ಫಿಫಾ ರ‍್ಯಾಂಕಿಂಗ್​: ಬೆಲ್ಜಿಯಂ ನಂ.1

ಝೂರಿಕ್, ಅ.25: ವಿಶ್ವ ಚಾಂಪಿಯನ್ ಫ್ರಾನ್ಸ್ ತಂಡವನ್ನು 2ನೇ ಸ್ಥಾನಕ್ಕೆ ತಳ್ಳಿದ ಬೆಲ್ಜಿಯಂ ತಂಡ ಗುರುವಾರ ಇಲ್ಲಿ ಬಿಡುಗಡೆಯಾದ ಫಿಫಾ ವಿಶ್ವ ರ‍್ಯಾಂಕಿಂಗ್​ ನಲ್ಲಿ ಅಗ್ರ ಸ್ಥಾನಕ್ಕೇರಿದೆ. ಈ ತಿಂಗಳು ಎರಡು ಸ್ಪರ್ಧಾತ್ಮಕ ಪಂದ್ಯಗಳಲ್ಲಿ ಜಯ ಸಾಧಿಸಿರುವ ಹಿನ್ನೆಲೆಯಲ್ಲಿ ಬೆಲ್ಜಿಯಂ ರ‍್ಯಾಂಕಿಂಗ್​ನಲ್ಲಿ ನಂ.1 ಸ್ಥಾನ ಪಡೆದಿದೆ.

ಕಳೆದ ತಿಂಗಳು ಬಿಡುಗಡೆಯಾದ ರ‍್ಯಾಂಕಿಂಗ್​ ನಲ್ಲಿ ಬೆಲ್ಜಿಯಂ ಹಾಗೂ ಫ್ರಾನ್ಸ್ ಟೈ ಸಾಧಿಸಿದ್ದವು. ಉಭಯ ತಂಡಗಳು ಅಕ್ಟೋಬರ್‌ನಲ್ಲಿ ಒಂದು ಪಂದ್ಯದಲ್ಲಿ ಜಯ ಹಾಗೂ ಮತ್ತೊಂದರಲ್ಲಿ ಡ್ರಾ ಸಾಧಿಸಿವೆ. 1,773 ಅಂಕ ಗಳಿಸಿರುವ ಬೆಲ್ಜಿಯಂ ತಂಡ ಫ್ರಾನ್ಸ್ ಗಿಂತ(1732) ಒಂದು ಅಂಕದಿಂದ ಮುಂದಿದೆ.

►ಫಿಫಾ ರ‍್ಯಾಂಕಿಂಗ್​:1.ಬೆಲ್ಜಿಯಂ, 2. ಫ್ರಾನ್ಸ್, 3. ಬ್ರೆಝಿಲ್, 4. ಕ್ರೊಯೇಶಿಯ,5. ಇಂಗ್ಲೆಂಡ್, 6. ಉರುಗ್ವೆ, 7.ಪೋರ್ಚುಗಲ್, 8. ಸ್ವಿಟ್ಜ ರ್ಲೆಂಡ್, 9. ಸ್ಪೇನ್, 10. ಡೆನ್ಮಾರ್ಕ್.