ಮುಂಬೈ: ಬ್ಲೂಬಾಟಲ್ ಜೆಲ್ಲಿ ಮೀನು ದಾಳಿ; 150 ಮಂದಿಗೆ ಗಾಯ

ಹೊಸದಿಲ್ಲಿ, ಆ. 7: ಮುಂಬೈ ಕಡಲ ತೀರದಲ್ಲಿ ‘ಪೋರ್ಚುಗೀಸ್ ಮ್ಯಾನ್ ಆಫ್ ವಾರ್’ ಎಂದು ಕರೆಯಲಾಗುವ ಬ್ಲೂಬಾಟಲ್ ಜೆಲ್ಲಿ ಮೀನುಗಳ ದಾಳಿಯಿಂದ 150ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ. ಪೋರ್ಚುಗೀಸ್ ಮ್ಯಾನ್ ಆಫ್ ವಾರ್ ಉದ್ದದ ಗ್ರಹಣಾಂಗಗಳನ್ನು ಹೊಂದಿದ್ದು, ಇದನ್ನು ಚುಚ್ಚಿ ವಿಷ ಬಿಡುಗಡೆಗೊಳಿಸುತ್ತದೆ.

 ಈ ವಿಷ ಮೀನುಗಳನ್ನು ಕೊಲ್ಲುವ ಸಾಮರ್ಥ್ಯ ಹೊಂದಿದೆ. ಆದರೆ, ಮಾನವನನ್ನು ಕೊಲ್ಲಲಾರದು. ಕಳೆದ ಕೆಲವು ದಿನಗಳಿಂದ ಹಲವು ಜನರು ಈ ಮೀನಿನ ದಾಳಿಯಿಂದ ಗಾಯಗೊಂಡಿದ್ದಾರೆ. ಅವರಿಗೆ ಗಂಟೆಗಳ ಕಾಲ ತುರಿಸುವಿಕೆ ಹಾಗೂ ನೋವಿನ ಅನುಭವವಾಗಿತ್ತು. ಬ್ಲೂಬಾಟಲ್ ಜೆಲ್ಲಿ ಮೀನು ಸಾಮಾನ್ಯವಾಗಿ ಪ್ರತಿ ವರ್ಷ ಮುಂಗಾರು ಋತುಮಾನದ ಸಂದರ್ಭ ಕಂಡು ಬರುತ್ತದೆ. ಆದರೆ, ಈ ಬಾರಿ ದೊಡ್ಡ ಸಂಖ್ಯೆಯಲ್ಲಿ ಕಾಣಿಸಿಕೊಂಡಿದೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.