3 ಲಕ್ಷ ಕೋಟಿ ರೂ. ಕಪ್ಪುಹಣ ಹೊರತೆಗೆಯುತ್ತೇನೆ ಎಂದ ಮೋದಿ ಆ ಮೊತ್ತವನ್ನು ಆರ್ ಬಿಐನಿಂದ ಕೇಳುತ್ತಿದ್ದಾರೆ

ಹೊಸದಿಲ್ಲಿ, ನ.8: ನೋಟ್ ಬ್ಯಾನ್ ಮೂಲಕ 3 ಲಕ್ಷ ಕೋಟಿ ರೂ. ಕಪ್ಪು ಹಣ ಹೊರತೆಗೆಯುವುದಾಗಿ ಹೇಳಿದ್ದ ಪ್ರಧಾನಿ ಮೋದಿಯವರು ಇದೀಗ ಆರ್ ಬಿಐನಿಂದ 3 ಲಕ್ಷ ಕೋಟಿ ರೂ.ಗಳನ್ನು ಕೇಳುತ್ತಿದ್ದಾರೆ ಎಂದು ಹಿರಿಯ ವಕೀಲ ಪ್ರಶಾಂತ್ ಭೂಷಣ್ ಟ್ವೀಟ್ ಮಾಡಿದ್ದಾರೆ.

500 ಮತ್ತು 1000 ರೂ. ಮುಖಬೆಲೆಯ ನೋಟುಗಳು ಅಮಾನ್ಯಗೊಂಡು ಇಂದಿಗೆ 2 ವರ್ಷಗಳಾಗಿದ್ದು, ಈ ಬಗ್ಗೆ ಟ್ವೀಟ್ ಮಾಡಿರುವ ಭೂಷಣ್, “ಮೋದಿಜಿ, ನೋಟ್ ಬ್ಯಾನ್ ಮೂಲಕ ಹೊರತೆಗೆದ 3 ಲಕ್ಷ ಕೋಟಿ ರೂ. ಕಪ್ಪು ಹಣವನ್ನು ತೋರಿಸಲು ನೀವು ಕೇಳಿದ್ದ 50 ದಿನಗಳ ಬದಲಾಗಿ ನಾವು ನಿಮಗೆ 700 ದಿನಗಳನ್ನು ನೀಡಿದ್ದೇವೆ. ಇದೀಗ ನೀವು ಆರ್ ಬಿಐನಿಂದ 3 ಲಕ್ಷ ಕೋಟಿ ರೂ.ಗಳನ್ನು ಕೇಳುತ್ತಿದ್ದೀರಿ. ಈಗಲೂ ನಾವು ನಿಮ್ಮನ್ನು ದಹಿಸುವುದಿಲ್ಲ” ಎಂದಿದ್ದಾರೆ.

ನೋಟು ಅಮಾನ್ಯಗೊಂಡು ಇಂದಿಗೆ 2 ವರ್ಷಗಳಾಗಿದ್ದು, ವಿಪಕ್ಷಗಳು ಪ್ರಧಾನಿ ಮೋದಿಯವರ ವಿರುದ್ಧ ವಾಗ್ದಾಳಿ ನಡೆಸಿವೆ.  

We have given you 700 days,Modiji, instead of 50 days you asked for, to show the 3LCr of Black money unearthed by Noteban.But far from getting anything, you now ask RBI to give you 3LCr from it's reserves! Still we won't burn you alive. But voters will hold you to account in '19! pic.twitter.com/kULu9bLy1x

— Prashant Bhushan (@pbhushan1) November 8, 2018