ನಮ್ಮದು Art 4 Heart ಸ್ನೇಹ: ನಾಸಿರ್ ಬ್ರಹ್ಮಾವರ

► ನಿಮ್ಮ ಬೆಸ್ಟ್ ಫ್ರೆಂಡ್ ಹೆಸರೇನು? 

ಸಚಿನ್, ರಾಜೇಶ್ ಮತ್ತು ಪ್ರಮೋದ್ ನನ್ನ ಬೆಸ್ಟ್ ಫ್ರೆಂಡ್ಸ್. ನಮ್ಮದು Art 4 Heart ಸ್ನೇಹ.

► ಎಲ್ಲಿ, ಯಾವಾಗ ಅವರನ್ನು ಭೇಟಿಯಾದ್ರಿ ? 

ನಮ್ಮ ಊರಿನ ಪ್ರಾಥಮಿಕ ಶಾಲೆಯಲ್ಲಿ 2-3 ನೇ ತರಗತಿಯಲ್ಲಿ ಕಲಿಯುತ್ತಿರುವ ಸಂದರ್ಭದಿಂದಲೂ ನಾವು ಚಡ್ಡಿದೋಸ್ತಿಗಳು. ನಮ್ಮ  ಗೆಳೆತನ ಸುಮಾರು 23 ವರ್ಷಗಳದ್ದು.

► ನಿಮ್ಮ ಬೆಸ್ಟ್ ಫ್ರೆಂಡ್ ನಿಮ್ಮ ಬೆಸ್ಟ್ ಫ್ರೆಂಡ್ ಆಗಿದ್ದು ಹೇಗೆ ? 

ನಮ್ಮ ವೈಯಕ್ತಿಕ ಭಾವನೆ, ವಿಚಾರಧಾರೆಗಳು ಸಮಾನವಾಗಿವೆ. ಆದ್ದರಿಂದ ಬೆಸ್ಟ್ ಫ್ರೆಂಡ್ಸ್ ಗಳಾಗಿದ್ದೇವೆ.

► ಆ ಬೆಸ್ಟ್ ಫ್ರೆಂಡ್ ನಲ್ಲಿ ನೀವು ಅತ್ಯಂತ ಹೆಚ್ಚು ಇಷ್ಟಪಡುವ ಗುಣಗಳೇನು ? 

ನಮ್ಮಲ್ಲಿರುವ ಕೆಲವು ವಿಶೇಷ ಸಾಮ್ಯತೆಗಳೆಂದರೆ ಬಾಲ್ಯದಿಂದ ಇಂದಿನ ವರೆಗೂ  ಒಟ್ಟುಗೂಡಿ ದೂರ ಪ್ರಯಾಣ,  ಕ್ರೀಡೆಗಳು, ಧಾರ್ಮಿಕ ಕಾರ್ಯಕ್ರಮಗಳಲ್ಲಿಯೂ ಭಾಗವಹಿಸುತ್ತೇವೆ.

► ನಿಮ್ಮ ನಡುವಿನ ವಿರೋಧಾಭಾಸಗಳು ? 

ನನ್ನ ಅರಿವಿಗೆ ಬಂದಂತೆ ನಮ್ಮ ನಡುವೆ ಯಾವುದೇ ವಿರೋಧಾಭಾಸಗಳಿಲ್ಲ.

► ನಿಮ್ಮ ನಡುವೆ ಏನಾದರೂ ಜಗಳ ನಡೆದಿದೆಯೇ ?

ಒಂದು ಬಾರಿ ಬಾಲ್ಯದಲ್ಲಿ ತಮಾಷೆ ಮಾಡಿದ್ದಕ್ಕಾಗಿ ಗೆಳೆಯನಲ್ಲಿ ಸಿಟ್ಟು ಮಾಡಿಕೊಂಡಿದ್ದೆ. ಬಳಿ ಕ ಕೆಲವೇ ಕ್ಷಣಗಳಲ್ಲಿ ಇನ್ನೊಬ್ಬ ಸ್ನೇಹಿತ ರಾಜಿ ಮಾಡಿಸಿದ. ಆ ಬಳಿಕದ 23 ವರ್ಷಗಳಲ್ಲಿ ಸಿಟ್ಟು, ವೈಮನಸ್ಸು ಯಾರಲ್ಲೂ ಆಗಿಲ್ಲ.

► ನಿಮ್ಮ ಪ್ರಕಾರ ಫ್ರೆಂಡ್ ಶಿಪ್ ಅಂದ್ರೆ ಏನು ? 

ಗೆಳೆತನದಲ್ಲಿ  ಜಾತಿ, ಧರ್ಮ, ಮತ-ಪಂಗಡ, ಬಡವ- ಧನಿಕನೆಂಬ ಬೇಧ ಇರಬಾರದು. ಗೆಳೆಯರ ಕಷ್ಟ-ದುಃಖಗಳನ್ನು ಹಂಚಿಕೊಳ್ಳುವಂತಿರಬೇಕು. ಸ್ನೇಹಿತರ ಭಾವನೆಗಳನ್ನು ತಕ್ಷಣ ಅರ್ಥೈಸುವಂತಹ ಹೃದಯವಂತಿಕೆ ಇರುವವರೇ ನಿಜವಾದ ಗೆಳೆಯರು.

► ನೀವು ಮಿಸ್ ಮಾಡಿಕೊಳ್ಳುತ್ತಿರುವ ಬೆಸ್ಟ್ ಫ್ರೆಂಡ್ ಯಾರಾದರೂ ಇದ್ದಾರಾ?

ನನ್ನ ಹಲವಾರು  ಗೆಳೆಯರಲ್ಲಿ, ಈ ಮೂರು ಗೆಳೆಯರನ್ನು ಅತೀ ಹೆಚ್ಚು ಇಷ್ಟ ಪಡುತ್ತೇನೆ. ಮೂವರು ಸ್ನೇಹಿತರಲ್ಲಿ ರಾಜೇಶ್ ಊರಿನಲ್ಲಿದ್ದರೆ, ಸಚಿನ್ ಮತ್ತು ಪ್ರಮೋದ್ ಹೊರದೇಶದಲ್ಲಿ ಉದ್ಯೋಗದಲ್ಲಿ ಇದ್ದಾರೆ. ಅವರನ್ನು  ತುಂಬಾ ಮಿಸ್ ಮಾಡಿಕೊಳ್ಳುತ್ತಿದ್ದೇನೆ.

- ನಾಸಿರ್, ಬ್ರಹ್ಮಾವರ