ಉಪ್ಪಿಟ್ಟಿನ ಮೂಲಕ ಕೋಪ ಬರಿಸುವ ಸ್ನೇಹಿತೆ: ನವಾಝ್‌ ಖಾನ್

ನಮ್ಮನ್ನು ಬೆಸೆದ ಸಾಮಾಜಿಕ ಜಾಲತಾಣಕ್ಕೆ ಧನ್ಯವಾದ

► ನಿಮ್ಮ ಬೆಸ್ಟ್ ಫ್ರೆಂಡ್ ಹೆಸರೇನು? 

ನನ್ನ ಬೆಸ್ಟ್‌ಫ್ರೆಂಡ್ ಹೆಸರು ಟಿ.ಎನ್.ಪ್ರಿಯಾಂಕಾ.

► ಎಲ್ಲಿ, ಯಾವಾಗ ಅವರನ್ನು ಭೇಟಿಯಾದ್ರಿ ? 

ಪದವಿ ಕಾಲೇಜಿಗೆ ದಾಖಲಾದಾಗ ಮೊದಲ ಸೆಮಿಸ್ಟರ್‌ನಲ್ಲಿ ನಾನು ಆಕೆಯನ್ನು ಭೇಟಿಯಾದೆ.

► ನಿಮ್ಮ ಬೆಸ್ಟ್ ಫ್ರೆಂಡ್ ನಿಮ್ಮ ಬೆಸ್ಟ್ ಫ್ರೆಂಡ್ ಆಗಿದ್ದು ಹೇಗೆ ? 

ಕಳೆದ ವರ್ಷ ನಮ್ಮ ಕಾಲೇಜಿನ ಬೆಳ್ಳಿ ಹಬ್ಬದ ಸಮಾರಂಭವಿತ್ತು. ನಾನು ಒಂದು ಕಾರ್ಯಕ್ರಮ ನೀಡಬೇಕಿತ್ತು. ಆದರೆ ನನಗೆ ಭಯ ಕಾಡುತ್ತಿತ್ತು. ಆ ಸಂದರ್ಭದಲ್ಲಿ ನನಗೆ ಧೈರ್ಯ ತುಂಬಿಸಿದ್ದಲ್ಲದೆ, ಯಾವುದೇ ಅಳುಕು ಇಲ್ಲದೆ ಕಾರ್ಯಕ್ರಮ ನೀಡುವಂತೆ ನನ್ನ ಬೆಂಬಲಕ್ಕೆ ನಿಂತಿದ್ದಳು. ಆಕೆಯ ಸ್ಫೂರ್ತಿದಾಯಕ ಮಾತುಗಳು, ನನ್ನಲ್ಲಿ ಆತ್ಮಸ್ಥೈರ್ಯ ಮತ್ತಷ್ಟು ಹೆಚ್ಚುವಂತೆ ಮಾಡಿತು. ಈ ಘಟನೆ ನಮ್ಮನ್ನು ಆತ್ಮೀಯತೆ ಬೆಳೆಸಿತು.

► ನಿಮ್ಮ ಬೆಸ್ಟ್ ಫ್ರೆಂಡ್ ನಿಮಗೆ ಸಿಟ್ಟು ಬರಿಸುವುದು ಯಾವಾಗ ? 

ನನಗೆ ಉಪ್ಪಿಟ್ಟು ಇಷ್ಟವಿಲ್ಲ. ಆದರೆ, ಅದು ಆಕೆಗೆ ಗೊತ್ತಿದ್ದರೂ ಬಲವಂತವಾಗಿ ತಿನ್ನಿಸುತ್ತಾಳೆ. ಹೀಗೆ ನನಗೆ ತುಂಬಾ ಸಿಟ್ಟು ಬರಿಸುತ್ತಾಳೆ.

► ನಿಮ್ಮ ನಡುವಿನ ವಿರೋಧಾಭಾಸಗಳು ?

ಸ್ವಲ್ಪ ಹೊತ್ತು ಮುನಿಸಿಕೊಂಡು ಇರುತ್ತೇನೆ, ನಂತರ ಮತ್ತೆ ಎಂದಿನಂತೆ ಮುಂದುವರೆಯುತ್ತೇವೆ.

► ನಿಮ್ಮ ನಡುವಿನ ಸಾಮ್ಯತೆಗಳು (ಫೇವರಿಟ್ ನಟ, ಆಹಾರ, ಕ್ರಿಕೆಟಿಗ ಇತ್ಯಾದಿ ) ? 

ನಮ್ಮ ನಡುವಿನ ಸಾಮ್ಯತೆಗಳನ್ನು ಹೇಳುವುದಾದರೆ, ನನಗೆ ಚಲನಚಿತ್ರ ನಟರ ಪೈಕಿ ರಾಕಿಂಗ್‌ ಸ್ಟಾರ್ ಯಶ್ ಇಷ್ಟ. ಆಕೆಗೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಇಷ್ಟ. ಆಹಾರದಲ್ಲಿ ಆಕೆಗೆ ಅನ್ನ ಹಾಗೂ ತುಪ್ಪ ಇಷ್ಟವಾದರೆ, ನನಗೆ ಬಿರಿಯಾನಿ ಇಷ್ಟ. ಆದರೆ, ಕ್ರೀಡೆ ವಿಚಾರಕ್ಕೆ ಬಂದರೆ ನಮ್ಮಿಬ್ಬರಿಗೂ ಭಾರತೀಯ ಕ್ರಿಕೆಟ್ ತಂಡದ ನಾಯಕ ವಿರಾಟ್‌ ಕೊಹ್ಲಿ ಇಷ್ಟ.

► ನಿಮ್ಮ ನಡುವಿನ ವಿರೋಧಾಭಾಸಗಳು ? 

ನಾನು ಯಾವುದಾದರೂ ವಿಷಯದ ಬಗ್ಗೆ ಪ್ರತಿಕ್ರಿಯೆ ನೀಡಬೇಕಾದರೆ ಸ್ವಲ್ಪ ಆಲೋಚನೆ ಮಾಡುತ್ತೇನೆ. ಆದರೆ, ಪ್ರಿಯಾಂಕಾ ಹಾಗಲ್ಲ, ಯಾವುದನ್ನೂ ಯೋಚನೆ ಮಾಡದೆ, ನೇರವಾಗಿ ತಕ್ಷಣವೇ ಪ್ರತಿಕ್ರಿಯೆ ನೀಡುತ್ತಾಳೆ. ನಮ್ಮಿಬ್ಬರ ಸ್ನೇಹದ ನಡುವೆ ಒಮ್ಮೊಮ್ಮೆ ಜಗಳ ನಡೆಯುತ್ತಿರುತ್ತವೆ.

► ನಿಮ್ಮ ನಡುವೆ ಏನಾದರೂ ಜಗಳ ನಡೆದಿದೆಯೇ ? 

ಒಂದು ದಿನ ನಾನು ಪಲ್ಸ್ ಪೊಲೀಯೋ ಲಸಿಕೆ ಹಾಕುವ ಕಾರ್ಯಕ್ರಮಕ್ಕೆ ಬರುವಂತೆ ಆಕೆಗೆ ಆಹ್ವಾನ ನೀಡಿದ್ದೆ. ಆದರೆ, ಆಕೆ ಬರಲಿಲ್ಲ. ಇದರಿಂದ ಸಿಟ್ಟು ಬಂದು ನಾನು ಜಗಳವಾಡಿದ್ದೆ. ಆದರೆ, ನಂತರ ಆಕೆಯೆ ಬಂದು ರಾಜಿ ಮಾಡಿಕೊಂಡಳು.

► ನಿಮ್ಮ ಬೆಸ್ಟ್ ಫ್ರೆಂಡ್ ಮೇಲೆ ನಿಮಗೆ ಯಾವತ್ತಾದರೂ ಹೊಟ್ಟೆಕಿಚ್ಚಾಗಿದೆಯೇ ? ಹೌದು ಎಂದಾದರೆ ಏಕೆ ?

ಫ್ರೆಂಡ್‌ಶಿಪ್ ಅಂದರೆ ಒಬ್ಬರ ಬೆಳವಣಿಗೆ ನೋಡಿ ಅಸೂಯೆ ಪಡುವುದಲ್ಲ, ಏನೇ ಕಷ್ಟ ಬಂದರೂ ಪರಸ್ಪರ ವಿಶ್ವಾಸವನ್ನು ಉಳಿಸಿಕೊಳ್ಳುವುದು.

► ನೀವು ಮಿಸ್ ಮಾಡಿಕೊಳ್ಳುತ್ತಿರುವ ಬೆಸ್ಟ್ ಫ್ರೆಂಡ್ ಯಾರಾದರೂ ಇದ್ದಾರಾ?

ಬೆಸ್ಟ್ ಫ್ರೆಂಡ್ ಎಂದರೆ ನನ್ನಲ್ಲಿ ಇರುವ ಎಲ್ಲ ಗುಣಗಳು ಅವರಲ್ಲಿರಬೇಕು ಹಾಗೂ ಅವರಲ್ಲಿರುವ ಗುಣಗಳು ನಮ್ಮಲ್ಲಿರಬೇಕು. ಹಾಗಂತ, ಗುಣಗಳು ಒಂದಾಗದಿದ್ದರೂ ಪರಸ್ಪರ ಅರ್ಥ ಮಾಡಿಕೊಳ್ಳುವ ಮನಸ್ಸಿರಬೇಕು. ಶಾಲಾ ದಿನಗಳ ಸ್ನೇಹಿತರನ್ನು ಮಿಸ್ ಮಾಡಿಕೊಳ್ಳುತ್ತೇನೆ.

- ನವಾಝ್‌ ಖಾನ್, ಪತ್ರಿಕೋದ್ಯಮ ವಿದ್ಯಾರ್ಥಿ ಪ್ರಥಮ ದರ್ಜೆ ಕಾಲೇಜು,

ಕೆ.ಆರ್. ಪುರ ಬೆಂಗಳೂರು.