ಓ ಮೆನಸೇ…!
ಸೋತರೂ ಮತ್ತೆ ಮುಖ್ಯಮಂತ್ರಿ ಆಗುತ್ತೇನೆಂದು ಸಿದ್ದರಾಮಯ್ಯ ಹೇಳಿಕೆ ನೀಡಿರುವುದು ಪ್ರಜಾಪ್ರಭುತ್ವಕ್ಕೆ ಮಾಡಿರುವ ದ್ರೋಹ - ಕೆ.ಎಸ್.ಈಶ್ವರಪ್ಪ, ಶಾಸಕ
► ಯಡಿಯೂರಪ್ಪ ಪ್ರಮಾಣ ವಚನ ದಿನಾಂಕವನ್ನೇ ಘೋಷಿಸಿರಲಿಲ್ಲವೇ?
---------------------
ಎಚ್.ಡಿ.ಕುಮಾರಸ್ವಾಮಿ ಮತ್ತು ಕುಟುಂಬದವರು ಅಧಿಕಾರಕ್ಕಾಗಿ ಏನು ಬೇಕಾದರೂ ಮಾಡ್ತಾರೆ -ಶ್ರೀರಾಮುಲು, ಬಿಜೆಪಿ ರಾಜ್ಯ ಉಪಾಧ್ಯಕ್ಷ
► ಏನೂ ಮಾಡದೆಯೇ ಅಧಿಕಾರ ಅವರ ಪಾದ ಬುಡಕ್ಕೆ ಬಂದಿರುವ ಬಗ್ಗೆ ಏನು ಹೇಳುತ್ತೀರಿ?
---------------------
ರಾಜಕಾರಣ ನಿಂತ ನೀರಲ್ಲ -ಸಿದ್ದರಾಮಯ್ಯ, ಮಾಜಿ ಮುಖ್ಯಮಂತ್ರಿ
► ಅದೀಗ ನಿಮ್ಮ ಪಾಲಿನ ನಿಲ್ಲದ ಕಣ್ಣೀರು.
---------------------
ರಾಜಕೀಯದಲ್ಲಿ ‘ದುರಹಂಕಾರ’ ಎಂಬುದು ಇರಬಾರದು -ಯಶವಂತ್ ಸಿನ್ಹಾ, ಹಿರಿಯ ರಾಜಕಾರಣಿ
► ಅದಕ್ಕೆ ತೆತ್ತ ಬೆಲೆಯನ್ನು ನೆನೆದು ಪಶ್ಚಾತ್ತಾಪವೇ?
---------------------
ಪೊಲೀಸ್ ಪಡೆಗಳು ಕ್ರೂರತ್ವದ ಹಣೆಪಟ್ಟಿ ಹೊತ್ತುಕೊಳ್ಳುವಂತಹ ಕೆಲಸಗಳನ್ನು ಮಾಡಬಾರದು - ರಾಜನಾಥ್ಸಿಂಗ್, ಕೇಂದ್ರ ಸಚಿವ
► ಅದೆಲ್ಲ ರಾಜಕಾರಣಿಗಷ್ಟೇ ಸೀಮಿತವಾದ ಪಟ್ಟಿಯೇ?
---------------------
ಲೈಂಗಿಕ ಕಿರುಕುಳದ ಬಗೆಗಿರುವ ವೌನದ ಗಾಜು ಒಡೆಯಲೇ ಬೇಕಿದೆ - ಮೇನಕಾಗಾಂಧಿ, ಕೇಂದ್ರ ಸಚಿವೆ
► ಮೋದಿಯ ಕಡೆಗೆ ಮೊದಲ ಕಲ್ಲನ್ನು ನೀವೇ ಎಸೆಯಿರಿ.
---------------------
ಭಾರತವು ವಿಶ್ವದ ಆರ್ಥಿಕ ಪ್ರಗತಿಯ ಇಂಜಿನ್ - ನರೇಂದ್ರ ಮೋದಿ, ಪ್ರಧಾನಿ
►ಸದ್ಯಕ್ಕೆ ಆ ಇಂಜಿನ್ ಅಮೆರಿಕದ ಗುಜರಿ ಅಂಗಡಿಯ ತಕ್ಕಡಿಯಲ್ಲಿ ತೂಗುತ್ತಿದೆ.
---------------------
ಜಲ್ಲಿಕಟ್ಟು ಮಾದರಿಯಲ್ಲಿ ಕಂಬಳಕ್ಕೂ ಮಾನ್ಯತೆಗೆ ಪ್ರಯತ್ನಿಸುವೆ - ಡಿ.ವಿ.ಸದಾನಂದಗೌಡ, ಕೇಂದ್ರ ಸಚಿವ
► ಕೋಳಿಕಟ್ಟಕ್ಕೆ ಮಾತ್ರ ಯಾಕೆ ಅನ್ಯಾಯ?
---------------------
ದೇಶದೊಳಗೆ ಅಕ್ರಮವಾಗಿ ಪ್ರವೇಶಿಸಿರುವ ನುಸುಳುಕೋರರು ನಮ್ಮ ಯುವಕರ ಉದ್ಯೋಗ ಕಸಿಯುತ್ತಿದ್ದಾರೆ -ಅಮಿತ್ ಶಾ, ಬಿಜೆಪಿ ಅಧ್ಯಕ್ಷ
► ಅಕ್ರಮವಾಗಿ ರಾಜಕೀಯಕ್ಕೆ ನುಸುಳಿರುವವರ ಕೊಡುಗೆಯ ಬಗ್ಗೆ ಹೇಳುತ್ತಿರಬೇಕು.
---------------------
ಆತ್ಮರಕ್ಷಣೆಗಾಗಿ ಕರಾಟೆ ಕಲಿಯಿರಿ - ನಳಿನ್ಕುಮಾರ್ ಕಟೀಲು, ಸಂಸದ
► ಅಂದರೆ ಮುಂದಿನ ದಿನಗಳಲ್ಲಿ ಜನಸಾಮಾನ್ಯರ ಬದುಕು ಇನ್ನಷ್ಟು ಅಪಾಯದಲ್ಲಿ ಬೀಳಲಿದೆ.
---------------------
ಕೇವಲ ಸೀಟಿಗಾಗಿ ಕಾಂಗ್ರೆಸ್ ಬಳಿ ಭಿಕ್ಷೆ ಬೇಡುವುದಿಲ್ಲ - ಮಾಯಾವತಿ, ಬಿಎಸ್ಪಿ ನಾಯಕಿ
► ನಿಮ್ಮ ಭಿಕ್ಷೆಯಲ್ಲಿ ಪ್ರಧಾನಿ ಹುದ್ದೆಯೂ ಇರಬೇಕೆಂದು ಕಾಣುತ್ತದೆ.
---------------------
ಪ್ರಧಾನಿ ಮೋದಿ ಕರ್ನಾಟಕದ ಯಾವ ಮೂಲೆಯಲ್ಲಿ ಸ್ಪರ್ಧಿಸಿದರೂ ಅವರನ್ನು ಸೋಲಿಸುತ್ತೇವೆ - ಡಾ.ಜಿ.ಪರಮೇಶ್ವರ್, ಉಪ ಮುಖ್ಯಮಂತ್ರಿ
► ಸಿದ್ದರಾಮಯ್ಯರನ್ನು ಸೋಲಿಸಿದ ಹಿನ್ನೆಲೆಯಲ್ಲಿ ಬಂದ ಆತ್ಮವಿಶ್ವಾಸದ ಮಾತು.
---------------------
ಯಡಿಯೂರಪ್ಪ ಮತ್ತೆ ಮುಖ್ಯಮಂತ್ರಿಯಾಗುವುದು ಶೇ.100ರಷ್ಟು ಖಚಿತ - ಕೆ.ಎಸ್.ಈಶ್ವರಪ್ಪ, ಶಾಸಕ
► ನಿಮ್ಮ ಭರವಸೆ ನೋಡಿ, ಯಡಿಯೂರಪ್ಪ ಭರವಸೆ ಕಳೆದುಕೊಂಡರಂತೆ.
---------------------
ನಾವು ಅಧಿಕಾರಕ್ಕೆ ಬಂದಿರುವುದು ರಾಜಕಾರಣ ಮಾಡುವುದಕ್ಕೆ ಹೊರತು ಸಮಾಜ ಸೇವೆಗಲ್ಲ - ಅನಂತಕುಮಾರ ಹೆಗಡೆ, ಕೇಂದ್ರ ಸಚಿವ
► ದರೋಡೆ ಮಾಡುವುದಕ್ಕೆ ಎಂದು ನೇರವಾಗಿ ಹೇಳಿ.
---------------------
ನಾನು ಎರಡು ಬಾರಿ ಮುಖ್ಯಮಂತ್ರಿಯಾದೆ. ಆದರೂ ಸಂತೋಷದಿಂದಿಲ್ಲ - ಎಚ್.ಡಿ.ಕುಮಾರಸ್ವಾಮಿ, ಮುಖ್ಯಮಂತ್ರಿ
► ಅಂದರೆ ನಿಮ್ಮ ಸಂತೋಷಕ್ಕಾಗಿ ಮೂರನೆ ಬಾರಿ ಮುಖ್ಯಮಂತ್ರಿ ಮಾಡಬೇಕೇ?
---------------------
ಅರ್ಹತೆಯುಳ್ಳವರಿಗೆ ಸಚಿವ ಸ್ಥಾನ ಸಿಗಲೇಬೇಕು -ದೇಶಪಾಂಡೆ, ಸಚಿವ
► ಮತ್ತೆ ನಿಮಗೆ ಸಿಕ್ಕಿದ್ದೇಕೆ?
---------------------
ಕನಸು ಕಾಣುವವರು ಮಾತ್ರ ಗುರಿ ಮುಟ್ಟುತ್ತಾರೆ -ಆರ್.ಅಶೋಕ್, ಮಾಜಿ ಉಪ ಮುಖ್ಯಮಂತ್ರಿ
► ನೀವು ಕಾಣುತ್ತಿರುವುದು ದುಃಸ್ವಪ್ನ
---------------------
ಎಷ್ಟು ಬುದ್ಧಿ ಹೇಳಿದರೂ ಕೇಳದೆ ನನ್ನ ಮಗ ಚಂದ್ರಶೇಖರ ಬಿಜೆಪಿ ಸೇರಿದ್ದಾನೆ - ಸಿ.ಎಂ.ಲಿಂಗಪ್ಪ, ವಿ.ಪ.ಸದಸ್ಯ
► ಬುದ್ಧಿ ಇದ್ದವರು ಬಿಜೆಪಿ ಯಾಕೆ ಸೇರುತ್ತಾರೆ?
---------------------
ಬಳ್ಳಾರಿ ಲೋಕಸಭಾ ಉಪ ಚುನಾವಣೆ ಮಹಾಭಾರತ ಯುದ್ಧ, ಈ ಯುದ್ಧದಲ್ಲಿ ನಾವು ಪಾಂಡವರು -ಶ್ರೀರಾಮುಲು, ಶಾಸಕ
► ಸೀರೆ ಎಳೆಸಿಕೊಳ್ಳಲು ಸಿದ್ಧವಾಗಿರುವ ಆ ದ್ರೌಪದಿ ಯಾರು?
---------------------
ಜನರು ಆಧಾರರಹಿತ ಆರೋಪವನ್ನು ನಂಬುವುದಿಲ್ಲ - ನಿರ್ಮಲಾ ಸೀತಾರಾಮನ್, ಕೇಂದ್ರ ಸಚಿವೆ
► ಅಂದರೆ ಆರೋಪಕ್ಕೆ ಆಧಾರ್ ಲಿಂಕ್ ಮಾಡಬೇಕೆ?
---------------------
ಬಿಜೆಪಿಯೇತರ ಪಕ್ಷಗಳು ಒಟ್ಟಾಗುವುದು ಅನುಮಾನ - ಎಚ್.ಡಿ. ದೇವೇಗೌಡ, ಮಾಜಿ ಪ್ರಧಾನಿ
► ಬಹುಶಃ ಚುನಾವಣೆಯನಂತರ ಬಿಜೆಪಿಯೊಂದಿಗೆ ಒಟ್ಟಾಗುವ ಉದ್ದೇಶವಿರಬೇಕು.
---------------------
ನಮ್ಮ ದೇಶದಲ್ಲಿ ಗರಿಷ್ಠ ನಾಲ್ಕು ರಾಜಕೀಯ ಪಕ್ಷಗಳಿದ್ದರೆ ಒಳ್ಳೆಯದು -ಜಯಪ್ರಕಾಶ್ ಹೆಗ್ಡೆ, ಮಾಜಿ ಸಚಿವ
► ನೀವೀಗ ಎಷ್ಟು ಪಕ್ಷಗಳನ್ನೆಲ್ಲ ಪಕ್ಷಾಂತರ ಮಾಡಿ ಮುಗಿಸಿದಿರಿ?
---------------------
ನಾನು ಪಕ್ಷ ವಹಿಸಿದ ಜವಾಬ್ದಾರಿಯನ್ನಷ್ಟೇ ನಿಭಾಯಿಸುತ್ತಿದ್ದೇನೆ - ಡಿ.ಕೆ.ಶಿವಕುಮಾರ್, ಸಚಿವ
► ಅಂದರೆ ಸಿದ್ದರಾಮಯ್ಯರಿಗೆ ಮೂಗುದಾರ ತೊಡಿಸುವುದು ಪಕ್ಷ ವಹಿಸಿದ ಜವಾಬ್ದಾರಿಯೇ?
---------------------
ಪ್ರಧಾನಿ ನರೇಂದ್ರ ಮೋದಿ ವಿಷ್ಣುವಿನ 11ನೇ ಅವತಾರ -ಅವಧೂತ್ ವಾಘ್, ಮಹಾರಾಷ್ಟ್ರ ಬಿಜೆಪಿ ವಕ್ತಾರ
► ಕರಾವಳಿಯ ಯಕ್ಷಗಾನ ಮೇಳಗಳು 11ನೇ ಅವತಾರ ಬಯಲಾಟ ಆಡಿಸಲು ವೇಷತೊಡುತ್ತಿವೆಯಂತೆ.
