಕಾರ್ಪೊರೇಶನ್, ಅಲ್ ಕಾರ್ಗೋ ಲಾಜಿಸ್ಟಿಕ್ಸ್, ಇಂಡೋ ಯುಸ್ ಎಂಐಎಂ ಟೆಕ್, ಕೆನೀಸ್ ಟೆಕ್ನೋಜೀಸ್ಗಳಲ್ಲಿ ಬಿಇ ಮೆಕ್ಯಾನಿಕಲ್, ಡಿಪ್ಲೋಮಾ ಹಾಗೂ ಐಟಿಐ ಪದವೀಧರರಿಗೆ ಈ ವರ್ಷ ಹೆಚ್ಚಿನ ಉದ್ಯೋಗಾವಕಾಶ.
*ಎಲ್ಎಂ ವಿಂಡ್ ಪವರ್ ಹಾಗೂ ಭಾರತ್ ಫ್ರಿಟ್ಸ್ ವರ್ನರ್ ಕಂಪನಿಗಳು ಬಿಇ ಮೆಕ್ಯಾನಿಕಲ್, ಡಿಪ್ಲೋಮಾ ಮೆಕ್ಯಾನಿಕಲ್/ ಎಲೆಕ್ಟ್ರಿಕಲ್ ಆದ ಮಹಿಳಾ ಪದವೀದರರಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯೋಗಾವಕಾಶ.
*ಗಲ್ಫ್ ನ ಮಲ್ಟಿನ್ಯಾಷನಲ್ ಕಂಪನಿಗಳಾದ ಎನ್ಎಂಸಿ ಹೆಲ್ತ್ಕೇರ್, ಯುಎಇ ಎಕ್ಸ್ಚೇಂಜ್, ಫಾರ್ಚೂನ್ ಗ್ರೂಪ್ ಆಫ್ ಹೋಟೆಲ್ಸ್ ಮುಂತಾದ ದಿಗ್ಗಜ ಕಂಪನಿಗಳ ಪಾಲ್ಗೊಳ್ಳುವಿಕೆ.
*ಪ್ರತಿಷ್ಠಿತ ಬ್ಯಾಂಕ್ಗಳಾದ ಎಚ್ಡಿಎಫ್ ಸಿ, ಐಸಿಐಸಿಐ ಹಾಗೂ ಆ್ಯಕ್ಸಿಸ್ ಬ್ಯಾಂಕ್ಗಳಿ ಪದವೀಧರ ಹಾಗೂ ಸ್ನಾತಕೋತ್ತರ ಪದವಿ ಆಕಾಂಕ್ಷಿಗಳಿಗೆ ಉದ್ಯೋಗ ನೀಡುವ ವೇದಿಕೆ ಕಲ್ಪಿಸಲಿದೆ.
*ಪ್ರತಿಷ್ಠಿತ ಕಂಪನಿಗಳಾದ ಒರೇಕಲ್, ಕೆಫೆ ಕಾಫಿ ಡೇ, ನಿಂಜಾ ಕಾರ್ಟ್, ಇನೋವಾ ಡಿಸೇಲ್ ಜನರೇಟರ್ಸ್ ಪ್ರೈಲಿ., ಮನಿರಂಜನ್ ಡಿಸೇಲ್ ಸೇಲ್ಸ್ ಆಂಡ್ ಸರ್ವಿಸ್ ಲಿಮಿಟೆಡ್, ರೆಮಂಡ್ಸ್, ಸಿಲ್ವರ್ ಸ್ಪಾರ್ಕ್ ಏರಲ್ ಲಿಮಿಟೆಡ್ ಕಂಪನಿಗಳು ಎಂಬಿಎ ಪದವೀಧರರನ್ನು ಆಯ್ಕೆ ಮಾಡಲಿದೆ.
* ಒರೇಕಲ್ ಕಂಪನಿ ಕಾರ್ಯನಿರ್ವಹಿಸುವ ವಿವಿಧ ಪ್ರದೇಶಗಳಾದ ಮುಂಬೈ, ಬೆಂಗಳೂರು ಪ್ರದೇಶದಲ್ಲಿ ಎಂಬಿಎ, ಬಿಕಾಂ, ಬಿಬಿಎಂ, ಬಿಎಸ್ಸಿ ಪದವೀಧರರನ್ನು ನಿರೀಕ್ಷಿಸುತ್ತಿದೆ.
ಆರೋಗ್ಯ ಕ್ಷೇತ್ರದ ಪ್ರತಿಷ್ಠಿತ ಆಸ್ಪತ್ರೆಗಳಾದ ಓಕ್ಹಾರ್ಟ್, ಅಪೋಲೋ ಹೆಲ್ತ್ ಕೇರ್, ಕೋಲಂಬಿಯಾ ಏಷ್ಯಾ ಆಸ್ಪತ್ರೆಗಳು, ನರ್ಸಿಂಗ್, ಬಿಪಿಟಿ, ಎಂಎಲ್ಟಿ ಆಭ್ಯರ್ಥಿಗಳನ್ನು ನಿರೀಕ್ಷಿಸುತ್ತದೆ.
*ಕೇನ್ಸ್ ಟೆಕ್ನಾಲಜಿ, ಅಟೋಲೀವ್, ಟಿವಿಎಸ್ ಮೋಟಾರ್ ಸೈಕಲ್, ಈಕ್ವಲೈಜ್, ಆರ್ಸಿಎಂ ಸೇವೆಗಳು, ಎಸ್ 3ವಿ, ವಾಸ್ಕುಲರ್ ಟೆಕ್ನಾಲಜೀಸ್ ಪ್ರೈವೇಟ್ ಲಿ., ಐಟಿಸಿ ಸೇರಿದಂತೆ ಮೈಸೂರು ಪ್ರದೇಶದ 20 ಕಂಪನಿಗಳು ಪಾಲ್ಗೊಳ್ಳಲಿವೆ.
ಅಜೀಂ ಪ್ರೇಮ್ಜೀ ಫೌಂಡೇಶನ್, ಗೋವಾ ಇನ್ಸ್ಟಿಟ್ಯೂಶನ್, ದೇಶಪಾಂಡೆ ಫೌಂಡೇಶನ್ ಮುಂತಾದ ಕಂಪನಿಗಳು ಬಿಎಡ್ ಪ್ರೊಫೈಲ್ನೊಂದಿಗಿನ ಆಭ್ಯರ್ಥಿಗಳನ್ನು ಆಹ್ವಾನಿಸಿವೆ. ಕ್ಯೂಎ/ಕ್ಯುಸಿ ನಲ್ಲಿ ಪಾರ್ಶ್ವ ನೇಮಕಾತಿಗೆ ಬಿಇ(ಮೆಕ್), ಎಂಬಿಎ ಆಕಾಂಕ್ಷಿ ಪ್ರೊಫೈಲ್ಗಳಿಗೆ ಅವಕಾಶಗಳಿವೆ.
ಸುದ್ದಿಗೋಷ್ಠಿಯಲ್ಲಿ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ ಸಹಾಯಕ ಟಿಪಿಒ ಸುಶಾಂತ್ ಅನಿಲ್ ಲೋಬೊ, ಆಳ್ವಾಸ್ ಪ್ರಗತಿ ಸಂಯೋಜಕ ಮುದ್ದುಕೃಷ್ಣ ಸಿ. ಶೆಟ್ಟಿ, ದೀಪಕ್ರಾಜ್ ಉಪಸ್ಥಿತರಿದ್ದರು.
ಕಂಪನಿ ಹಾಗೂ ಆಭ್ಯರ್ಥಿಗಳ ದಾಖಲಾತಿ ಉಚಿತ
*ಆನ್ಲೈನ್ ನೊಂದಣಿಗೆ
*ಕಂಪನಿಗಳು
