‘ಥಗ್ಸ್ ಆಫ್ ಹಿಂದೂಸ್ಥಾನ್’ ಸನಾ ಶೇಖ್ ವಿಭಿನ್ನ ಲುಕ್
ಬಹುನಿರೀಕ್ಷಿತ ಐತಿಹಾಸಿಕ ಚಿತ್ರ ‘ಥಗ್ಸ್ ಆಫ್ ಹಿಂದೂಸ್ಥಾನ್’ನಲ್ಲಿ ಬಾಲಿವುಡ್ ನಟಿ ಫಾತಿಮಾ ಸನಾ ಶೇಖ್ ಅವರ ಫಸ್ಟ್ ಲುಕ್ ಅನ್ನು ಯಶ್ರಾಜ್ ಫಿಲ್ಮ್ಸ್ ಬುಧವಾರ ಬಿಡುಗಡೆಗೊಳಿಸಿದೆ. ಯಶ್ರಾಜ್ ಪಿಲ್ಮ್ಸ್ ‘ಥಗ್ಸ್ ಆಫ್ ಹಿಂದೂಸ್ಥಾನ್’ನ ಎರಡನೇ ಪಾತ್ರ ಝಫಿರಾ ಫಸ್ಟ್ ಲುಕ್ ಅನ್ನು ಬಿಡುಗಡೆ ಗೊಳಿಸಿದೆ. ವಿಜಯ್ ಕೃಷ್ಣ ನಿರ್ದೇಶನದ ಈ ಚಿತ್ರದಲ್ಲಿ ಫಾತಿಮಾ ಸನಾ ಶೇಖ್ ಅವರು ಝಫಿರಾ ಪಾತ್ರದಲ್ಲಿ, ರಗಡ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದಾರೆ. ಸಂಸ್ಥೆ ತನ್ನ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ನಲ್ಲಿ ಈ ಚಿತ್ರವನ್ನು ಶೇರ್ ಮಾಡಿದೆ.
ಟ್ವಿಟ್ಟರ್ನ ಅಧಿಕೃತ ವಿವರಣೆಯಲ್ಲಿ ಫಾತಿಮಾ ಅವರ ಪಾತ್ರ ಝಫಿರಾ ಬೆಂಕಿ ಉಗುಳುವ ಹಾಗೂ ಬೆರಗುಗೊಳಿಸುವ ಪಾತ್ರ ಎಂದು ಹೇಳಲಾಗಿದೆ. ಝಫಿರಾ ಹೋರಾಟದಲ್ಲಿ ಅತ್ಯುಚ್ಛ ಪ್ರತಿಭಾವಂತೆ. ಬಿಲ್ಲು ಹಾಗೂ ಬಾಣ ಯುದ್ಧ ಪ್ರವೀಣೆ. ಝಫಿರಾ ನಿಖರ ಹಾಗೂ ಆಕೆ ಎಂದೂ ಗುರಿಯನ್ನು ತಪ್ಪಿಲ್ಲ. ಝಫಿರಾ ಆಗಿ ನಟಿಸಿರುವ ಫಾತಿಮಾ ಸನಾ ಶೇಖ್ ಚಿತ್ರಕ್ಕೆ ಹುರುಪು ಹಾಗೂ ತಾಜಾತನ ತಂದಿದ್ದಾರೆ. ಪುಟ್ಟ ಟೀಸರ್ ಅನ್ನು ಅಮೀರ್ ಖಾನ್ ಕೂಡ ಟ್ವೀಟ್ ಮಾಡಿದ್ದಾರೆ. ಕತ್ರಿನಾ ಕೈಫ್ ಕೂಡ ‘ಥಗ್ಸ್ ಆಫ್ ಹಿಂದೂಸ್ಥಾನ’ ಚಿತ್ರದಲ್ಲಿ ನಟಿಸಿದ್ದಾರೆ.
ಅಮೀರ್ ಖಾನ್ ಅವರೊಂದಿಗೆ ಫಾತಿಮಾ ನಟಿಸುತ್ತಿರುವ ಎರಡನೇ ಚಿತ್ರ ಇದು. ಈ ಹಿಂದೆ ದಂಗಲ್ ಚಿತ್ರದಲ್ಲಿ ಅಮೀರ್ ಖಾನ್ ಜೊತೆಯಾಗಿ ಫಾತಿಮಾ ನಟಿಸಿದ್ದರು. ಈ ಚಿತ್ರ ಫಿಲಿಪ್ ಟೈಲರ್ ಅವರ ‘ಕನ್ಫೆಶನ್ ಆಫ್ ಥಗ್’ ಕಾದಂಬರಿ ಆಧಾರಿತವಾಗಿದೆ. ಹಣ ಹಾಗೂ ವೌಲ್ಯಯುತ ಸೊತ್ತಿಗಾಗಿ ಯಾತ್ರಿಕರನ್ನು ಹತ್ಯೆಗೈಯುವ ತಂಡವೊಂದರ ಜೀವನ ಹಾಗೂ ಚಟುವಟಿಕೆಗಳ ವಿವರಗಳನ್ನು ಈ ಕಾದಂಬರಿ ಹೊಂದಿದೆ. ‘ಥಗ್ಸ್ ಆಫ್ ಹಿಂದೂಸ್ಥಾನ’ ಚಿತ್ರವನ್ನು ಮುಂಬೈ, ಮಾಲ್ಟಾ, ಮೊರಾಕ್ಕೊ ಹಾಗೂ ಥಾಲ್ಯಾಂಡ್ನಲ್ಲಿ ಚಿತ್ರೀಕರಿಸಲಾಗಿತ್ತು. ಈ ಚಿತ್ರ 2018 ನವೆಂಬರ್ 8ರಂದು ಬೆಳ್ಳಿ ತೆರೆಗೆ ಅಪ್ಪಳಿಸಲಿದೆ.
