ಮುಸ್ಲಿಂ ಯುವಕನನ್ನು ಪ್ರೀತಿಸಿದ ಯುವತಿಗೆ ಮಹಿಳಾ ಪೊಲೀಸ್ ಸಿಬ್ಬಂದಿಯಿಂದ ಹಲ್ಲೆ

ಮೀರತ್, ಸೆ.25: ಮುಸ್ಲಿಮ್ ಯುವಕನನ್ನು ಪ್ರೀತಿಸುತ್ತಿದ್ದ ಯುವತಿಯೊಬ್ಬಳಿಗೆ ಮಹಿಳಾ ಪೊಲೀಸ್ ಸಿಬ್ಬಂದಿಯೊಬ್ಬರು ಹಲ್ಲೆಗೈಯುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಪ್ರಕರಣಕ್ಕೆ ಸಂಬಂಧಿಸಿ ವಿಡಿಯೋದಲ್ಲಿರುವ ನಾಲ್ವರು ಪೊಲೀಸರ ಅಮಾನತು ಮಾಡಲಾಗಿದ್ದು, ತನಿಖೆ ನಡೆಯುತ್ತಿದೆ. ಪೊಲೀಸ್  ವಾಹನದಲ್ಲಿ ಓರ್ವ ಮಹಿಳಾ ಪೊಲೀಸ್ ಮತ್ತೋರ್ವ ಪುರುಷ ಸಿಬ್ಬಂದಿ ಮಧ್ಯದಲ್ಲಿ ಕುಳಿತಿರುವ ಯುವತಿಗೆ ಹಲ್ಲೆಗೈಯುತ್ತಿರುವ ದೃಶ್ಯಗಳು ವಿಡಿಯೋದಲ್ಲಿದೆ. ಇಬ್ಬರು ಪೊಲೀಸರು ವಾಹನದ ಮುಂದಿನ ಸೀಟುಗಳಲ್ಲಿ ಕುಳಿತಿದ್ದರು. ಮುಂದಿನ ಸೀಟುಗಳಲ್ಲಿ ಕುಳಿತಿದ್ದ ಪೊಲೀಸ್ ಸಿಬ್ಬಂದಿಯೊಬ್ಬ ವಿಡಿಯೋ ಚಿತ್ರೀಕರಿಸಿದ್ದಾನೆ. “ಹಿಂದೂ ಯುವಕರಿರುವಾಗ ನೀನು ಮುಸ್ಲಿಮ್ ಯುವಕನನ್ನು ಏಕೆ ಪ್ರೀತಿಸುತ್ತಿದ್ದೀಯಾ?” ಎಂದು ಪೊಲೀಸ್ ಸಿಬ್ಬಂದಿಯೊಬ್ಬ ಯುವತಿಯನ್ನು ಪ್ರಶ್ನಿಸುತ್ತಾನೆ.

ನಂತರ ಮಹಿಳಾ ಸಿಬ್ಬಂದಿ ಯುವತಿಗೆ ಥಳಿಸುವುದು ವಿಡಿಯೋದಲ್ಲಿದೆ. ಸಹೋದ್ಯೋಗಿಯೊಂದಿಗೆ ಈ ವಿಡಿಯೋವನ್ನು ಪೊಲೀಸ್ ಹಂಚಿಕೊಂಡಿದ್ದು, ನಂತರ ವೈರಲ್ ಆಗಿದೆ.

Shocking video of the girl who was rescued by cops from Vishwa Hindu Parishad goons who were harassing a Meerut couple for Love Jihad. The cops after rescuing the girl began assaulting her in the police van calling her out for chosing Muslim partner and made video. @uppolice pic.twitter.com/l0eIPmJKnp

— Piyush Rai (@PiyushRaiTOI) September 25, 2018